ايماق باسشىسى بانكتە كەم دەگەندە 1000 دوزا بولۋى كەرەكتىگىن اتاپ ءوتتى.
ء"بىز قازان ايىنداعى كوروناۆيرۋستىڭ ەكىنشى تولقىنىنا دايىن بولۋىمىز قاجەت. قازىردەن باستاپ پلازما بانكىن قۇرۋ ءۇشىن ءتيىستى جۇمىستاردى اتقارۋ كەرەك. شىعىس قازاقستاندا 4 409 ادام كوروناۆيرۋستىق ينفەكتسيامەن اۋىرىپ, جازىلدى. ول ادامداردىڭ قان پلازماسى ارقىلى وزگە جانداردىڭ اۋرۋدان ساۋىعىپ كەتۋىنە كومەك بەرە الامىز", - دەدى شقو اكىمى دانيال احمەتوۆ.
ونىڭ ايتۋىنشا, پلازما بانكىن قۇرۋعا جەدەل تۇردە كىرىسۋ كەرەك. بۇگىنگى كۇنى مەديتسينالىق مەكەمەلەردەگى باس دارىگەرلەر مەن اكىمدەردىڭ باستى مىندەتى - ءوڭىر تۇرعىندارىنا قان پلازماسىن تاپسىرۋدىڭ ماڭىزىن ءتۇسىندىرۋ.
ەستەرىڭىزگە سالا كەتەيىك, بۇگىنگى كۇنى شقو-داعى مەديتسينالىق مەكەمەلەر ۇزدىك تەحنيكالىق جابدىقتارمەن قامتاماسىز ەتىلگەن. 27 اۋرۋحانا, ونىڭ باسىم بولىگى اۋداندىق اۋرۋحانالاردا ورتاشا ەسەپپەن 5 كونتسەنتراتوردان بار ەكەنىن ايتا كەتكەن ورىندى. شىعىسقازاقستاندىق دارىگەرلەرمەن COVID-19 كۇرەسۋدەگى تاجىريبەلەرىمەن بولىسكەن تاتارستان رەسپۋبليكاسىنىڭ دارىگەرلەرى ءبىزدىڭ ستاتسيونارلاردىڭ مەديتسينالىق پرەپاراتتارمەن جابدىقتالۋىنا وڭ باعالارىن بەردى.
ايماق باسشىسى وبلىس ماۋسىمدىق اۋرۋلارعا دايىن ەكەنىن اتاپ ءوتتى. ماسەلەن, تۇماۋعا قارسى ۆاكتسينا ەگۋ جۇمىستارىنا دايىندىق جۇرگىزىلۋدە. وبلىستاعى مەديتسينالىق مەكەمەلەرگە 20 000 ۆاكتسينا ساتىپ الىپ, جەتكىزۋ جوسپارلانۋدا. تەگىن ۆاكتسينا وسال توپتاعى تۇرعىندارعا سالىنادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
