بەلدىكتەرگە تۇسەتىن سالماقتىڭ ساقتالۋى زاڭمەن بەكىتىلگەن. بىراق سوعان قاراماي اۋىر جۇك تاسيتىن اۋدارعىش ماشينالار شامادان تىس جۇكتەردى الا بەرەدى. جولدار نەگىزىنەن وسى سەبەپتەردەن ب ۇلىنە باستايدى. اسىرەسە, وبلىستاعى كارەرلەردەن ينەرتتى ماتەريالداردى تاسىمالدايتىن اۋىر سالماقتى كولىكتەر جولدى تەز بۇزادى. سوندىقتان ەلىمىزدەگى كولىكتى باقىلاۋ ينسپەكتسياسى دەگەن ارنايى قىزمەت ولاردىڭ جولعا شامادان تىس سالماق تۇسىرمەۋىن قاتاڭ باقىلاۋى كەرەك.
جۋىردا سولتۇستىك قازاقستان وبلىسىنىڭ كولىكتى باقىلاۋ ينسپەكتسياسىنىڭ باستىعى رۋسلان سەيتالين مەن يندۋستريا جانە ينفراقۇرىلىمدىق دامۋ مينيسترلىگىنىڭ كولىك كوميتەتىنىڭ احۋالدىق ساراپشىسى سۇلتان مۇساعاليەۆ جۋرناليستەرگە بريفينگ بەرىپ, وسى ماسەلەلەردىڭ وبلىستا باقىلانۋى بارىسى تۋرالى ايتىپ بەردى. ر.سەيتالين ءوزىنىڭ بايانداماسىندا 2020 جىلدىڭ 7 ايىندا وبلىستا بارلىعى 2893 اۆتوكولىك قۇرالى تەكسەرىلىپ, ولاردا انىقتالعان زاڭ بۇزۋشىلىقتار فاكتىلەرى بويىنشا ينسپەكتسيا قىزمەتكەرلەرى 31,0 ملن. تەڭگە ايىپپۇل سالۋ تۋرالى 413 اكىمشىلىك ماتەريال تولتىرعانىن جەتكىزدى.
«كولىك زاڭناماسىن بۇزۋ بويىنشا تامىز ايىندا عانا 55 اكىمشىلىك ماتەريال جازىلعان. نەگىزگى بۇزۋشىلىقتار – تاسىمالداۋشىلار مەن جۇك جونەلتۋشىلەردىڭ جۇكتەردى رۇقسات ەتىلگەن سالماقتىق پارامەترلەردەن اسىرىپ جىبەرۋى بولىپ تابىلادى, دەدى ول.
سونىمەن قاتار ر.سەيتالين ءوزىنىڭ سوزىندە جۇك اۆتوكولىكتەرىنىڭ ءجۇرۋىن باقىلاۋدى كۇشەيتۋ جانە تاجىريبە الماسۋ ماقساتىندا سولتۇستىك قازاقستان وبلىسىنا كولىك كوميتەتى احۋالدىق ورتالىعىنىڭ ءموبيلدى توبىنىڭ قۇرامىنان ساراپشى سۇلتان مۇساعاليەۆ كەلگەنىن جانە ونىڭ قاتىسۋىمەن بولعان رەيدتىك ءىس-شارالار تۋرالى ايتتى. وسى رەيد كەزىندە ءبىر تاسىمالداۋشى تارازىعا تۇرۋدان باس تارتقان. بۇل وقيعا اعىمداعى جىلدىڭ 10 تامىزىندا ساعات كەشكى التى شاماسىندا بەسكول اۋىلىنىڭ ماڭايىندا بولعان. ينسپەكتسيا قىزمەتكەرلەرىنىڭ تالابىنا باعىنباعان جۇرگىزۋشى رەسەي فەدەراتسياسىندا تىركەلگەن ەكەن. ال ول تاسىعان ينەرتتى ماتەريال – قيىرشىق تاستىڭ جالپى سالماعى 20 توننادان اسقان. ينسپەكتسيا ماماندارى توقتاتقاننان كەيىن اكق-نىڭ جۇرگىزۋشىسى ماز جۇك كولىگىن تاستاپ, جەڭىل اۆتوكولىكپەن بەلگىسىز باعىتقا كەتىپ قالعان. بۇل تۋرالى ينسپەكتسيا ماماندارى سقو پد كەزەكشى بولىمىنە جەدەل اقپارات بەرەدى. شامامەن 1 ساعاتتان كەيىن ماز اۆتوكولىگىنىڭ جۇرگىزۋشىسى قايتىپ كەلىپ, مانەۆر جاساپ, جول توسەمىنىڭ ءبىر بولىگىن باسىپ الىپ, جول جيەگىنە قيىرشىق تاستى تۇسىرەدى. تەكسەرۋ ءۇشىن توقتاتىلعان اۆتوكولىك قۇرالىنىڭ جۇرگىزۋشىسىنىڭ جانە لاۋازىمدى تۇلعالاردىڭ ءىس-ارەكەتتەرى قىزمەتتىك بەينەجەتونعا تىركەلگەن. قازىر وعان بۇزۋشىلىق قىلىقتارى ءۇشىن اكىمشىلىك ماتەريالدار جينالىپ, 143,1 مىڭ تەڭگە سوماسىندا ايىپپۇل سالىنىپتى.
بۇل قيىرشىق-تاس تاسيتىن اۋىر سالماقتى كولىكتەر جۇرگىزۋشىلەرىنىڭ وسپادارلىق قىلىعىنىڭ ءبىر كورىنىسى عانا. وسىنىڭ ءوزى وندايلارعا باقىلاۋدى ءجيى جاساۋدىڭ قاجەتتىگىن كورسەتەدى.
كولىك كوميتەتىنىڭ احۋالدىق ساراپشىسى سۇلتان مۇساعاليەۆ ءوزىنىڭ سوزىندە كولىكتىك باقىلاۋ ورگاندارى اعىمداعى جىلدىڭ العاشقى جارتىجىلدىعىندا ەلىمىز بويىنشا بارلىعى 11543 اكىمشىلىك قۇقىق بۇزۋشىلىقتى انىقتاعانىن, ونىڭ ىشىندە 1744-ءى سالماقتىق پارامەترلەردىڭ شامادان تىس اسىپ كەتكەنى ەكەنىن, سولاردىڭ 800-دەن استامىندا ءىس كارەرلىك اۋدارعىشتاردىڭ تاسىمالداۋشىلارىنا قاتىستى قوزعالعانىن جەتكىزدى. «قازىر كولىكتىك باقىلاۋدى جۇزەگە اسىرۋدىڭ, اتاپ ايتقاندا, اۆتوكولىك قۇرالدارىن ولشەۋدى جۇرگىزۋدىڭ اشىقتىعىن قامتاماسىز ەتۋ ماقساتىندا كولىكتىك باقىلاۋ بەكەتتەرى ولشەۋ ناتيجەلەرى تۋرالى دەرەكتەردى كولىك كوميتەتىنىڭ احۋالدىق ورتالىعىنا اۆتوماتتى تۇردە بەرۋ فۋنكتسياسى بار تارازى جابدىقتارىمەن قامتاماسىز ەتىلگەن. سونداي-اق, 2019 جىلدىڭ 14 شىلدەسىنەن باستاپ قىزمەتكەرلەردىڭ اۆتوموبيل كولىگى سالاسىنداعى كولىكتىك باقىلاۋدى جۇزەگە اسىرۋ كەزىندە احۋالدىق ورتالىققا ونلاين-رەجىمدە بەينە دەرەكتەردى بەرۋ فۋنكتسياسى بار 102 بىرلىك بەينەجەتونداردى قولدانۋى ەنگىزىلدى», دەدى ول ءوزىنىڭ سوزىندە.
كولىك باقىلاۋ ينسپەكتسياسىنىڭ مىندەتى زور. ەگەر وسى قىزمەت وزدەرىنىڭ مىندەتىن تيىمدىلىكپەن اتقاراتىن بولسا جولداردىڭ بۇزىلۋى دا ازايار ەدى. ال ول ميللياردتاعان تەڭگە بيۋدجەت قاراجاتىن ۇنەمدەۋگە جول اشادى.
سولتۇستىك قازاقستان وبلىسى
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
