جۇرەتىن جولىمىز ۇزاق

توقسانىنشى جىلداردىڭ باس كەزىندە قازاقستاننىڭ بولاشاق تاعدىرى بەينەبىر قىل كوپىردىڭ ۇستىندە تۇرعانداي بولعانىنا ەشكىم شەك كەلتىرە قويماس. ەل تۇرعىندارى ۇلتتىق قۇرامىنىڭ ارتەكتى بولۋى تالاي ساراپشىلار مەن ساياساتشى­لار تۇرعىسىنان قازاقستاندى بو­لاشاق جانجالدار مەن قاقتىعىس­تاردىڭ ورتاسىنا اينالادى دەۋىنە سەبەپ بولعانداي. رەسپۋبليكا باس­شىسى وسىنىڭ ءبارىن ەسكەرىپ, ۇلت ساياساتىن­دا كورەگەندىك پەن پارا­ساتتىلىق, قازاقى ۇعىممەن قارا­عاندا الا قويدى بولە قىرىقپاۋدى تالاپ ەتتى. الدىمەن ەكونوميكا, سودان كەيىن ساياسات دەگەن قاعيدا بەرىك ۇستا­لىپ, از ۋاقىتتىڭ ىشىندە جاس مەم­لەكەتتىڭ باسشىسى تاراپىنان ەلدىڭ ەڭسەسى تىكتەلىپ كەتۋى ءۇشىن قاجەتتى العى- شارت­تاردىڭ ءبارى جاسالىپ ۇلگەردى. قا­زاقستانداعى ورەلى وزگەرىستەرگە كورشى ەلدەردىڭ بىرقاتارى قىزىعا قاراسا, ەكىنشى بىرەۋلەرى قىزعانا قارادى. كورە­الماستىقتىڭ جەتەگىندە كەتكەندەر دە جەتەرلىك. قىسقاسى, قا­زاق توپى­راعىندا وركەنيەتكە باعىت ۇس­تاعان جاڭا مەملەكەت قۇرىلدى. ونىڭ ءبا­رىن وسى تاريحي ءىستىڭ باسى-قا­سىندا بولعان نۇرسۇلتان نازار­باەۆ­تىڭ ەسىمىمەن تىعىز بايلانىس­تىرا الامىز. مەملەكەت قۇرۋ ءىسى – ۇزدىكسىز ۇدەرىس. بۇل دالەلدەۋدى قاجەت ەتپەيتىن اكسيوما. وسى قيسىنعا سۇيەنسەك, ەلدىڭ تۇڭعىش پرەزيدەنتى ءوزى ىرگەسىن قالاعان مەملەكەت پەن مەملەكەتتىلىكتى ودان ءارى نىعايتۋدا ءالى دە كوپ ءىس تىندىرا الاتىنىنا ەشقانداي كۇمان جوق. قازاقستان مەملەكەتىنىڭ باسشى­سى ەكونوميكانى كوتەرۋمەن قاتار حا­لىق­ارالىق قارىم-قاتىناستارعا دا تە­رەڭ ءمان بەرەدى. ءسوز جوق, بۇل وتە قاجەت ماسەلە. بۇگىنگى قازاق­ستاندىق دامۋ جاعدايىندا كوپ ۆەك­تور­لى سايا­سات ۇستانۋدىڭ ارتىق­شى­لىعى مول. بۇلاي ىستەۋ كەز كەل­گەن مەملەكەت باس­شىسىنىڭ قولى­نان كەلە بەرمەيدى. وسىنداي كوپ ۆەكتورلى ساياسات ءبىزدىڭ پرە­زيدەنتكە ءتان ەكەنىن تاعى ءبىر قاي­تالاپ ايتۋ­دىڭ ارتىقشىلىعى جوق. قالاي دەسەك تە, سىرتقى ساياسات جۇرگىزۋ ماسەلەلەرىندە قازاقستاندى الىپ يمپەريالىق دەرجاۆالار – رەسەيمەن, اقش-پەن نەمەسە قى­تاي­مەن ءبىر قاتارعا قويا المايمىز. بۇلاردىڭ قاي-قايسىسى دا كۇشتى, مىقتى ەلدەر. مۇنداي ەلدەردە ساياسات جۇرگىزۋ ماسەلەسى دە اسا ءبىر قيىنعا تۇسە قويمايدى. ال ەلبا­سىمىز ۇسىنىپ وتىرعان بۇگىنگى قازاقستاندىق ساياساتتىڭ باستى ءمانى مەن ارتىقشىلىعى ستراتەگيالىق ءىس-جوسپارلارعا باسىمدىق بەرىلۋىندە. بۇگىنگى قازاقستان تاريحىندا جاڭا ساياسي جاڭارۋ كەزەڭى باستالدى. بۇل حالىقتىڭ كوڭىلىنە سەنىم, كوكىرەگىنە قۋانىش ۇيالاتىپ وتىر. حالىقتىڭ ءوزى سايلاعان پارتيا وكىلدەرى ارقىلى ەل بيلىگىنە ارالا­سۋىنىڭ قازاقستاندىق تاجىريبەسى ورنىقتى. بۇعان جاڭا ۇلگى­دەگى پارلامەنت ءماجىلىسى مەن ءماسليحات دەپۋتاتتارىنىڭ سايلاۋلارى دالەل. بۇل سايلاۋشىنىڭ ءوز ەركىن ءبىلدىرۋ­دەگى ساياسي بەلسەندىلىگىنىڭ كورىنىسى. دەمەك, حالىق ءوزىنىڭ ەرتەڭىنە سە­نىمدى دەگەن ءسوز. وسىنداي دەمو­كراتيالىق ءۇردىس­تەردى ورنىقتىرا بىلگەن ەلدىڭ تۇڭعىش پرەزيدەنتىنىڭ قادامدارى قانداي قۇرمەتكە دە لايىقتى. حالقىمىزدا ەجەلدەن كەلە جاتقان “ەسىم حاننىڭ ەسكى جولى, قاسىم حاننىڭ قاسقا جولى” دەگەن قاستەرلى ۇعىمدار بار. بۇل حالقى­نىڭ بوستاندىعى مەن تاۋەلسىزدىگى جولىندا جان الىپ, جان بەرىسكەن بابالاردىڭ كۇرەس جولى. ەشقاشان ەسكىرمەيتىن وسى ۇعىمعا بۇگىندە “نۇرسۇلتاننىڭ نۇرلى جولى” كەلىپ قوسىلدى. بۇل ەلىنىڭ ەگەمەندىگىن ساقتاعان, حالقىن باقىتتى بولا­شاق­قا باستاعان ەلباسىنىڭ جاسام­پاز دا جارقىن جولى. وسى جولدىڭ ۇزاق تا باياندى بولعانىن قالايمىز. باقىتبەك ەرعاليەۆ, باتىس قازاقستان وبلىستىق ادىلەت دەپارتامەنتىنىڭ ديرەكتورى.