قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى, ەلشىلىك قىزمەتتى ارگەنتينا رەسپۋبليكاسى مەن چيلي رەسپۋبليكاسىندا قوسا اتقارۋشى باقىتجان ورداباەۆ ارگەنتينا رەسپۋبليكاسىنىڭ ۆيتسە-پرەزيدەنتى – سەنات توراعاسى امادو بۋدۋعا سەنىم گراموتاسىن تاپسىردى, دەپ حابارلادى قر ءسىم-ءىنىڭ ءباسپاسوز قىزمەتى.
قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى, ەلشىلىك قىزمەتتى ارگەنتينا رەسپۋبليكاسى مەن چيلي رەسپۋبليكاسىندا قوسا اتقارۋشى باقىتجان ورداباەۆ ارگەنتينا رەسپۋبليكاسىنىڭ ۆيتسە-پرەزيدەنتى – سەنات توراعاسى امادو بۋدۋعا سەنىم گراموتاسىن تاپسىردى, دەپ حابارلادى قر ءسىم-ءىنىڭ ءباسپاسوز قىزمەتى.
سەنىم گراموتاسىن تاپسىرۋ سالتاناتى ارگەنتينا پرەزيدەنتىنىڭ سارايىندا ءوتتى. گراموتا تاپسىرۋ راسىمىنەن كەيىن وتە جىلى, دوستاستىق رۋحتا وتكەن كەزدەسۋدە ب.ورداباەۆ ۆيتسە-پرەزيدەنت ا.بۋدۋدى قازاقستاننىڭ بۇگىنگى تاڭدا قالىپتاسقان الەۋمەتتىك-ەكونوميكالىق احۋالى, مەملەكەتتى ودان ءارى دامىتۋعا باعىتتالعان ءىس-شارالار جونىندە حاباردار ەتتى. قازاقستاندىق ديپلومات پرەزيدەنت نۇرسۇلتان نازارباەۆتىڭ ادامزاتتى يادرولىق قارۋدان ازات ەتۋ جانە تاراتپاۋ بويىنشا باستامالارىن بۇگىندە حالىقارالىق قوعامداستىقتىڭ جاھاندىق دەڭگەيدە تانىپ وتىرعاندىعىنا نازار اۋداردى.
سونىمەن قاتار, قازاقستان-ارگەنتينا سەرىكتەستىگىن دامىتۋ, ساۋدا-ەكونوميكالىق, ينۆەستيتسيالىق, عىلىم, ەنەرگەتيكا جانە باسقا سالالارداعى ءوزارا ارەكەتتەستىكتى ىلگەرىلەتۋ, قازاقستان رەسپۋبليكاسىنىڭ 2017-2018 جىلدارى بۇۇ قك-ءنىڭ تۇراقتى ەمەس مۇشەلىگىنە كانديداتۋراسىن قولداۋ, سونداي-اق 2014 جىلعى 21-23 مامىردا وتەتىن استانا ەكونوميكالىق فورۋمىنا ارگەنتينا ىسكەر توپتارىنىڭ قاتىسۋى, ەكسپو-2017 حالىقارالىق كورمەسىندە ارگەنتينا پاۆيلونىن سالۋ سياقتى ماسەلەلەر تالقىلاندى.
ا.بۋدۋ ەلشىنى سەنىم گراموتاسىن تاپسىرۋىمەن قۇتتىقتاي وتىرىپ, قازاقستان پرەزيدەنتى نۇرسۇلتان نازارباەۆقا جانە قازاقستان حالقىنا زور تابىس تىلەدى.
