"الماتى قالاسىنىڭ پوليتسيا دەپارتامەنتى "قازاقفيلم" كينوستۋدياسىنىڭ اۋماعىندا بولعان ورتكە بايلانىستى قىلمىستىق ءىس قوزعادى. قالا بيلىگىمەن قاتار, مادەنيەت جانە سپورت مينيسترلىگى بۇل ءىستى ەرەكشە باقىلاۋدا ۇستايدى. ارينە, ءبىز "قازاقفيلمدە" ىشكى تەرگەۋ جۇرگىزىپ جاتىرمىز. جۇرگىزىلىپ جاتقان تەرگەۋدىڭ جەكەلەگەن مۇددەسى ءۇشىن ءالى تۇسىنىكتەمە بەرۋدەن باس تارتۋعا ءماجبۇرمىن", دەدى اقان ساتاەۆ.
"اتالعان جايت بويىنشا بوستاندىق اۋداندىق پوليتسيا باسقارماسى تەرگەۋ جۇمىستارىن باستاپ تا كەتتى. ءتيىستى ساراپتامالار تاعايىندالادى, ولاردىڭ ناتيجەلەرىنە سايكەس ءورتتىڭ ناقتى سەبەبى بەلگىلى بولادى. الداعى ۋاقىتتا قر زاڭناماسىنا سايكەس شارالار قادىلادنادى", دەيدى قالالىق پد رەسمي وكىلى سالتانات ازىربەك.
14 تامىز كۇنى كەشقۇرىم "قازاقفيلم" ستۋدياسىنىڭ اۋماعى ورتەنە باستادى. ءورتتىڭ العاشقى جالىنى 400 شارشى مەتردى الىپ كەتتى. ول 23.10-دا ءسوندىرىلدى. ال ءورتتىڭ ەكىنشى تولقىنى 200 شارشى مەتردە جالماپ, تەك 23.26-دا اۋىزدىقتالدى. زارداپ شەككەندەر بولعان جوق.
"قازاقفيلم" كينوستۋدياسىنىڭ پرەزيدەنتى اقان ساتاەۆ ءمالىم ەتكەندەي, قىزىل ءورتتىڭ سالدارىنان "قازاق حاندىعى" كينوكارتيناسىنىڭ دەكوراتسياسى مەن ورمان قويماسى جانىپ كەتكەنىن قوسا كەتتى.
"البەتتە, بۇل ءورت بولدى. باقىتىمىزعا وراي, زارداپ شەككەندەر جوق. مىنە, بۇگىنگى كۇنى بىزدە بولعان شىعىن سالىستىرمالى تۇردە از, سوندىقتان ءبىز ءوز جۇمىسىمىزدى جالعاستىرامىز. ءبىز مۇنىڭ ءبارىن ىستەگەن قىلمىسكەرلەردى تابامىز دەپ ۇمىتتەنەمىن", دەدى رەجيسسەر.
كينوستۋديا اكىمشىلىگى بۇعان دەيىن توتەنشە جاعداي دەپارتامەنتىنىڭ جانە پوليتسيا قىزمەتكەرلەرىنە, سونداي-اق الماتى اكىمدىگىنە جەدەل ارەكەت ەتكەنى ءۇشىن العىس بىلدىرگەن بولاتىن. ءورتتى سوندىرۋگە NOMAD توبىنىڭ كاسكادەرلەرى دە قاتىستى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
