"ىندەت باستالعالى بەرى دارىگەرلەر كۇنى-ءتۇنى جۇمىس ىستەۋدە. پرەزيدەنتتىڭ تاپسىرماسى بويىنشا, ءبىر رەتتىك تولەم جانە جالاقىلارىنا قوسىمشا ۇستەمەاقى تولەنۋدە. شىلدە ايىندا جالپى 25 ملرد-قا جۋىق ۇستەمەاقى جاسالىندى. مۇنداي قولداۋعا 78 364 مامان يە بولدى", - دەدى باعدات قوجاحمەتوۆ.
ونىڭ ايتۋىنشا, 17 تامىزداعى مالىمەت بويىنشا جۇمىس بارىسىندا ۆيرۋس جۇقتىرعان 598 قىزمەتكەرلەرگە 2 ملن تەڭگەدەن وتەماقى تولەنگەن.
"قازىرگى ۋاقىتتا بارلىق ايماقتاردا ارنايى قۇرىلعان كومميسيا وتەماقى بويىنشا وتىنىشتەردى قاراستىرۋدا. ۆيرۋس جۇقتىرىپ العان ناۋقاس ماماندارىمىزعا جانە ۆيرۋس جۇقتىرىپ, قايتىس بولعان ماماندارىمىزدىڭ تۋىستارىنا وتەماقى تولەۋگە وتىنىشتەر ءالى دە قابىلدانۋدا", - دەدى ول.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
