مايدان دالاسىندا جوعالعان مايدانگەر 1922 جىلى بۇرىنعى گۋرەۆ وبلىسى, تەڭىز اۋدانىنىڭ جامبىل كولحوزى, مۇراتوۆ اۋىلدىق كەڭەسىندە دۇنيەگە كەلگەن. ەكىنشى دۇنيەجۇزىلىك سوعىسقا العاشقىلاردىڭ قاتارىندا اتتانىپ, 1941 جىلى چەحوسلاۆاكيا ەلىنىڭ اۋماعىندا ءىز-ءتۇزسىز جوعالىپ كەتىپتى. سودان بەرى ءبىر دەرەگى تابىلماپ ەدى.
وبلىس اكىمىنىڭ ورىنباسارى باقىتگۇل حامەنوۆانىڭ مالىمەتىنشە, مايدانگەردىڭ قۇجاتتارى مەن پورترەتى رەسەي فەدەراتسياسىنىڭ ۆولگوگراد قالاسىنداعى مۋزەيدە ساقتالىپتى. ميلليونداردىڭ ءومىرىن قيعان ەكىنشى دۇنيەجۇزىلىك سوعىستىڭ باتىرىنا تيەسىلى زاتتار تۋىستارىنا تاپسىرىلدى.
– قان مايداننان ورالماعان ازاماتتار تۋرالى دەرەكتەردى جيناقتاۋمەن «اتامنىڭ اماناتى» قوعامدىق قورى اينالىسىپ ءجۇر. بۇگىندە اتالعان قور رەسەي فەدەراتسياسىنىڭ «پويسكوۆوە دۆيجەنيە روسسي» قوعامدىق بىرلەستىگىمەن مەموراندۋمعا قول قويعان. ەكىجاقتى ارىپتەستىكتىڭ ناتيجەسىندە مايدانگەر تەمىرالى سارسەنعاليەۆتىڭ پورترەتىنىڭ كوشىرمەسى مەن قۇجاتتارى تابىلدى, – دەدى باقىتگۇل حامەنوۆا.
جات ەلدە ءىز-ءتۇزسىز جوعالىپ, حابارسىز كەتكەن مايدانگەر تەمىرالى سارسەنعاليەۆتىڭ «قىزىل جۇلدىز», ستالينينگرادتى مينادان تازارتۋداعى جانقيارلىعى ءۇشىن ءىى دارەجەلى «وتان سوعىسى» وردەندەرىمەن ماراپاتتالعانى انىقتالىپ وتىر.
اتىراۋ وبلىسى
