"شاراعا بەلگىلى تاريحشى, ارحەولوگ, قولونەرشى, ديزاينەر ماماندار قاتىستى. باستى تاقىرىپ – ۇلى دالا توسىندەگى ەجەلگى تەحنولوگيالار مەن مادەني كوممۋنيكاتسيالار. ەكى كۇنگە سوزىلعان تاريحي-تانىمدىق شارا بارىسىندا ەجەلگى وركەنيەتتەگى زەرگەرلىك, توقىما, كيىز باسۋ, تەمىر يلەۋ سياقتى ونەر تۇرلەرىنىڭ ەرەكشەلىكتەرى زەردەلەندى.
ەۋرازيا دالاسىنىڭ كونە مادەنيەتىن زەرتتەۋ ناتيجەلەرى قازاقستاننىڭ الەم وركەنيەتىنىڭ ىلگەرىلەۋىنە نەگىز بولعان كوپتەگەن تاريحي ۇدەرىستەر مەن قۇبىلىستاردىڭ ورتالىعى بولعانىن دالەلدەپ وتىر. ال قوستاناي وبلىسى ءوزىنىڭ گەورگرافيالىق ورنالاسۋى جاعىنان الەم حالىقتارىنىڭ ۇلى قونىس اۋدارۋ جولىنىڭ قاق وتىندە جاتىر. سوندىقتان قوستاناي توپىراعى شىعىس پەن باتىس, وڭتۇستىك پەن سولتۇستىك حالىقتارىنىڭ مادەنيەتىنە ورتاق كونە ارحەولوگيالىق جادىگەرلەرگە باي. قوستاناي وبلىسىندا اندرونوۆ مادەنيەتىنىڭ ەسكەرتكىشتەرى كوپ كەزدەسەدى.
ولاردىڭ ىشىندە بەستاماق, ليساكوۆ, الەكسەەۆ, قامىستى سياقتى الەمدىك عىلىمدا بەلگىلى بولعان ەسكەرتكىشتەر بار. ەجەلگى تەحنولوگيالار جانە مادەني كوممۋنيكاتسيالار فەستيۆالى ءبىزدىڭ وبلىسىمىز ءۇشىن عانا ەمەس, بۇكىل ەلىمىز ءۇشىن ۇلكەن وقيعا. فەستيۆال اياسىندا بيىل تۇڭعىش رەت وسى ايماقتى مەكەندەگەن كونە تۇرعىنداردىڭ ماتەريالدىق قۇندىلىقتارىن جاڭعىرتۋ, ەجەلگى تەحنولوگيالار مەن مادەني كوممۋنيكاتسيالاردى زەردەلەۋگە مۇمكىندىك تۋىپ وتىر", دەدى مادەنيەت باسقارماسىنىڭ باسشىسى ەرلان قالماقوۆ.
