جاقىندا رۋدنىي قالاسىندا قول قويىلعان مەموراندۋم ENRC كورپوراتسياسىنىڭ قۇرامىنداعى سوكولوۆ-سارىباي تاۋ-كەن وندىرىستىك بىرلەستىگىنىڭ قىزمەتكەرلەرىنە ارنالعان الەۋمەتتىك باعدارلامالاردىڭ اۋقىمىن كەڭەيتتى. قۇجاتقا بىرلەستىكتىڭ ءبىرىنشى باسشىسى مۇحامەدجان تۋرداحۋنوۆ پەن كاسىپورىن كاسىپوداعىنىڭ ءتورايىمى تاتيانا شەرستوبيتوۆا قول قويدى.
جاقىندا رۋدنىي قالاسىندا قول قويىلعان مەموراندۋم ENRC كورپوراتسياسىنىڭ قۇرامىنداعى سوكولوۆ-سارىباي تاۋ-كەن وندىرىستىك بىرلەستىگىنىڭ قىزمەتكەرلەرىنە ارنالعان الەۋمەتتىك باعدارلامالاردىڭ اۋقىمىن كەڭەيتتى. قۇجاتقا بىرلەستىكتىڭ ءبىرىنشى باسشىسى مۇحامەدجان تۋرداحۋنوۆ پەن كاسىپورىن كاسىپوداعىنىڭ ءتورايىمى تاتيانا شەرستوبيتوۆا قول قويدى.
اتالعان مەموراندۋم كاسىپورىنداعى ۇجىمدىق كەلىسىمشارتتىڭ ورنىنا قابىلداندى.
– سسكوب كاسىپوداعىنىڭ قىزمەتى كاسىپورىننىڭ مىڭداعان قىزمەتكەرلەرىمەن تىعىز بايلانىستى, – دەيدى كاسىپورىن پرەزيدەنتى مۇحامەدجان تۋرداحۋنوۆ. – كاسىپوداق وتە ماڭىزدى جانە سەنىمدى سەرىكتەس ەكەندىگىن ۋاقىت كورسەتتى. وتە كۇردەلى ماسەلەلەردى شەشكەندە دە باسشىلىق پەن كاسىپوداق ارقاشان ورتاق كەلىسىمگە كەلۋگە ۇمتىلادى. سونىڭ ارقاسىندا ءبىز كاسىپورىندى ساقتاپ قالىپ, ءوندىرىس كولەمىن ءوسىرىپ جاتىرمىز, بولاشاققا سەنىممەن قارايمىز.
جاڭا قۇجات قىزمەتكەردىڭ الەۋمەتتىك كەپىلدەرىنىڭ ءتىزىمىن كەڭەيتتى. مىسالى, ايەلدەردىڭ دەكرەتتىك دەمالىسقا شىققانعا دەيىنگى قوسىمشا اقىلى دەمالىسى 18 كۇننەن 24 كۇنگە دەيىن ۇزارتىلدى. سونىمەن قاتار, جىل سايىن كاسىپورىن ارداگەرلەرىنە ارنالىپ «راسسۆەت» ەمدەۋ-ساۋىقتىرۋ ورتالىعىنا 120 جولداما بەرىلەدى. باسشىلىقتىڭ سوزىنشە, ءوندىرىس كولەمىنىڭ وسىمىنە قاراي الەۋمەتتىك پاكەت تە كەڭەيتىلەدى.
– ۇجىمدىق كەلىسىمشارتقا قول قويۋ – كاسىپورىن ومىرىندەگى ەلەۋلى وقيعا, – دەپ اتاپ ءوتتى «سسكوب» اق كاسىپوداق باسشىسى, وبلىستىق ءماسليحاتتىڭ دەپۋتاتى تاتيانا شەرستوبيتوۆا. – ەلىمىزدەگى ەڭ ۇزدىك كاسىپوداق دارەجەسىن ساقتاپ قالۋ ءۇشىن بارلىق كۇش-جىگەرىمىزدى جۇمسايمىز.
مەموراندۋمعا قول قويۋ سالتاناتتى جاعدايدا باسشىلىق پەن كاسىپورىن بولىمشەلەرىندەگى كاسىپوداق وكىلدەرىنىڭ قاتىسۋىمەن وتكىزىلدى. زور ىقىلاسپەن قابىلدانعان جاڭا قۇجات جەمىستى جۇمىسقا نەگىز بولماق.
«ەگەمەن-اقپارات».
