باتىرعا مەدالدى الماتى قالاسى توتەنشە جاعدايلار دەپارتامەنتىنىڭ باستىعى سەرىك اۋباكىروۆ تابىس ەتتى.
"اينالانى, ادامداردى قورعاۋدى ءوزىنىڭ پارىزى سانايتىن ناعىز قازاقستاندىق ازاماتقا ءتان باتىلدىق پەن ەرلىك كورسەتكەنىڭىز ءۇشىن العىس ايتامىز, كوپتەگەن جىلدار بويى كاسىبي سپورتپەن شۇعىلدانۋ سىزگە بىرنەشە ادامنىڭ ءومىرىن ساقتاپ قالۋعا مۇمكىندىك بەردى", دەپ اتاپ ءوتتى سەرىك اۋباكىروۆ.
ەستەرىڭىزگە سالا كەتەيىك, 14 تامىز كۇنى ساعات 21.33-تە تج دەپارتامەنتىنىڭ "101" پۋلتىنە المالى اۋدانى رادوستوۆتسا كوشەسى 49 ۇيدەن ءورت شىققانى تۋرالى حابارلاما كەلىپ ءتۇستى. ءورت سوندىرۋشىلەر كەلگەندە بەس قاباتتى تۇرعىن ءۇيدىڭ ءۇشىنشى قاباتىنداعى پاتەردىڭ ءدالىزى مەن اس ءۇي اشىق جالىنمەن جانىپ جاتتى. ءوز ءومىرىن قاتەرگە تىككەن رىمقۇلوۆ داۋرەن ءورت ءسوندىرۋ ەسەپتەرى كەلگەنگە دەيىن پاتەردە قالعان ادامداردى قۇتقارۋعا ىشكە ۇمتىلىپ, ءورت سوندىرۋشىلەرگە قىزىل جالىنمەن كۇرەسۋگە بەلسەندى تۇردە ات سالىسادى.
شۇعىل جاعدايلاردا ادامداردى قۇتقارىپ, بەلسەندى ازاماتتىق ۇستانىم تانىتقانى جانە جاس ۇرپاققا ۇلگى كورسەتكەنى ءۇشىن الماتى قالاسى تج دەپارتامەنتىنىڭ باسشىلىعى ونى ماراپاتتاۋعا ۇسىنىس جاساعان بولاتىن.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
