ايماقتار • 13 تامىز، 2020

پارا العانى ءۇشىن قىزمەتىنەن قۋىلدى

1225 رەت كورسەتىلدى

سقو ماعجان جۇماباەۆ اۋدانىنىڭ جەرگىلىكتى ۋچاسكەلىك پوليتسيا ينسپەكتورىن سىبايلاس جەمقورلىققا قارسى ۇلتتىق بيۋرو دەپارتامەنتىنىڭ قىزمەتكەرلەرى 150 مىڭ تەڭگە پارا العالى جاتقان جەرىندە ۇستاپ، ۋاقىتشا ۇستايتىن وقشاۋلاعىشقا قامالدى، دەپ حابارلايدى Egemen.kz

ول پارانى اكىمشىلىك بۇزۋشىلىق جاساعان ادامنان تالاپ ەتكەن ەكەن. ايىپپۇل سالۋ تۋرالى حاتتاما تولتىرماۋدىڭ قۇنىن پاراقور وسىنشا اقشاعا باعالاپتى.   

كەشە وبلىستىق پوليتسيا تارتىپتىك كوميسسياسىنىڭ وتىرىسى بولىپ، پارا العان ادام تەرىس قىلىق جاساعانى ءۇشىن ىشكى ىستەر ورگاندارىنان شىعارىلىپ، ارنايى اتاعىنان دا ايرىلدى. ۇستىنەن قىلمىستىق ءىس قوزعالىپ، كەيىنگى تاعدىرىن سوت شەشەدى.

ونىڭ تىكەلەي باسشىسى – اۋداندىق پوليتسيا ءبولىمى باستىعىنىڭ ورىنباسارى دا قىزمەتىنەن بوساتىلدى. سونداي-اق، پوليتسيا ءبولىمى مەن وبلىستىق اپپاراتتىڭ 11 باسشىسى قاتاڭ تارتىپتىك جاۋاپكەرشىلىككە تارتىلدى.

"كارانتين كەزىندە ءوزىنىڭ ارىپتەستەرى مىندەتتەرىن ادال اتقارىپ جۇرگەندە، جاس وفيتسەر ءوزىنىڭ ءىس-ارەكەتىمەن ءبىزدىڭ قىزمەتىمىزدىڭ اتىنا كىر كەلتىردى. بۇل فاكتى حالىق اراسىندا تەرىس وي قالىپتاستىرادى. ءدال وسىنداي قاتاڭ ۇستانىم قانداي اتاق پەن لاۋازىم بولماسىن كەز-كەلگەن جەمقورعا قاتىستى بولادى جانە سولاي بولا بەرمەك. ءار قىزمەتكەردى بۇيرىقپەن تانىستىرىپ، جاعدايدى جاريالاپ وتىرۋ كەرەك"، دەدى سولتۇستىك قازاقستان وبلىسى پد باستىعى، پوليتسيا پولكوۆنيگى مارات تولەباەۆ.

سوڭعى جاڭالىقتار

ساقتانساڭ – ساۋ بولارسىڭ

ايماقتار • بۇگىن، 23:00

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار