5 قىركۇيەكتە ماسكەۋدە اسا تۋرنيرىندە نۇرسۇلتان قاسىمحانوۆ چەشەنستاندىق ءاليحان سۇلەيمانوۆپەن سايىسقا تۇسەدى. ءدال وسى سپورتشى بيىل كوكتەمدە ءبىزدىڭ ەرمەك تلاۋوۆقا تىزە بۇكتىرگەن بولاتىن. ەندى ەرمەك جىبەرگەن ەسەنى نۇرسۇلتان قايتارۋعا ءتيىس.
19 قىركۇيەكتە ءدال سول اسا دوداسىندا ءتورت بىردەي جەرلەسىمىز جارىس جولىنا شىعادى. "الاش پرايد" كلۋبىنىڭ مۇشەلەرى – اسىلجان باقىتجان ۇلى مەن ارتەم رەزنيكوۆ تىم مىقتى قارسىلاستارعا تاپ بولىپ وتىر. «ساق» دەگەن لاقاپ اتپەن تانىمال قانداسىمىز الەكسەي بۋتورينمەن ايقاسادى. سانكت-پەتەربۋرگ قالاسىنىڭ تۋماسى 19 رەت وكتاگونعا شىعىپ, 15 باسەكەدە باسىمدىق تانىتتى. سول كەزدەسۋلەرىنىڭ بارلىعىندا ول قارسىلاسىن ەسىنەن تاندىردى. وتانداسىمىز يۋسۋف رايسوۆپەن كۇش سىناسادى. گروزنىيداعى «احماد» كلۋبىندا جاتتىعاتىن ساقا سپورتشى 17 باسەكەنىڭ تەك بىرەۋىندە عانا ۇتىلدى. قالعاندارىن ءوز پايداسىنا شەشتى. 10 كەزدەسۋدى ول مەرزىمىنەن بۇرىن اياقتادى. سونداي-اق, سول كەشتە نۇربەرگەن ءشارىپوۆ پەن گەورگي كيچيگين دە جەكپە-جەككە شىعادى.
ال 9 قىركۇيەكتە يرينا ۆينەر-ۋسمانوۆا اتىنداعى سپورت سارايىندا ايگىلى باپكەر ابدۋلماناپ نۇرماگومەدوۆتى ەسكە تۇسىرۋگە ارنالعان حالىقارالىق ءتۋرنيردىڭ تۇساۋى كەسىلەدى. سول جارىستا داۋرەن ەرمەكوۆ ەكاتەرينبۋرگتىڭ وكىلى ۆلاديمير مينەەۆپەن شەبەرلىك بايقاسادى.
