بەينەماتەريالدار پوليتسيا دەپارتامەنتىنىڭ سەرۆەرلەرىندە 30 كۇن ساقتالادى. كامەراداعى بەينەجازبالار جول-كولىك وقيعالارى, كوشەدەگى توبەلەس پەن بۇزاقىلىق فاكتىلەرى بويىنشا سوتتا قارالاتىن ىستەردىڭ سوڭعى نۇكتەسىن قويۋعا دا سەپتىگىن تيگىزىپ جاتادى. سقو پد باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆتىڭ ايتۋىنا قاراعاندا, جىل باسىنان 9092 اكىمشىلىك قۇقىق بۇزۋشىلىق تىركەلگەن, ونىڭ 6549-ى جول ءجۇرىسى ەرەجەلەرىنىڭ بۇزۋشىلىقتارى. سونداي-اق, كامەرالاردىڭ كومەگىمەن قىلمىستاردى اشۋعا سەپتىگىن تيگىزگەن 108 فاكتى انىقتالعان.
ينسپەكتور-ناۆيگاتورلاردان باسقا جەدەل جوسپارلاۋ ورتالىعىنىڭ اۋىسىمى قۇرامىندا «102» ارناسىنىڭ وپەراتورلارى كەزەكشىلىك ەتەدى. جىل باسىنان ولار 83 254 قوڭىراۋ قابىلداعان. ونىڭ ىشىندە جاسالعان قىلمىستار مەن وقيعالار تۋرالى ازاماتتاردان كەلىپ تۇسكەن 16 393 حابارلاما بويىنشا جىلدام دەن قويۋ قاجەت بولدى.
