تەمىر جول كولىگى جانە حالىقارالىق تاسىمالداۋ سالاسىندا ەڭبەك ءوتىلى بار پ.شتۋرم, 25 جىل بويى حالىقارالىق كومپانيالاردا ءتۇرلى باسقارۋ قىزمەتتەرىن اتقارعان. بۇعان دەيىن ول يننوۆاتسيالار مەن وزگەرىستەردى ەنگىزۋدەگى جاۋاپتى بولىمشەلەردى باسقاردى, جىلجىمالى قۇرامدى ساتىپ الۋ جانە قىزمەت كورسەتۋ, اقپاراتتىق تەحنولوگيالاردى ەنگىزۋ, تەمىر جولداردى پايدالانۋ جانە ت. ب. سالالاردا قىزمەت اتقاردى.
شتۋرم مىرزا باسەكەگە قابىلەتتىلىكتى جانە كليەنتتەردىڭ نازارىن جاقسارتۋ باعىتىندا جۇرگىزىلىپ جاتقان بارلىق وزگەرىستەر جالعاسىن تاباتىندىعىنا سەندىردى.
ونلاين رەجيمىندەگى ءوزىنىڭ العاشقى اپپاراتتىق كەڭەسىندە جاڭا باسشى "جولاۋشىلار تاسىمالى" اق قۇرىلىمدىق بولىمشەلەرى مەن ۆەدومستۆوعا قاراستى ۇيىم باسشىلارىنىڭ جولاۋشىلارعا سەرۆيستىك قىزمەت كورسەتۋ ساپاسىنا, ياعني جولاۋشىلار ۆاگوندارىن جۋ مەن جيناۋ جانە توسەك-ورىننىڭ ساپاسىنا باسا نازار اۋداردى. ساپا مەنەدجمەنتىنىڭ جاڭا جۇيەسىن ەنگىزۋ ەسەبىنەن كليەنتتەرگە قىزمەت كورسەتۋ دەڭگەيىن ارتتىرۋ قاجەت, ياعني كومپانيانىڭ بيزنەس-پروتسەستەرىن جاقسارتۋ ماقساتىندا جۇيەلى قاتەلىكتەردى ۇنەمى انىقتاپ, جۇمىس ىستەۋ كەرەك. جولاۋشىلار پويىزدارىنداعى توسەك-ورىن جابدىقتارىمەن جانە جۇمساق المالى-سالمالى مۇكاممالمەن جابدىقتاۋ ساپاسى, سونداي-اق كلينينگ جانە سانيتارلىق-گيگيەنالىق قۇرالدارمەن جاراقتاندىرۋ بويىنشا ەنگىزىلەتىن جاڭا ستاندارت ماسەلەلەرى كومپانيا باسشىلىعىنىڭ تۇراقتى باقىلاۋىندا بولادى.
باس ديرەكتور "سولتۇستىك" وڭىرلىك فيليالىندا ستاندارتتى جولاۋشىلار ۆاگوندارىنا ارنالعان العاشقى ەكى دارەتحانا ءمودۋلىنىڭ دەمونستراتسيالىق جيناعىمەن تانىستى. پويىزدارداعى سانيتارلىق توراپتاردى جاڭارتۋ, ولاردىڭ ەستەتيكاسىن, قولايلىلىعىن جانە جولاۋشىلار ءۇشىن جايلىلىق دەڭگەيىن تۇبەگەيلى ارتتىرۋعا مۇمكىندىك بەرەدى. دارەتحانالىق مودۋلدەردى ورناتۋ جۇمىستارى اعىمداعى جىلدىڭ قىركۇيەك ايىندا باستالادى دەپ جوسپارلانۋدا.
ەستەرىڭىزگە سالا كەتەيىك, بۇعان دەيىن باسشى بولعان كورتيۋم مىرزا دەنساۋلىعى مەن جەكە جاعدايلارىنا بايلانىستى "جولاۋشىلار تاسىمالى" اق باس ديرەكتورى قىزمەتىنەن كەتۋگە شەشىم قابىلدادى.
