كەزدەسۋدە كارانتيننىڭ جەڭىلدەۋى جاعدايىندا ءدىني عيماراتتاردىڭ جۇمىس ىستەۋ ماسەلەلەرى تالقىلاندى. باس ءمۇفتي مەشىتتەر اشىلعان جاعدايدا ءدىني عيماراتتاعى قىزمەت سانيتارلىق نورمالاردى ساقتاي وتىرىپ جۇرگىزىلەتىنىن مالىمدەدى. ءوز كەزەگىندە ۆيتسە-مينيستر قمدب-نىڭ مەشىتتەردە كوروناۆيرۋستىق ىندەت تارالۋىنىڭ الدىن الۋ بويىنشا بىرىڭعاي ءىس-قيمىل ءتارتىبىن ازىرلەۋدىڭ ورىندىلىعىن جەتكىزدى.
مارات ءازىلحانوۆ مەملەكەت پەن ءدىني بىرلەستىكتەردىڭ, اسىرەسە پاندەميا سياقتى جاھاندىق سىن-قاتەرلەر جاعدايىندا ودان ءارى ىنتىماقتاستىعى قاجەتتىگىن اتاپ ءوتتى. ۆيتسە-مينيستر قمدب توراعاسىنا ءدىندار ازاماتتاردىڭ ءماجبۇرلى كارانتيندىك شارالارعا تۇسىنىستىكپەن قاراعانى جانە ولاردىڭ اراسىندا سانيتارلىق-ەپيدەميولوگيالىق نورمالاردى ساقتاۋدىڭ ماڭىزدىلىعىن تۇسىندىرۋدە مەملەكەتكە كومەكتەسكەنى ءۇشىن العىس ايتتى.
ءوز تاراپىنان باس ءمۇفتي ۆيتسە-مينيسترگە بيىلعى 31 شىلدە مەن 2 تامىز ارالىعىندا وتكەن قۇربان ايت مەرەكەسى كەزىندە مينيسترلىكپەن كورسەتىلگەن قولداۋعا ءوزىنىڭ العىسىن ءبىلدىردى.
مينيسترلىكتىڭ كومەگىمەن ءدىني باسقارمانىڭ "Qurban2020.muftyat.kz" ارنايى سايتى ىسكە قوسىلدى. سونىڭ ارقاسىندا ازاماتتار قاشىقتىقتان قايىرىمدىلىق جاساي العانىن نازارعا سالامىز. جالپى, قازاقستان بويىنشا مەرەكە كەزىندە 80 مىڭنان استام مۇقتاج ادام قۇرباندىق ەتىن الدى.
سونداي-اق, تاراپتار دەسترۋكتيۆتى ءدىني اعىمداردىڭ ىقپالىنا تۇسكەن ازاماتتار اراسىندا ءتۇسىندىرۋ جۇمىستارىن جۇرگىزۋ ماسەلەلەرىن تالقىلادى.
