بۇل دانيالىق ۆەلوشاباندوزدىڭ ءبىر كۇندىك جارىستاعى ەكىنشى ۇلكەن جەڭىسى. ول بىلتىر لەج – باستون – لەج ءداستۇرلى دوداسىندا جەڭىس تۇعىرىنان كورىنگەن بولاتىن. ءبىر كۇندىك «لومبارديا تۋرى» بەرگامو قالاسىندا باستالىپ, كومو وزەنىنىڭ جاعالاۋىنداعى كومو قالاسىندا ءوز مارەسىنە جەتتى. ۆەلوسپورتشىلار جالپى 231 شاقىرىم جولدى ءجۇرىپ ءوتتى. ءداستۇر بويىنشا, كلاسسيكالىق جارىستىڭ باعىتى چيۆيللو نەمەسە مۋرو دي سورمانو سياقتى بىرقاتار قيىن جولداردى قامتىدى. وسىنداي اۋىر جولدى ياكوب فۋلسانگ ەڭ ءبىرىنشى ەڭسەرىپ, تۇعىردىڭ ەڭ بيىك ساتىسىنان كورىندى. ياكوبتىڭ جەڭىسكە جەتۋىنە سۇبەلى ۇلەس قوسىپ, وعان بارىنشا كومەك كورسەتكەن تاعى ءبىر «استانا» وكىلى الەكساندر ۆلاسوۆ مارە سىزىعىن ءۇشىنشى بولىپ قيدى. ال ەكىنشى ورىندى جاڭازەلانديالىق دجوردج بەننەت (Team Jumbo-Visma) يەلەندى.
