تاراز قالاسىنداعى بانكوماتتاردىڭ بىرىنەن 16 ميلليون تەڭگە قولدى بولدى. ءتارتىپ ساقشىلارىنا شاعىمدانعان ەكىنشى دەڭگەيدەگى ءبىر بانكتىڭ اكىمشىلىگى «جانسايا» شاعىن اۋدانىنداعى بانكوماتتاعى اقشادان 1 ميلليون تەڭگە جەتپەيتىنىن جازعان.
تاراز قالاسىنداعى بانكوماتتاردىڭ بىرىنەن 16 ميلليون تەڭگە قولدى بولدى. ءتارتىپ ساقشىلارىنا شاعىمدانعان ەكىنشى دەڭگەيدەگى ءبىر بانكتىڭ اكىمشىلىگى «جانسايا» شاعىن اۋدانىنداعى بانكوماتتاعى اقشادان 1 ميلليون تەڭگە جەتپەيتىنىن جازعان.
جەدەل ىزدەستىرۋ ءىس-شارالارىنىڭ ناتيجەسىندە ىشكى ىستەر ورگانىنىڭ قىزمەتكەرلەرى 37 جاستاعى تاراز تۇرعىنىن ۇستادى. ول بانكوماتتاردىڭ قىزمەتىن قاداعالايتىن تەحنيك بولىپ ىستەگەندىكتەن ونىڭ قىر-سىرىن جاقسى بىلەتىن بولىپ شىقتى. ال تەكسەرە كەلگەندە ول «بانكومات ۇرلىعىنا» تامىز ايىنان باستاپ كىرىسكەنى انىقتالدى. بانك شىعىنى – 16 ميلليون تەڭگە.
باۋكەسپەنىڭ ايتۋىنشا, ول ۇرلاعان اقشانىڭ ءبارىن قۇمار ويىندارىنا جاراتقان-مىس. بۇگىنگى كۇنگە دەيىن وزىندە بار بولعانى 3 ميلليون تەڭگە مەن 1000 اقش دوللارى قالىپتى. كۇدىكتى قاماققا الىنىپ, ۇستىنەن قىلمىستىق ءىس قوزعالدى.
كوسەمالى ساتتىباي ۇلى,
«ەگەمەن قازاقستان».
تاراز.
