جۇمىر جەر بەتىندە قارسىلاس شىداتپاي جۇرگەن قازاقتىڭ قايسار ازاماتى بۇگىن «Nur Otan» پارتياسىنىڭ شاردارا اۋداندىق فيليالىنا كەلىپ, پرايمەريزگە قۇجات تاپسىردى. شاردارانىڭ شاربولات ۇلى, قازاقتىڭ كوك تۋىن جەلبىرەتىپ جۇرگەن جاس ورەن قوعامدىق-ساياسي ومىرگە دە بەلسەندى ارالاسىپ, ءوڭىردىڭ وزەكتى پروبلەمالارىن شەشۋگە ۇلەس قوسقىسى كەلەدى. الەم چەمپيونى جاستاردى قولداۋ جانە سپورت سالاسىن دامىتۋعا باسىمدىق بەرمەك. سايلاۋالدى باعدارلاماسىن جاقىندا جاريالاپ, كوپشىلىككە تانىستىرماق.
"Nur Otan" پارتياسىنىڭ پرايمەريزىنە قاتىسۋدى ءجون كوردىم. بيىل قوعامنىڭ بارلىق وكىلدەرىنە ۇلكەن مۇمكىندىك ۇسىنىلىپ وتىر. ماقسات – بيلىككە ۇمتىلۋ ەمەس, ەلدىك ماسەلەلەردى شەشۋگە ۇلەس قوسۋ. ەلدىڭ كوكەيىندە جۇرگەن تۇيتكىلدەردى نازاردا ۇستاپ, سەنىمدى اقتاۋعا كۇش سالامىن", – دەيدى قىدىرعالي.
قىدىرعالي وڭعارباەۆ – داڭقتى باپكەر ارمان قارسىباەۆتىڭ شاكىرتى. اۋىر سالماقتا قازاقستان مەن ازيانىڭ ءابسوليۋتتى جەڭىمپازى, الەم كۋبوگىنىڭ يەگەرى جانە الەم چەمپيونى. جۇمىر جەر پلانەتاسىنىڭ ەڭ ۇزدىك قول كۇرەس شەبەرلەرى جينالاتىن «توپ-8» تۋرنيرىنە شاقىرتۋ الىپ, العاشقى كەزدەۋلەرىندە جەڭىسكە جەتكەن سايىپقىران ۇلكەن سپورتتاعى جەڭىستى جولىن دا جالعاستىرادى.
