الماتى قالاسىنىڭ وڭىرلىك كوممۋنيكاتسيالار قىزمەتى ۇيىمداستىرعان ءباسپاسوز تۋرى بارىسىندا, "دورحان - الماتى" جشس باسشىسى رومان راداەۆ, ءبىر جىل ىشىندە مەگاپوليستە كۇنىنە 50 قاقپا 80-گە جۋىق رولەتتىك جۇيە شىعارۋعا مۇمكىندىك بەرەتىن ەكى تسەح سالىنعانىن حابارلادى. كاسىپورىن كوشە قاقپالارى, اۆتوماتتى ەسىكتەر ءوندىرىسىن اشىپ, اۋماقتى ودان ءارى دامىتۋدى, كەڭەيتۋدى جوسپارلاپ وتىر. جالپى كومپانيا 160-قا جۋىق ءونىم شىعارادى.
"دورحان-الماتى" جشس - بۇل 42 جۇمىس ورنىن اشقان, 416,6 ملن. تەنگە سوماسىنا تەڭ, جوبالىق قۋاتى 12 125 بىرلىكتى قۇرايتىن مەتالل وڭدەيتىن, جىلجىمالى قورشاۋ كونسترۋكتسيالار جاسايتىن, اۆتوماتتى قاقپالار مەن روللقاقپاقتاردى وندىرەتىن كەشەن قۇرىلىسى.
"مۇنداي ءوندىرىس ءۇشىن الماتىدا ورىن تابۋ وتە قىمبات, — دەيدى رومان راداەۆ. بۇعان دەيىن ءبىز 2 مىڭ شارشى مەتر الاڭدا جۇمىس جاسادىق. ءبىز ءۇشىن بۇل وتە از بولدى. ال قازىر سىرتتا ساقتايتىن ورىنداردى قوسا ەسەپتەگەندە, شامامەن 6 مىڭ شارشى مەتر جەردە جۇمىس ىستەپ جاتىرمىز. كەشەننىڭ ورنالاسقان جەرى, ينفراقۇرىلىمى ىڭعايلى بولعانى تۇتىنۋشىلار مەن ديلەرلەردىڭ تىلەكتەرىن تولىق ورىنداۋعا مۇمكىندىك بەرەدى. ءونىمدى تەز, جىلدام جەتكىزەمىز. جالپى يندۋستريالىق ايماق-بۇل قازاقستانداعى كاسىپكەرلەرگە قۇرىلىس جۇرگىزۋگە, دامۋعا, وسۋگە جانە تۇتىنۋشىلاردى ساپالى سەرۆيسپەن قامتاماسىز ەتۋگە مۇمكىندىك بەرەتىن تاماشا جوبا".
اعىمداعى جىلى يندۋستريالىق ايماق اۋماعىندا 1 131 جۇمىس ورنىن اشاتىن, 29,9 ملرد.تەڭگە سوماسىنا تەڭ 9 جوبانى (Hyundai Trans Kazakhstan, كاز-ديا-تەست, گ. س. گ. ۆىسوتنيك, سك راحات, سيتي ستوۋن, تەحنوكونت, ەلەكتروبار, كازپرومۆەنت, SAVENERGY) ىسكە قوسۋ جوسپارلانۋدا.
2021 جانە ودان كەيىنگى جىلدارى حالىقتى 5 450 جۇمىس ورنىمەن قامتاماسىز ەتەتىن, 159,5 ملرد.تەڭگە سوماسىنا تەڭ 36 جوبانى ىسكە قوسۋ جوسپارلانۋدا.
يندۋستريالىق ايماق اۋماعىندا تەحنوۆيد, كمك Investment, BRB APK, Doc Co., Ltd., ەنكو, بيجان ءموز, Hyundai Trans Kazakhstan, دورحان-الماتى, "Astana Invest" كورپوراتسياسى, ەكو ستار بويلەر, الماتى جىلۋ وقشاۋلاۋ زاۋىتى سياقتى كومپانيالاردىڭ جوعارى تەحنولوگيالىق جوبالارى ىسكە اسىرىلاتىن بولادى. 20-دان استام كاسىپورىن ەكسپورتقا باعىتتالعان ءونىم شىعاراتىن بولادى.
