بۇل ەكى بوكسشى بۇعان دەيىن ەكى مارتە كەزدەسكەن. ءبىرىنشى كەزدەسۋ تەڭ ناتيجەمەن اياقتالسا, ەكىنشى كەزدەسۋگە "كانولو" تورەشىلەر شەشىمى بويىنشا جەڭىسكە جەتكەن ەدى. ەندى جاقىن ارادا ءۇشىنشى رەت كەزدەسۋى ابدەن مۇمكىن. ول ءۇشىن ساۋل "كانەلو" الۆارەستىڭ كەزدەسۋلەرىن ۇيىمداستىراتىن DAZN كومپانياسى مەكسيكالىق بوكسشىعا 40 ميلليون دوللار كولەمىندە سىياقى بەرۋگە دايىن.
نەگىزى وسى اپتادا "كانەلونىڭ" كومانداسى بوكسشىنىڭ كەلەسى قارسىلاسىن جاريالاعان بولاتىن. ول تۇركيالىق بوكسشى اۆني يىلدىرىم. كەزدەسۋ 12 قىركۇيەكتە ءوتۋى كەرەك.
گولوۆكيننىڭ دە قارسىلاسى بەلگىلى. وتانداسىمىز ورتا سالماقتاعى IBF بەلبەۋىن پولشالىق كاميل شەرەمەتەعا قارسى قورعاۋى قاجەت. بۇل ايقاس قازان ايىنا بەلگىلەنگەن.
بىراق DAZN ءدال قازىر ەكى بوكسشىعا دا قارسىلاستارىن رەسمي بەكىتپەي وتىر. سەبەبى, ول كەزدەسۋلەردەن كومپانيا اقشا جاساي المايدى. سول ءۇشىن دە كومپانيا قايتا "كانەلومەن" گولوۆكين ءبىر-بىرىنە قارسى قويۋعا نيەتتى. بۇل كەزدەسۋ وسى جىلدىڭ قىركۇيەك ايىندا ءوتۋى ىقتيمال. الۆارەستىڭ سىياقىسى 40 ميلليون, ال گولوۆكيننىڭ گونورارى 30 ميلليون بولۋى مۇمكىن.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
