نۇر-سۇلتاندا 12 مىڭنان استام پەداگوگ (مەكتەپ, كوللەدج, بالاباقشا تاربيەشىلەرى) قاشىقتان وقىتۋدى ۇيىمداستىرۋ بويىنشا ونلاين-كۋرستاردان ءوتتى. بالالار, اتا-انالار جانە بالاباقشا قىزمەتكەرلەرى ءۇشىن جۇمىس الگوريتمدەرى جاسالدى. بارلىق نىساندار سانيتارلىق تالاپتارعا ساي دايىندالعان.
بۇدان باسقا, "ەلوردالىق ەلەكتروندى مەكتەپ" ەلەكتروندى پلاتفورماسى ازىرلەندى, وندا قىسقا مەرزىمدى ساباق جوسپارلارى, بەينە-ساباقتار مەن ساباقتار, ءبىلىم بەرۋدىڭ تسيفرلىق رەسۋرستارى جانە ت.ب. ورنالاستىرىلعان.
نۇر-سۇلتانداعى ءبىلىم بەرۋ ۇيىمدارىندا جاڭا وقۋ جىلى قاشىقتان باستالادى. اتا-انالاردىڭ ءوتىنىشى بويىنشا 1-4 سىنىپ وقۋشىلارى ءۇشىن "كەزەكشى سىنىپتاردىڭ" جۇمىس ىستەۋى جوسپارلانۋدا. بۇل رەتتە بارلىق ساننورمالار قاتاڭ ساقتالادى. پەداگوگتاردىڭ 30% - عا جۋىعى شتاتتىق رەجيمدە, ونىڭ ىشىندە كەزەكشى توپتاردا ساباق بەرۋ ءۇشىن جۇمىسقا شىعادى.
از قامتىلعان وتباسىلاردان شىققان وقۋشىلاردى قاشىقتان وقىتۋ كەزىندە كومپيۋتەرلەرمەن جانە روۋتەرلەرمەن قامتاماسىز ەتۋ ءۇشىن شامامەن 6 ملرد تەڭگە ءبولىندى. بۇل حالىقتىڭ الەۋمەتتىك وسال توپتارىنىڭ بارلىق بالالارىن قامتۋعا مۇمكىندىك بەرەدى (شامامەن 34,5 مىڭ بالا).
