1978 جىلدان بەرى يسپانيانىڭ باس شاھارىندا ۇزدىكسىز ۇيىمداستىرىلىپ كەلە جاتقان ءدۇبىرلى دودادا جەر ءجۇزىنىڭ تالاي جەلاياقتارى باس قوسىپ, جارىس كورىگىن قىزدىرۋدا. ەرلەر مەن ايەلدەردى قوس العاندا ەڭ زور تابىسقا قول جەتكىزگەن – كەنيا سپورتشىلارى. قارا قۇرلىقتان كەلگەن ورەندەر 26 مارتە (17 ەرلەر+9 ايەلدەر) توپ جاردى. ەكىنشى ورىندى جارىس قوجايىندارى يەلەنۋدە. پيرنەي تۇبەگىنىڭ تۇلەكتەرى 22 رەت (9+9) دارا شىقتى. ءۇشىنشى ساتىعا ەفيوپيا تابان تىرەدى. بۇل ەلدىڭ وكىلدەرى 9 مارتە (2+5) جەڭىس تۇعىرىنىڭ ەڭ بيىك ساتىسىنا كوتەرىلدى.
بىلتىرعى جىلى وتكەن جارىستا ەرلەر اراسىندا كەنيالىق رەۋبەن كەريو شاشاسىنا شاڭ جۇقتىرماسا, ايەلدەر سايىسىندا شاشو ينسەرمۋ الدىنا جان سالمادى.
