پرەزيدەنت پرەۆەنتسيانى سىبايلاس جەمقورلىققا قارسى ءتيىمدى ساياساتتىڭ نەگىزگى باسىمدىقتارىنىڭ ءبىرى رەتىندە بەلگىلەدى. كەڭەستە ءتۇرلى سالالارداعى سىبايلاس جەمقورلىقتىڭ پايدا بولۋ سەبەپتەرى مەن شارتتارىنا ساپالى تالداۋ جۇرگىزۋ قاجەتتىلىگى تۋرالى باسا ايتىلدى. ول ءۇشىن زاڭدا مەملەكەتتىك ورگانداردىڭ تاۋەكەلدەردى وزدىگىنەن انىقتاۋ مەن جويۋعا ارنالعان قاجەتتى قۇرالدار بار. تابىسقا جەتۋ ءۇشىن ولاردىڭ زاڭناماداعى ولقىلىقتاردى جويۋ بويىنشا ازىرلەنگەن ۇسىنىمداردى ىسكە اسىرۋعا جوعارى قىزىعۋشىلىعى قاجەت. سىبايلاس جەمقورلىققا قارسى لايىقتى باستامالارى جوق ورتالىق مەملەكەتتىك جانە جەرگىلىكتى اتقارۋشى ورگانداردىڭ ەنجار باسشىلارى تۋرالى اگەنتتىك پرەزيدەنتتى حاباردار ەتەتىن بولادى.
سىبايلاس جەمقورلىققا قارسى قىزمەت باسشىسى جەمقورلىقپەن كۇرەسۋشىلەردىڭ نازارىن داعدارىسقا قارسى شارالارعا بولىنگەن بيۋدجەت قاراجاتىنىڭ ماقساتتى جۇمسالۋىن باقىلاۋدى كۇشەيتۋگە اۋداردى. اليك شپەكباەۆ جىمقىرۋدىڭ جولىن كەسىپ, ونىڭ الدىن الۋعا جۇمىس ىستەۋدىڭ ماڭىزدىلىعىن اتاپ ءوتتى.
سىبايلاس جەمقورلىققا قارسى ءىس-قيمىلدا ازاماتتىق قوعامنىڭ ءرولىن ءارى قاراي كۇشەيتۋ اياسىندا انتيكور قوعامدىق باقىلاۋدىڭ جاڭا ۇلگىسىن ازىرلەيدى.
اگەنتتىك توراعاسى سىبايلاس جەمقورلىقپەن كۇرەسۋشىلەر قاتارىنىڭ تازالىعى, سونداي-اق مەملەكەتتىك ورگانداردىڭ قىزمەتىنە قيسىنسىز ارالاسۋ فاكتىلەرىن بولدىرماۋ ماسەلەلەرىنە جەكە توقتالدى.
حالىقتىڭ ءال-اۋقاتىن ارتتىرۋ بيزنەستىڭ تابىستى جۇمىسىنا تىكەلەي بايلانىستى. سوندىقتان اگەنتتىك بيزنەستى قورعاۋ ماسەلەلەرىنە ەرەكشە دەن قويعان. وسى باعىتتا اگەنتتىكتە «Protecting business and investments» جوباسى جۇزەگە اسىرىلۋدا. بۇدان بىلاي ونىڭ قىزمەتى جاندانا تۇسەدى.
پرەزيدەنتتىڭ تاپسىرماسىنا سايكەس اگەنتتىك تۇرمىستىق جەمقورلىققا قارسى كۇرەس جونىندەگى جول كارتاسىن ازىرلەيتىن بولادى. مۇندا «ادالدىق الاڭى» جوباسىنىڭ ورنى ەرەكشە.
ىشكى بيزنەس-پروتسەستەردى تسيفرلاندىرۋمەن شەكتەلمەي, اگەنتتىك سىبايلاس جەمقورلىققا قارسى ءىس-قيمىل ماسەلەلەرىندە تسيفرلىق تەحنولوگيالاردى پايدالانۋ بويىنشا جاڭا تاسىلدەردى ازىرلەۋگە نيەتتەنۋدە.
سونىمەن قوسا پرەزيدەنتتىڭ تاپسىرمالارىن ورىنداۋ اياسىندا پاراساتتىلىق يدەولوگياسىن قوعامدى بەلسەندى تارتۋمەن قالىپتاستىرۋدىڭ ماڭىزدىلىعى اتاپ ءوتىلدى.
ءىس-شارا قورىتىندىسى بويىنشا اگەنتتىك توراعاسى ناقتى مىندەتتەر قويىپ, پرەزيدەنت تاپسىرمالارىن مۇلتىكسىز جانە ساپالى ورىنداۋ قاجەتتىگىن ەرەكشە اتاپ ءوتتى.
