ول ورتالىق اۋداندىق اۋرۋحانا مەن جەرگىلىكتى ءدارىحانالاردا پاندەميامەن كۇرەسۋ ءۇشىن ءدارى-دارمەكتەردىڭ بار-جوعىن تەكسەردى. اتالعان اۋداندا كوروناۆيرۋس جۇقتىرعان ناۋقاستاردىڭ بارلىعى ەمدەلىپ شىققانىن اتاپ وتكەن ءجون. سونداي-اق سەناتور قاراتوبە اۋىلىنداعى 67 تۇرعىن ءۇيدىڭ قۇرىلىسىن تەكسەردى. قولجەتىمدى تۇرعىن ءۇي مەملەكەتتىك باعدارلاما بويىنشا سالىنۋدا جانە بۇل مۇندا قولعا الىنعان جالعىز عانا جوبا ەمەس. اكىمدىك تاعى 83 جەكە ۇيدەن تۇراتىن تۇرعىن الابىنىڭ قۇرىلىسىن ماقۇلدادى. قازىرگى تاڭدا جۇمىسشىلار مۇندا ينجەنەرلىك جەلىلەردى تارتۋدا. سەناتور مەملەكەتتىك باعدارلامالاردىڭ ىسكە اسىرىلۋىن قوعامدىق باقىلاۋدىڭ ماڭىزدىلىعىن جانە پاندەميا كەزىندە ازاماتتاردىڭ وزەكتى الەۋمەتتىك پروبلەمالارىن جەدەل شەشۋ قاجەتتىگىن اتاپ ءوتتى.
* * *
سەنات دەپۋتاتتارى ن.ءجۇسىپ پەن د.نوكەتاەۆا الماتى وبلىسىنىڭ بىرقاتار اۋدانىنا باردى. ولار كوپپاتەرلى ۇيلەردىڭ قۇرىلىسى, اۆتوموبيل جولدارى, مەكتەپتەردى جوندەۋ, تاريحي ەسكەرتكىشتەر مەن مادەنيەت نىساندارىن قالپىنا كەلتىرۋ جۇمىستارىن تەكسەرۋدە.
رايىمبەك اۋدانىنىڭ اكىمى سەناتورلارعا «7-20-25» مەملەكەتتىك باعدارلاماسى بويىنشا جۇرگىزىلىپ جاتقان ۇيلەردىڭ قۇرىلىسى تۋرالى ايتىپ بەردى. سونىمەن قاتار دەپۋتاتتار كەلەسى جىلى 90 جىلدىق مەرەيتويى اتاپ وتىلەتىن اتاقتى اقىن مۇقاعالي ماقاتاەۆتىڭ كىشى وتانى – قاراساز اۋىلىندا بولىپ, شەكارا زاستاۆاسىنا دا بارىپ, وتكەن سەسسياداعى زاڭنامالىق وزگەرىستەر مەن سەناتورلاردىڭ زاڭنامالىق باستامالارى تۋرالى اقپارات بەردى.
دەپۋتاتتار مەملەكەت باسشىسىنىڭ تاپسىرمالارىن زاڭنامالىق قامتاماسىز ەتۋ جۇمىستارى تۋرالى ايتىپ, ازاماتتارمەن كوروناۆيرۋس ينفەكتسياسىنىڭ تارالۋىنا جول بەرمەۋ باعىتىنداعى ۇكىمەت قابىلداعان شارالاردىڭ جانە حالىقتىڭ وسال توپتارىن قولداۋ تەتىكتەرىنىڭ تيىمدىلىگىن تالقىلادى. سەناتورلار قازىرگىدەي جاۋاپتى ۋاقىتتا مەملەكەتتىك ورگاندار جۇرتشىلىقتىڭ قاتىسۋىمەن ءدارى-دارمەكتەردىڭ, ازىق-ت ۇلىك ونىمدەرىنىڭ باعاسىن قاتاڭ باقىلاپ, كۆي-مەن كۇرەسۋگە بولىنگەن بيۋدجەت قاراجاتىنىڭ ءتيىمدى جۇمسالۋىن قاداعالاۋى قاجەت ەكەنىن اتاپ ءوتتى.
* * *
سەنات دەپۋتاتتارى ن.بەكنازاروۆ پەن ا.قاپباروۆا شىمكەنت قالاسىنداعى فارماتسەۆتيكالىق كومپانيانىڭ وكىلدەرىمەن كەزدەستى.
ءىس-شارا بارىسىندا ولار مەديتسينالىق مەكەمەلەردىڭ جانە پروۆيزورلىق ورتالىقتاردىڭ قىزمەتكەرلەرىن ءدارى-دارمەكپەن, سونداي-اق قورعانۋ بۇيىمدارىمەن قامتاماسىز ەتۋ ماسەلەسىن تالقىلادى. دەپۋتاتتار وڭىردەگى احۋالعا مونيتورينگ جۇرگىزۋ كەزىندە شىمكەنت قالاسىنداعى 60 مەديتسينالىق مەكەمەنىڭ ءدارى-دارمەك پەن مەديتسينالىق بۇيىمدارعا تاپسىرىس بەرۋ ماقساتىمەن وسى جىل ءۇشىن 465 كەلىسىمشارت جاساسقانى انىقتالدى. ونىڭ جالپى قۇنى قوسىمشا وتىنىشتەردى بىرگە ەسەپتەگەندە 6,9 ملرد تەڭگەنى قۇرايدى. قازىردىڭ وزىندە جەتكىزۋشى تاراپ 4,15 ملرد تەڭگەنىڭ مەديكامەنتىن جەتكىزگەن.
وسىعان وراي سەناتورلار فارماتسەۆتيكالىق حابتىڭ قويماسىن ارنايى بارىپ تەكسەردى. بۇل جەردەن ءدارى-دارمەكتەر شىمكەنت شاھارىمەن بىرگە تۇركىستان, قىزىلوردا جانە تاراز قالالارىنا دا جەتكىزىلەدى. تەكسەرىس كەزىندە دەپۋتاتتار قويمادا مەديتسينالىق پرەپاراتتار مەن باسقا دا قاجەتتى بۇيىمداردىڭ ەكى ايلىق قورى بار ەكەنىنە كوز جەتكىزدى. قىركۇيەك ايىندا تاعى دا قوسىمشا مەديكامەنتتەر جەتكىزىلەدى دەپ جوسپارلانىپ وتىر.
فارماتسەۆت ماماندار سەناتورلارعا وسى سالاداعى تۇيتكىلدەر جونىندە ايتىپ, شىمكەنتتە ۇلتتىق مەديتسينالىق ونىمدەر مەن قىزمەتتەردى ساراپتاۋ جانە سەرتيفيكاتتاۋ ورتالىعىنىڭ فيليالىن اشۋ ماسەلەسىن كوتەردى. قازىرگى تاڭدا ولار ساراپتاما جۇرگىزۋ ءۇشىن وزگە قالالارداعى ماماندارعا جۇگىنۋگە ءماجبۇر. مۇنىڭ ءوزى ايتارلىقتاي ۋاقىت الاتىنى بەلگىلى. سونىڭ سالدارىنان پاندەميا كەزىندە ءدارى-دارمەك جەتكىزۋدە ماسەلەلەر تۋىنداعان. وسىعان وراي شىمكەنتتىك فارماتسەۆتەر اتالعان ورتالىق قالانىڭ وزىندە بولسا, ساراپتاۋلاردى جەدەل جۇرگىزۋگە جانە قاجەتتى پرەپاراتتارمەن قىسقا مەرزىمدە قامتاماسىز ەتۋگە جول اشىلاتىنىن جەتكىزدى.
سونىمەن قاتار سەناتورلار قوعامدىق كەڭەستىڭ وكىلدەرىمەن كەزدەسىپ, شىمقالادا مەديتسينا سالاسىنىڭ دامۋىنا تىڭ سەرپىن بەرەتىن باسىمدىقتاردى پىسىقتادى.
