اۋىل شارۋاشىلىعى, ينۆەستيتسيا تارتۋ جانە قۇرىلىس بويىنشا دا ءوڭىردىڭ دامۋ قارقىنى جوعارى. سوڭعى ايدا بيۋدجەت شىعىندارى بەلگىلەنگەن مەجەدەن 2 ملرد تەڭگەگە ارتتى. مۇنىڭ ءبارى الەۋمەتتىك-ەكونوميكالىق دامۋدىڭ وڭ ديناميكاسىن ساقتاپ وتىر. بۇل ديناميكا جىل سوڭىنا دەيىن ساقتالادى دەگەن ءۇمىت بار, وعان قول جەتكىزۋگە رەزەرۆ جەتكىلىكتى.
وبلىس اكىمى قۇمار اقساقالوۆ ءار سالاداعى ەكونوميكالىق وسىمدەرگە توقتالدى. اتاپ ايتقاندا, اۋىل شارۋاشىلىعىنىڭ ءوسىمى بىلتىرعى سايكەس كەزەڭمەن سالىستىرعاندا 102,8%-عا ارتقانى ايتىلدى. وندىرىلگەن ءونىم كولەمى – 103,9 ملرد تەڭگە. بۇل – بىلتىرعىدان 10 ملرد تەڭگەگە ارتىق دەگەن ءسوز. وسىمدىك شارۋاشىلىعى ونىمدەرى بىلتىرعىدان كەم ەمەس. مال شارۋاشىلىعى ونىمدەرى 102,9%-عا ارتقان.
دەگەنمەن, كەيبىر اۋدانداردا ءوندىرىس كورسەتكىشتەرى بىلتىرعىمەن سالىستىرعاندا تومەن. ماسەلەن, وبلىس ورتالىعىنىڭ ىرگەسىندەگى قىزىلجار اۋدانىنداعى اۋىلشارۋاشىلىق ءونىمى بىلتىرعىمەن سالىستىرعاندا 92,7% بولىپ وتىر. ياعني ءونىم كولەمى 15,1 ملرد تەڭگەگە تومەندەدى دەگەن ءسوز. ءوندىرىستىڭ تومەندەۋى نەگىزىنەن جۇمىرتقانىڭ ازايۋ سەبەبىنەن بولىپ وتىر. دەگەنمەن, بيىل ماۋسىم ايىمەن سالىستىرعاندا شىلدەدە 13 پايىزعا ارتتى.
وبلىستاعى وڭدەۋ كاسىپورىندارى جاقسى ناتيجە كورسەتۋدە. ماسەلەن, «ماسلودەل» جشس ءونىمىن بىلتىرعى سايكەس مەرزىممەن سالىستىرعاندا 46%-عا ارتتىرىپ, 45 مىڭ توننادان ارتىق ءونىم شىعاردى. سونىڭ ىشىندە ءسۇت, ايران, قايماق, ماي جانە تاعى باسقالارى بار. كاسىپورىندا 340 ادام جۇمىس ىستەيدى, ەڭبەكاقىلارى بيىل 20 پايىزعا جوعارىلادى. دەڭگەيى وسى كاسىپورىنمەن قارايلاس «مولپرودۋكت» جشس-دا 220 ادام جۇمىس ىستەيدى. كومپانيا جىل باسىنان بەرى 41,5 مىڭ توننا ءونىم شىعاردى.
ەت وڭدەۋ كاسىپورىندارىنىڭ قارقىنى كوڭىل قۋانتادى. ايتالىق «كازمياسوپرودۋكت» جشس-سى جوسپارلى مەجەنى 108 پايىزعا ورىندادى. «سك – مياسوپرودۋكت» جشس دا قالىسار ەمەس, كاسىپورىن جىل باسىنان بەرى 135 ملن تەڭگەنىڭ 180 توننادان ارتىق شۇجىعىن ءوندىردى.
وتىرىستا ايتىلعانداي, جەتى ايدا 80 ملرد تەڭگەنىڭ ازىق-ت ۇلىگى شىعارىلدى. بۇل بىلتىرعىدان 16 ملرد تەڭگەگە ارتىق. اكىمدىك جىل قورىتىندىسى بويىنشا ءوسىم 4 پايىز بولادى دەپ مەجەلەگەن, بىراق كورسەتكىش اسىپ تۇسەتىن ءتۇرى بار.
ونەركاسىپتىڭ بىلتىرعى جىلدىڭ سايكەس مەرزىمىمەن سالىستىرعانداعى ءوسىمى 108,1 پايىز بولدى. ال رەسپۋبليكا بويىنشا ورتاشا كورسەتكىش 101,3 پايىز ەكەنىن ايتا كەتەيىك. ياعني ءوسىم 27 ملرد تەڭگەگە ارتتى.
– وڭ ديناميكا ءبىزدىڭ زاۋىتتاردىڭ العان تاپسىرىستارىنىڭ وسىمىندە دە بايقالدى. ول 16%-عا ارتىپ, 38 ملرد تەڭگەگە جەتتى. سونىڭ ىشىندە «مۇنايماش» كومپانياسىنىڭ ءوسىمى 106,1%-دى, «پەتروماشزاۆودتىڭ» ءوسىمى 125,7%-دى قۇرادى. «پەتروپاۆلدىڭ مەتالكونسترۋكتسيا زاۋىتى» 1,7 ملرد تەڭگەنىڭ 2,5 مىڭ توننا ءونىمىن شىعاردى. «ەدينستۆو» جشس ءوندىرىس كولەمىن 42 پايىزعا دەيىن ۇلعايتتى, – دەدى وبلىس اكىمى.
نەگىزگى كاپيتالعا سالىنعان ينۆەستيتسيا كولەمى دە بيىل 18,8%-عا ارتتى. سونىڭ ناتيجەسىندە 120 ملرد تەڭگە وندىرىسكە قۇيىلىپ, بىلتىرعىمەن سالىستىرعاندا 19 ملرد تەڭگەگە ارتىق بولدى.
وبلىس اكىمدىگىندە وتكەن وتىرىستا كوز جەتكىزگەنىمىزدەي, جامان ىندەتتىڭ قىسپاعىنا قاراماي ەلىمىزدىڭ تەرىستىگىندە ەكونوميكانىڭ بارلىق سالاسى بويىنشا ءوسىم بار. وبلىس اكىمى بۇل ديناميكا جىل سوڭىنا دەيىن ساقتالاتىنىنا سەنىم ءبىلدىردى.
سولتۇستىك قازاقستان وبلىسى
