الماتى قالاسىنىڭ حالىققا قىزمەت كورسەتۋ بويىنشا №1 الاتاۋ اۋداندىق ءبولىمى كارانتين كەزىندە كليەنتتەردى دۇيسەنبى مەن سەنبى ارالىعىندا ساعات 9.00-دەن 16.00-گە دەيىن قابىلدايدى.
وسى قيىن كەزەڭدە ءبولىم كۇنىنە 15-20-دان استام ەلەكتروندىق وتىنىشتەردى قابىلداپ, وڭدەۋدە. سونداي-اق, الدىن الا جازىلۋ (برون) بويىنشا فرونت-وفيستە دە ازاماتتاردى قابىلداۋ جۇرگىزىلەدى.
ءبولىم كارانتين كەزىندەگى سوڭعى ەكى ايدا 3,5 مىڭعا جۋىق ءوتىنىش قابىلداپتى.
اتاپ ايتقاندا, «جۇكتىلىك پەن بوسانۋعا بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەم» بويىنشا – 1000 ءوتىنىش, «بالا تۋعاندا جانە بالا كۇتىمى بويىنشا جاردەماقى تاعايىنداۋ» قىزمەتى بويىنشا – 1013 ءوتىنىش, «بالانىڭ تۋىن تىركەۋ, ونىڭ ىشىندە ازاماتتىق حال اكتىلەرى جازبالارىنا وزگەرىستەر, تولىقتىرۋلار مەن تۇزەتۋلەر ەنگىزۋ» بويىنشا – 1150 ءوتىنىش قابىلداعان.
وسى اپتادا ءبولىم قىزمەتكەرلەرى بولاشاق انالار مەن الاتاۋ اۋدانىنىڭ كەيبىر اتا-انالارىن جاڭا تۋعان نارەستەلەردىڭ دۇنيەگە كەلۋىمەن قۇتتىقتادى. تۋ تۋرالى كۋالىك پەن شارلار تابىس ەتىلدى.
وسىلايشا, قيىن كەزەڭدە ومىرگە ءسابي اكەلگەن جانە بولاشاق انالاردى قولداپ, كوڭىلدەرىن كوتەرىپ, قۇرمەت كورسەتتى.
