رۋحانيات • 14 تامىز، 2020

مەملەكەتتىك ورتالىق مۋزەيى قورى ونلاين-جوبا ۇسىندى

14 رەت كورسەتىلدى

مەملەكەتتىك ورتالىق مۋزەيى جىل سايىن مۋزەي قورىنداعى قۇندىلىقتاردى دارىپتەۋ باعىتىندا تانىمدىق مادەني-ءبىلىم بەرۋ باعدارلامالاردى ءجۇيەلى تۇردە مۋزەي كورەرمەندەرىنە ۇسىنىپ كەلەدى. ەلدەگى قازىرگى جاعدايعا  بايلانىستى ورتالىق مۋزەي ءوز جۇمىسىن بەلسەندى تۇردە ونلاين رەجءىمدە جالعاستىرىپ وتىر.

وسى ورايدا كورەرمەندەر نازارىنا «بايلانىس جانە تەلەكوممۋنيكاتسيا قۇرالدارى» تاقىرىبىندا مادەني-ءبىلىم بەرۋ ونلاين-جوباسىن ۇسىنادى. جوبا اياسىندا وقۋ ورىندارىنىڭ وقۋشىلارى ءۇشىن ءارتۇرلى بايلانىس قۇرالدارى مەن تەلەكوممۋنيكاتسيالاردى دامىتۋعا ارنالعان: «جازۋ-كوممۋنيكاتسيا قۇرالى»، «راديو»، «پوشتا. تەلەگراف»، «تەلەديدار»، «پاتەفوندار. ماگنيتوفوندار»، «تەلەفوندار»، «كومپيۋتەر. عالامتور» تاقىرىپتارىندا ونلاين مۋزەيلىك ساباقتاردى ۇسىنادى. ورتالىق مۋزەي ماماندارى دايىنداعان مۋزەي ساباقتارى ستۋدەنتتەردى اقپارات بەرۋ پروتسەسىندە ماڭىزدى ءرول اتقارعان العاشقى جازۋ ماشينكالارىنىڭ ۇلگىلەرى، تەلەفون جانە تەلەگراف قۇرىلعىلارى، تەلەقابىلداعىشتار مەن راديو اپپاراتتاردىڭ سيرەك كەزدەسەتىن ۇلگىلەرىمەن تانىستىرادى.

الماتى قالاسى «رۋحاني جاڭعىرۋ» جوبالىق كەڭسەسىءنىڭ ءمالىمەتتەرىنە سۇيەنسەك، ۇسىنىلعان مۋزەي ەكسپوناتتارىنىڭ كوللەكتسياسى ەرەكشە ءارى سانالۋان. جازۋ تاريحى بويىنشا مۋزەيلىك ساباق ەرەكشە قىزىعۋشىلىق تۋدىرادى. مۇندا اقپارات الماسۋدىڭ ەجەلگى تاسىلدەرى – ۆامپۋمدار، كيپۋ، پيكتوگراممالار، پەتروگليفتەر، يەروگليفتەر تۋرالى ايتىلادى. سونىمەن قاتار قازاقستاننىڭ عىلىم، ءبىلىم جانە مادەنيەت قايراتكەرلەرىنىڭ جەكە كەشەندەرىندەگى مۋزەيلىك زاتتار نەگىزىندە قاۋىرسىن قالامنان باستاپ شاريكتى قالام مەن جازۋ ماشينكالارىنا دەيىنگى جازۋ قۇرالدارىنىڭ الۋان تۇرلەرىمەن  تانىستىرادى. ولاردىڭ اراسىندا 1933 ج. گەرمانيادا شىعارىلعان«Mercedes» مەحانيكالىق جازۋ ماشينكاسى جانە پروفەسسور، ورنيتولوگ ا.كوۆشاردىڭ جەكە كەشەنىندەگى قازكسر قىزىل كىتابىنىڭ قولجازباسى تەرىلگەن «وپتيما» جازۋ ماشينكاسى ەرەكشە نازار اۋدارادى. سونداي-اق، ء وز كەزەڭىندە سىمدى پوشتا بايلانىسىنىڭ ءبىر ءتۇرى رەتىندە كەڭ تارالعان مورزە تەلەگراف اپپاراتتارى، تەلەتايپ جانە ت.ب. قىزىعۋشىلىق تۋدىرادى.

راديو مەن تەلەديداردى ويلاپ تابۋ – ادامزات ونەرتابىسىنىڭ ەڭ ۇلكەن جەتىستىكتەرىنىڭ ءبىرى. مۋزەيلىك ساباققا قاتىسۋشىلار راديو تىڭداۋشىلار اراسىندا كەڭ سۇرانىسقا يە بولعان راديولا، «مۋرومەتس»، «ەستونيا-3»، «سيريۋس-5»، «ماياك-2020» راديوقابىلداعىشتارىمەن كەڭىنەن تانىسادى.  سونداي-اق،  تەلەديدار تۋرالى، اتاپ ايتقاندا، العاشقى كەڭەستىك سەريالىق كۆن-49 ۇستەل تەلەديدارى، «رەكورد -331» قارا-اق بەينەلى تەلەديدارى، «بەرەزكا» جارتىلاي وتكىزگىشتى تەلەديدارى تۋرالى مالىمەت الۋ قىزعىلىقتى بولارى ءسوزسىز.  قازىرگى تاڭدا ءبىزدىڭ ءومىرىمىزدى تەلەفونسىز ەلەستەتۋ مۇمكىن ەمەس. مۋزەي ساباقتارىنا قاتىسۋشىلاردىڭ نازارىنا العاشقى جانە قازىرگى زامانعى تەلەفون اپپاراتتارى – 1928 جىلى «كراسنايا زاريا» لەنينگراد زاۋىتىنىڭ تەلەفون قۇرىلعىسى، عالىم-گەولوگ ق.ساتباەۆتىڭ تەلەفونى، 1960 جىلعى ديسكىلىك تەلەفون جانە العاشقى ءموبيلدى قۇرىلعىلار ۇسىنىلدى. بايلانىس قۇرالدارىن دامىتۋداعى ناقتى رەۆوليۋتسيا كومپيۋتەردىڭ جانە عالامتور جەلىسىنىڭ پايدا بولۋىمەن بايلانىىستى ەكەندىگىن ەرەكشە ەكشەپ اتاپ وتۋگە بولادى. مۋزەيلىك ساباقتا بالالار مۋزەي كوللەكتسيالارى مىسالىندا بايلانىستىڭ دامۋ تاريحى تۋرالى پايدالى ءارى تانىمدىق اقپارات الىپ، ونلاين-ۆيكتورينالارعا قاتىسىپ، تاقىرىپتىق سۇراقتارعا جاۋاپ بەرە الادى.

سوڭعى جاڭالىقتار

ۇقساس جاڭالىقتار