چەللەندج اتاقتى كومپوزيتور, قازاق ەستراداسىنىڭ نەگىزىن سالۋشىلاردىڭ ءبىرى, قازاقستاننىڭ حالىق ءارتىسى, قر ءانۇرانى اۋەنىنىڭ اۆتورى ءشامشى قالداياقوۆتىڭ تۋعان كۇنىنە ارنالادى. اتالعان شارانى ۇيلەستىرۋ "قازاقكونتسەرت" ۇيىمى جانىنداعى "كونتسەرتتىك-گاسترولدىك قىزمەت ورتالىعىنا" جۇكتەلگەن.
جوبانى "قازاق مۋزىكاسىنىڭ التىن داۋىسى", ءان الەمىنىڭ ارداگەرى بيبىگۇل تولەگەنوۆا باستادى. ءشامشى قالداياقوۆتىڭ ۇزەڭگىلەس-زامانداسى بيبىگۇل احمەتقىزى سازگەردىڭ "قايىقتا" ءانىن ەڭ العاش ورىنداعان ەدى. تالانت يەسى جاستىق شاعىن ەسكە الىپ, اتالعان ءاندى تىڭدارماندارىنا تاعى ءبىر مارتە ۇسىندى.
بيبىگۇل تولەگەنوۆا "مەنىڭ قازاقستانىم" حالىقارالىق مۋزىكالىق چەللەندجىن جالعاستىرۋ ەستافەتاسىن بەلگىلى ءانشى الىبەك دىنىشەۆكە, قازاقستاننىڭ حالىق ءارتيسى روزا رىمباەۆاعا, كسرو جانە قازاقستاننىڭ ەڭبەك سىڭىرگەن سپورت شەبەرى, قر ەڭبەك سىڭىرگەن قايراتكەرى داۋلەت تۇرلىحانوۆقا, سونداي-اق, الىس-جاقىن شەت ەلدەردەگى قانداستارىمىزعا جولدادى.
اتالعان ەستافەتانى قابىل الۋشىلار جوبانى قولداپ, جالعاستىرۋعا بەلسەندىلىك تانىتۋدا. ماسەلەن, روزا رىمباەۆا كەزەكتى ءان مارافونىن قازاق وپەراسىنىڭ قوس جۇلدىزى نۇرجامال ۇسەنباەۆا مەن مايرا مۇحامەدقىزىنا جانە جاس ءانشى امىرەگە جولداماقشى.
