العىس ايتادى

مەملەكەت باسشىسى نۇرسۇلتان نازارباەۆتىڭ اتىنا كوكتەمگى سۋ تاسقىنىنان زارداپ شەككەن الماتى وبلىسى, قىزىلاعاش اۋىلىنىڭ  قاريالارىنان جەدەلحات كەلدى. حات يەلەرى ەلدىڭ اۋىزبىرشىلىگى ارقاسىندا قىزىلاعاش اۋىلىنىڭ قايتا سالىنىپ جاتقانىن, بالالا­رى­نىڭ جالاقىسىن الاتىنىن, نە­مە­رەلەرىنە يە بولىپ قالعان وزدە­رىنە جەرگىلىكتى اكىمشىلىكتىڭ جاتار ورىن, ازىق-ت ۇلىك, كيىم-كەشەكپەن جاردەمدەسىپ وتىرعانىن ايتا كەلە, شىنايى ريزاشىلىقتارىن جەت­كىزەدى. “قىزىلاعاشىمىزدى قايتا ومىرگە اكەلىپ, دەنەسىنە جان ءبىتىرىپ, تامىرلارىنا قان جۇگىرتىپ, جاڭادان باسپانا سالىپ جاتقاندارعا كەمپىر-شالدار اتىنان ۇلكەن العىسى­مىز­دى بىلدىرەمىز, سىزگە زور دەنساۋلىق, ۇزاق عۇمىر تىلەيمىز. ەلىمىزگە جا­ساعان جاقسىلىعىڭىز الدىڭىزدان شىقسىن!” – دەپ ەلباسىعا تىلەك تىلەپ, العىس ايتادى حات اۆتورلارى. سونىمەن قاتار, مەملەكەت باس­شىسى نۇرسۇلتان نازارباەۆتىڭ اتىنا الماتى وبلىسى, ەڭبەكشى­قا­زاق اۋدانى, تالدىبۇلاق اۋىلىنىڭ تۇرعىنى قالامقاس وسپانوۆادان حات كەلدى. حات يەسى ەلباسىن الدا كەلە جات­قان ۇلى جەڭىستىڭ 65 جىلدى­عىمەن, 70 جىلدىق مەرەيتويىمەن جانە ەلىمىزدىڭ ەقىۇ-عا توراعا بولۋىمەن قۇتتىقتاپ, يگى تىلەكتەرىن بىلدىرەدى. ء“سىزدىڭ اماندىعىڭىز – ءبىزدىڭ باستى بايلىعىمىز. ەل ءۇمىتىن, بابالار اماناتىن ارقالاعان يىعىڭىز تالماسىن!” دەپ جازعان حات اۆتورى ەلباسىنا ۇزاق عۇمىر, زور دەنساۋلىق تىلەيدى.