پورتال مۇگەدەكتىگى بار ادامدارعا وتق ءوندىرۋشى مەن جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەكتىڭ كەپىلدىك بەرىلگەن تۇرىنە تاپسىرىس بەرۋ ەلەكتروندىق تسيفرلىق قولتاڭبا ارقىلى جۇزەگە اسىرىلادى. تاپسىرىس بەرىلگەن وتق-نى جەتكىزۋ ارقىلى الۋعا نەمەسە ءوز بەتىنشە الىپ كەتۋگە بولادى.
قازىرگى ۋاقىتتا پورتالدا وتق-نىڭ 55 ءتۇرىنىڭ 24-ءى قولجەتىمدى. 2020 جىلدىڭ ەكىنشى جارتىجىلدىعىندا مۇگەدەكتەر ءۇشىن پورتال ارقىلى جەكە كومەكشىلەر مەن ىمداۋ ءتىلى ماماندارىنىڭ قىزمەتتەرىنە تاپسىرىس بەرۋ, سونداي-اق ساناتوريالىق-كۋرورتتىق ەمدەلۋ ۇيىمىن تاڭداۋ مۇمكىندىگى بەرىلەتىن بولادى. وتق-نىڭ قالعان تۇرلەرى 2021 جىلى پورتالعا اۋىستىرىلاتىن بولادى.
مۇگەدەكتىگى بار ادامداردى وڭالتۋ قۇرالدارىمەن قامتاماسىز ەتۋ پروتەزدىك-ورتوپەديالىق, سۋردوتەحنيكالىق, تيفلوتەحنيكالىق جانە گيگيەنالىق قۇرالداردى, سونداي-اق كرەسلو-اربالاردى ۇسىنۋدى قامتيدى.
ەستەرىڭىزگە سالا كەتەيىك, ەلەكتروندىق رەسۋرس مۇگەدەكتىگى بار ادامداردى قاجەتتى قىزمەتتەرمەن جانە وتق-مەن جەتكىزۋشىدەن تىكەلەي قامتاماسىز ەتۋ ماقساتىندا ازىرلەنگەن.
قازىرگى ۋاقىتتا پورتالدا 539 جەتكىزۋشى تىركەلگەن, ونىڭ 24-ءى وتق ۇسىنادى. 515 ۇيىم ارنايى الەۋمەتتىك قىزمەتتەر كورسەتەتىن بولادى. مينيسترلىك جەتكىزۋشىلەردىڭ سانىن ارتتىرۋ بويىنشا بەلسەندى جۇمىس جۇرگىزۋدە.
«الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇيەسىن ەندىرۋ مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار شەڭبەرىندە كوزدەلگەن.
پورتالدى پايدالانۋ بويىنشا كونسۋلتاتسيالاردى 1411 ءنومىرى بويىنشا كولل-ورتالىقتان الۋعا بولادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
