كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ بۇۇ باس حاتشىسىنىڭ ورىنباسارى, بۇۇ-نىڭ جەنەۆاداعى ءبولىمىنىڭ باس ديرەكتورى لاۋازىمىنداعى قىزمەتىنىڭ اياقتالۋىنا بايلانىستى بەرندە شۆەيتساريا باسشىلىعىمەن بىرقاتار كەزدەسۋلەر وتكىزدى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ بۇۇ باس حاتشىسىنىڭ ورىنباسارى, بۇۇ-نىڭ جەنەۆاداعى ءبولىمىنىڭ باس ديرەكتورى لاۋازىمىنداعى قىزمەتىنىڭ اياقتالۋىنا بايلانىستى بەرندە شۆەيتساريا باسشىلىعىمەن بىرقاتار كەزدەسۋلەر وتكىزدى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
شۆەيتساريا كونفەدەراتسياسىنىڭ ۆيتسە-پرەزيدەنتى, فەدەرالدىق سىرتقى ءىستەر كەڭەسشىسى ء(مينيسترى) ديدە بۋركحالتەر بۇۇ-نىڭ جەنەۆاداعى ءبولىمىنىڭ باستىعى لاۋازىمىنداعى قاسىم-جومارت توقاەۆتىڭ جۇمىسىنىڭ ناتيجەسىن جوعارى باعالاپ, ونىڭ جاھاندىق حالىقارالىق ورتالىق رەتىندە جەنەۆانىڭ نىعايۋىنا ەداۋىر ۇلەس قوسقانىن ايرىقشا اتاپ ءوتتى.
ق.توقاەۆ شۆەيتساريا ۇكىمەتىنە بۇۇ قۇرىلىمدارىنا ۇدايى جاردەمى ءۇشىن العىسىن ايتتى. جىل سايىن بۇۇ جۇيەسىنىڭ ونداعان قۇرىلىمدارى مەن كونفەرەنتسيالارى ءۇشىن «باسپانا» رەتىندەگى عانا ەمەس, كۇردەلى ماسەلەلەر مەن قاقتىعىستاردى رەتتەۋ جونىندەگى نەگىزگى الاڭ رەتىندەگى جەنەۆانىڭ جاھاندىق ءرولى ارتا تۇسۋدە.
اڭگىمە بارىسىندا استانا مەن بەرننىڭ حالىقارالىق ارەناداعى ىنتىماقتاستىعى, ءاسىرەسە, شۆەيتساريانىڭ 2014 جىلعى ەقىۇ-عا توراعالىق ەتۋى جانە 2017-2018 جىلداردا قازاقستاننىڭ بۇۇ قاۋىپسىزدىك كەڭەسىنە تۇراقتى ەمەس مۇشەسى بولۋىنا ۇمىتكەرلىگىن ىلگەرىلەتۋ تۇرعىسىنداعى ماسەلەلەر قارالدى.
قازاقستان پارلامەنتى سەناتى توراعاسىنىڭ شۆەيتساريا كانتوندارى كەڭەسىنىڭ پرەزيدەنتى فيليپپو لومبارديمەن كەزدەسۋىندە پارلامەنتارالىق بايلانىستاردىڭ كەلەشەگى تالقىلاندى. وندا ەقىۇ جانە ەۋروپا كەڭەسى پارلامەنتتىك اسسامبلەيالارى اياسىنداعى ءوزارا ءىس-قيمىل, سونداي-اق زاڭناما ازىرلەۋ سالاسىندا تاجىريبە الماسۋ تۋرالى اڭگىمە بولدى. ق.توقاەۆ قازاقستاندىق پارلامەنتاريزمنىڭ قازىرگى زامانداعى دامۋ كەزەڭدەرى, ساياسي پارتيالاردىڭ قىزمەتى, مەملەكەت باسشىسى نۇرسۇلتان نازارباەۆتىڭ ءتيىمدى پارلامەنتتىك جانە قوعامدىق باقىلاۋدى قامتاماسىز ەتۋ جونىندەگى باستامالارى تۋرالى اڭگىمەلەدى.
ق.توقاەۆ قازاقستاننىڭ «جاسىل ەكونوميكانى» دامىتۋ, بالاما ەنەرگەتيكا, اۋىل شارۋاشىلىعى جانە كولىك سالاسىندا شۆەيتساريامەن ارىپتەستىكتى ماقسات ەتىپ وتىرعانىن اتاپ ءوتتى. استاناداعى ەكسپو-2017 حالىقارالىق كورمەسى وسىنداي ارىپتەستىك ءۇشىن تاماشا ءمۇمكىندىكتەر بەرەدى.
سەنات توراعاسى شۆەيتساريالىق ارىپتەسىن استاناعا ساپارمەن كەلۋگە شاقىردى. ف.لومباردي شاقىرۋدى العىسپەن قابىل الىپ, قازاقستانعا ۇستىمىزدەگى جىلدىڭ قاراشاسىندا كەلۋگە ازىرلىگىن حابارلادى.
