KTZ Express اق 50 قىرىقفۋتتىق كونتەينەرى بيىل 7 تامىزدا يۋ سي ستانساسىنان (قحر) جونەلتىلدى. ءارى قاراي حالىق تۇتىناتىن تاۋارلار تيەلگەن جۇك پويىز الاشانكوۋ شەكارا بەكەتى ارقىلى دوستىق (قر) ستانساسى, سارىاعاش – كەلەس (رەسەي) جانە سەرگەلي (رەسەي) تورابىمەن ءجۇرىپ ءوتتى. پويىز قىتايدان تاشكەنتكە دەيىنگى قاشىقتىقتى ترانزيتپەن قازاقستان ارقىلى 9 كۇن ىشىندە مەجەلەيدى.
– KTZ Express ءوز الدىنا لوگيستيكالىق قىزمەتتەردىڭ تولىق سپەكترىن ۇسىنۋدى مىندەت ەتىپ قويادى جانە دە تولىقتاي كومپانيا مەنشىگىندەگى كونتەينەرلەردەن قۇرالعان يۋ – تاشكەنت باعىتىنداعى پويىز مۇنىڭ ايقىن دالەلى. اگەنتتىك جەلى مەن شەتەلدەردەگى وكىلدىكتەردى دامىتۋ حالىقارالىق باعىتتاعى كونتەينەرلىك پويىزداردى ۇيىمداستىرۋ مەن جىبەرۋدىڭ باي تاجىريبەسىن جيناقتاۋعا مۇمكىندىك بەردى. بۇگىنگى تاڭدا قىتايلىق سەرىكتەستەرىمىزگە ىڭعايلى بولۋ ءۇشىن KTZ Epress قىزمەتتەرى مەن كونتەينەرلىك جابدىقتارى قىتايدىڭ بارلىق ءىرى پروۆينتسيالارىندا ۇسىنىلعان, – دەيدى «KTZ Express» اق باسشىسى دميتري ابدۋللاەۆ.
