رۋحانيات • 14 تامىز، 2020

ءشامشى قالداياقوۆتىڭ 90 جىلدىق مەرەيتويىنا وراي قانداي ءىس-شارالار وتەدى

147 رەت كورسەتىلدى

15 تامىز - كومپوزيتور، قازاقستاننىڭ حالىق ءارتيسى، قر گيمنىنىڭ اۆتورى ءشامشى قالداياقوۆتىڭ تۋعان كۇنى. مادەنيەت جانە سپورت مينيسترلىگى بۇگىن تانىمال كومپوزيتوردىڭ 90 جىلدىعىنا وراي ونلاين رەجيمىندە بىرقاتار ءىس-شارا وتكىزەدى، - دەپ حابارلايدى Egemen.kz.

مەرەيتويلىق كۇن قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترى دايىنداعان ءشامشى قالداياقوۆ اندەرىنىڭ حالىقارالىق فەستيۆالىنىڭ ونلاين-كورسەتىلىمىنەن باستالادى.

ءشامشى قالداياقوۆتىڭ تۋعان جەرى تۇركىستان وبلىسىندا 14 تامىزدا ساعات 15.00-دە كومپوزيتور ءومىر سۇرگەن، قالپىنا كەلتىرىلگەن مۇراجاي-ءۇيىنىڭ اشىلۋى وتەدى. سونىمەن قاتار، تانىمال كومپوزيتور ەسكەرتكىشىنە گۇل قويۋ سالتاناتتى ءراسىمى وتەدى.

ايتۋلى كۇنى "كونتسەرتتىك-گاسترولدىك ورتالىق "جىل سوڭىنا دەيىن جالعاساتىن "مەنىڭ قازاقستانىم" حالىقارالىق مۋزىكالىق چەللەندجىن باستايدى. وعان بەلگىلى قازاقستاندىق ارتيستەر، اكتەرلەر، سپورتشىلار، مەملەكەت جانە قوعام قايراتكەرلەرى، جاقىن جانە الىس شەتەلدەردەن كەلگەن قانداستار قاتىسادى.

مينيسترلىكتىڭ YouTube-ارناسىندا "جاز اۋەندەرى" جوباسى اياسىندا كەنەن ازىرباەۆ اتىنداعى جامبىل وبلىستىق فيلارمونياسىنىڭ ء"ان پاديشاسى - ءشامشى اعا" كونتسەرتىنىڭ پرەمەراسى كورسەتىلەدى.

ۇلى مۋزىكانتتىڭ شىعارماشىلىعىن سۇيەتىندەر جامبىل اتىنداعى قازاق مەملەكەتتىك فيلارمونياسىنىڭ "قازاق ءۆالسىنىڭ كورولى" كونتسەرتىن تاماشالاي الادى.

مەرەيتويلىق ءىس-شارالار تىزبەگىن قازاقستان رەسپۋبليكاسىنىڭ ۇلتتىق اكادەميالىق كىتاپحاناسى نۇر-سۇلتان قالاسىندا ۇيىمداستىرعان "قازاق ءۆالسىنىڭ كورولى - ءشامشى قالداياقوۆ" ونلاين-كورمەسى جالعاستىرادى. سونىمەن قاتار، ۇلتتىق كىتاپحانانىڭ الەۋمەتتىك جەلىلەردە رەسمي پاراقشالارىندا "مەنىڭ قازاقستانىم"ونلاين-كونتسەرتى كورسەتىلەدى.

زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا كورەرمەندەرگە ء"ان-اعا" ادەبي-مۋزىكالىق كەشى، سونىمەن بىرگە "قازاقستاننىڭ حالىق ءارتىسى ءشامشى قالداياقوۆتىڭ تۋعانىنا 90 جىل"اتتى مۋزىكالىق بەينەتاسپا ۇسىنىلادى.

ايتا كەتەيىك، ءشامشى قالداياقوۆتىڭ 90 جىلدىق مەرەيتويىنا وراي قازاقستان سۋرەتشىلەرىنىڭ شىعارماشىلىق جۇمىستارى نەگىزىندە تۇڭعىش رەت ء"شامشى الەمى" مۋلتيمەديالىق ونلاين-كورمەسى ۇيىمداستىرىلادى.

رەسپۋبليكالىق مۇراجايلار مەن كىتاپحانالار الەۋمەتتىك جەلىدەگى پاراقشالارىندا كورەرمەندەر نازارىنا كومپوزيتوردىڭ ومىرىنە ارنالعان ۆيرتۋالدى كورمەلەر مەن ونلاين-دارىستەر ۇسىنادى.

سونداي-اق، 15 تامىزدا قازاقستان رەسپۋبليكاسى ۇلتتىق مۋزەيىنىڭ الەۋمەتتىك جەلىدەگى رەسمي پاراقشاسىندا ءشامشى قالداياقوۆتىڭ شىعارماشىلىعى تۋرالى رەجيسسەر، ستسەناريست، ءانشى-كومپوزيتور ورالبەك سارباسوۆپەن مۋزىكالىق ونلاين-سۇحبات وتەدى. ەفير كورەرمەندەرى اراسىندا كومپوزيتوردىڭ ءومىرى مەن شىعارماشىلىعىنا ارنالعان Muzei Time ساۋالناماسى ۇيىمداستىرىلادى.

17 تامىزدا قازاقستان رەسپۋبليكاسى ۇلتتىق مۋزەيى قورىنىڭ مۇراعاتتارىنان ءشامشى قالداياقوۆتىڭ مۇراسى تۋرالى بەينەسيۋجەت كورسەتىلەدى. 26 تامىزدا "قازاق مۋزىكا تاريحىنداعى بىرەگەي تۇلعا" ۆيدەو– ەكسكۋرسياسى، سونداي-اق قازاقستان رەسپۋبليكاسىنىڭ ۇلتتىق اكادەميالىق كىتاپحاناسى "قازاق ءۆالسىنىڭ كورولى-ءشامشى قالداياقوۆ" ۆيرتۋالدى كورمەسى وقىرماندار مەن كورەرمەندەر نازارىنا ۇسىنىلادى.

23 قازاندا قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترى "ۆالس كورولى" كونتسەرتىن كورسەتەدى. وسى ايدا اباي اتىنداعى قازاق مەملەكەتتىك وپەرا جانە بالەت تەاترى كورەرمەندەرىنە كومپوزيتور شىعارمالارىنىڭ كونتسەرتىن تارتۋلايدى. ال قاراشا ايىندا جامبىل اتىنداعى قازاق مەملەكەتتىك فيلارمونياسى كومپوزيتوردىڭ شىعارماشىلىعىنا ارنالعان مەرەيتويلىق كونتسەرت وتكىزەدى. سونداي-اق، قاراشا ايىندا "قازاقكونتسەرت" مەملەكەتتىك كونتسەرتتىك ۇيىمىنىڭ "Saz & Soul" ۆوكالدىق-اسپاپتىق توبى كورەرمەندەرىن الەۋمەتتىك جەلىلەردەگى ونلاين-كونتسەرتپەن قۋانتادى.

ايتا كەتۋ كەرەك، كومپوزيتور ءشامشى قالداياقوۆتىڭ 90 جىلدىق مەرەيتويىنا وراي تۇركىستان وبلىسىندا جىل سوڭىنا دەيىن ەپيدەميولوگيالىق جاعدايعا بايلانىستى ونلاين-فورماتتا وتەتىن 100-گە جۋىق ءىس-شارا جوسپارلانعان.

سوڭعى جاڭالىقتار

ۇقساس جاڭالىقتار