جول-كولىك وقيعاسى 00 ساعات 10 مينۋت شاماسىندا بەسكول كەنتى ماڭىنداعى نۇر-سۇلتان – پەتروپاۆل اۆتوجولىنىڭ 44 شاقىرىمىندا بولعان. 40 جاستاعى جۇرگىزۋشىءنىڭ ءوزى زارداپ شەككەن جوق, تەك ماشيناسىنا زاقىم كەلءىپ, ونى ەۆاكۋاتسيالاۋ ءۇشىن ارنايى تەحنيكا شاقىرتۋعا تۋرا كەلدى. جانۋار وقيعا ورنىندا جان تاپسىردى. «وسىنداي جاعداي بولىپ تۇرادى, - دەيدى سقو پد پاترۋلدىك پوليتسيا باتالونىنىڭ كومانديرى پوليتسيا پودپولكوۆنيگى ەرلان ماديەۆ. – جۇرگىزۋشىلەرگە اسىرەسە تۇنگى ۋاقىتتا جولدا قىراعىلىق تانىتىپ, جىلدامدىق رەجءىءمىن ساقتاۋ قاجەتتىلىگءىن ەسكەرتەمىز.كولىكتىڭ جارىعىنان ءوتىپ كەتپەك بولعان جانۋارلار ساسقالاقتاپ قالادى. اسىرەسە, ورمان ماڭىنداعى جولداردا اباي بولۋ كەرەك. مىسالى, سقو-دا توقشىن, اسان, پولۋدين اۋىلدارىنىڭ ماڭىنداعى چەليابى-ءنوۆوسىبىر, چيريكوۆكا اۋلىنىڭ جانىنداعى پەتروپاۆل-جەزقازعان جولدارىندا ساق بولعان ءجون».
بيىل سقو-دا وسىنداي ەكى جول-كولىك وقيعاسى تىركەلگەن. ەكى جاعدايدا دا جولدا كەلە جاتقان كولىكتەردىڭ الدىنان ەلىكتەر شىعا كەلگەن. سونداي-اق, پوليتسەيلەر قاڭعىرىپ جۇرگەن مالداردىڭ دا اۆتوموبيليستەر ءۇشىن قاۋىپ توندىرەتىنىن ەسكەرتەدى.
ءسولتۇستىك قازاقستان وبلىسى
