كولىكتەگى پوليتسيا دەپارتامەنتىنىڭ اتىراۋ ستانتسياسىنداعى جەلىلىك پوليتسيا ءبولىمىنىڭ قىزمەتكەرلەرى "ۆكونتاكتە" الەۋمەتتىك جەلىسىنە مونيتورينگ جۇرگىزۋ كەزىندە اتىراۋ وبلىسىنىڭ 25 جاستاعى ا. ەسىمدى تۇرعىنىنان "الەۋمەتتىك جەلىدە تىيىم سالىنعان ءدىني مازمۇنداعى اۋديوجازبانى ساقتاۋ" فاكتىسىن انىقتادى.
بۇل تۋرالى كولىكتەگى پوليتسيا دەپارتامەنتى باستىعىنىڭ ورىنباسارى سارىقۇل جولانوۆ مالىمدەدى.
– ءدىنتانۋ ساراپتاماسىنىڭ قورىتىندىسى بويىنشا اۋديو جازبالاردىڭ قازاقستان رەسپۋبليكاسىنىڭ اۋماعىندا تىيىم سالىنعانى انىقتالدى, – دەيدى س.جولانوۆ.
اتىراۋ قالاسىنىڭ ماماندىرىلعان اكىمشىلىك سوتىنىڭ شەشىمىمەن اتالعان ازامات قر اقبتك-ءنىڭ 453-بابى 2-بولىگى بويىنشا اكىمشىلىك جاۋاپكەرشىلىككە تارتىلىپ, وعان 20 اەك مولشەرىندە 55 560 تەڭگە كولەمىندە اكىمشىلىك ايىپپۇل سالىندى.
