ءبىلىم جانە عىلىم مينيسترلىگى شەتەلدىك جوعارى وقۋ ورىندارىنا ءوز بەتىنشە تۇسكەن جانە كوروناۆيرۋستىق ينفەكتسيا پاندەمياسىنا بايلانىستى جوعارى وقۋ ورىندارىنا ورالۋ پروبلەماسىنا تاپ بولعان قازاقستاندىق ستۋدەنتتەرگە كومەك كورسەتە باستادى.
"شەتەلدىك جوو-نىڭ كوپشىلىگى ستۋدەنتتەرىن قاشىقتان وقىتادى. الايدا كەيبىر وقۋ ورىندارىندا ونداي مۇمكىندىك قاراستىرىلماعان. وزدەرىنە بايلانىستى ەمەس سەبەپتەرمەن وقۋىن جالعاستىرۋ ءۇشىن ەلدەن شىعا المايتىن ستۋدەنتتەرگە مينيسترلىك وتاندىق جوعارى وقۋ ورىندارىنا اۋىسۋعا كومەكتەسۋگە دايىن. بۇل رەتتە قۇجاتتاردى راسىمدەۋ فورماتى جەڭىلدەتىلەدى. ول ءۇشىن ۋنيۆەرسيتەتتىڭ ۆيرتۋالدى قابىلداۋ كوميسسياسىنا جۇگىنۋ جەتكىلىكتى. وقۋ ورنىنا اۋىسۋ تۋرالى ءوتىنىش ونلاين-رەجيمدە قاراستىرىلادى", - دەلىنگەن حابارلامادا.
وسى ساناتتاعى ازاماتتاردى قولداۋ ماقساتىندا مينيسترلىكتە جەدەل جەلى (74-16-24) ىسكە قوسىلدى. كورسەتىلگەن ءنومىر بويىنشا دۇيسەنبى مەن جۇما ارالىعىندا ساعات 9:30-دان 18:30-عا دەيىن حابارلاسۋعا بولادى.
