وسى اپتادا كوگىلدىر ەكرانعا كوز تىككەن جانكۇيەرلەر ءتورت باسەكەنى تاماشالادى. كەشە دونەتسكىنىڭ "شاحتەرى" شۆەيتساريانىڭ «بازەل» كلۋبىنىڭ تاس-تالقانىن شىعاردى. ەسەپ – 4:1.
يسپانيانىڭ "سەۆيلياسى" مەن اعىلشىنداردىڭ "ۆۋلۆەرحەمپتون" اراسىنداعى باسەكەنىڭ تاعدىرى كەزدەسۋدىڭ اياقتالۋىنا ەكى مينۋت قالعاندا شەشىلدى. 88 مينۋتتا پيرنەي تۇبەگىنەن كەلگەن ورەندەردىڭ وسى ماتچتاعى جالعىز گولدى سوقتى – 1:0.
ال ونىڭ الدىندا يتاليانىڭ "ينتەرى" گەرمانيانىڭ "بايەر 04" كلۋبىن 2:1 ەسەبىمەن ۇتسا, انگليانىڭ "مانچەستەر يۋنايتەدى" پەن دانيانىڭ "كوپەنگاگەنى" نەگىزگى ۋاقىتتا ءبىر-ءبىرىنىڭ وسال تۇسىن تابا المادى. وۆەرتايمدا اعىلشىنداردىڭ اسىعى الشىسىنان ءتۇستى – 1:0. بۇل باسەكەلەردىڭ بارلىعى دا گەرمانيادا ءوتتى.
ەندى جارتىلاي فينالدا "شاحتەر" مەن "ينتەر" جانە "مانچەستەر يۋنايتەد" پەن "سەۆيليا" شەبەرلىك بايقاسادى. بۇل كەزدەسۋلەر 16 جانە 17 تامىز كۇندەرى وتەدى.
