ەكولوگيا • 12 تامىز، 2020

شىعىس قازاقستاندا حانبالىقتى شارباقتا ءوسىرۋ ءادىسى قارقىن الىپ كەلەدى

305 رەت كورسەتىلدى

قر ەكولوگيا، گەولوگيا جانە تابيعي رەسۋرستار مينيسترلىگىنىڭ شقو بويىنشا ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى حانبالىق وسىرەتىن شارۋاشىلىقتارىنىڭ جۇمىسىن قاتاڭ باقىلاۋدا، - دەپ حابارلايدى Egemen.kz.

2006 جىلدان باستاپ بالىق رەسۋرستارىن پايدالانۋدى رەتتەۋ ۇزاق مەرزىمدى (5 جىلدان 49 جىلعا دەيىن) كەلىسىمشارتى بويىنشا پايدالانۋشىلارعا بالىق شارۋاشىلىعى سۋ ايدىندارىن (ۋچاسكەلەرىن) ۇزاق مەرزىمگە بەكىتىپ بەرۋ ارقىلى وڭىردەگى بالىق ءوسىرۋشى شارۋا قوجالىقتارى ءوز كاسىبىن دوڭگەلەتىپ، مينيسترلىك الدىنداعى مىندەتتەمەلەرىن تولىق ورىنداپ وتىر. ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ماماندارى سۋ ايدىندارىن پايدالانۋعا العان شارۋالاردىڭ ميللەرياتسيالىق جۇمىستاردى جۇرگىزۋىن، جاعاجايلاردى تازا ۇستاۋىن، بيزنەس سۋبەكتىلەرىنە بەرىلگەن اۋماق قورىقشىلارىمەن قورعالۋىن، قىسقى ۋاقىتتاردا مۇز استىنداعى بالىقتارعا اۋا وتكىزۋ تۇتىكشەلەرىن ورناتۋىن، رۇقسات ەتىلگەن مولشەردەن ارتىق بالىق اۋلاماۋىن جانە ەڭ باستىسى اۋلانعان بالىق كولەمىنە بايلانىستى جىل سايىن جاڭا شاباقتاردى سۋعا جىبەرۋلەرىن قاداعالاپ وتىرادى.  

2020 جىلعى 25 شىلدەدەگى جاعداي بويىنشا شىعىس قازاقستان وبلىسىنىڭ بالىق شارۋاشىلىعى سۋ ايدىندارىندا حالىقارالىق جانە رەسپۋبليكالىق ماڭىزى بار 60 ۋچاسكە بار. ونىڭ 24-ءى بەكىتىلىپ بەرىلگەن جانە سونىمەن قاتار جەرگىلىكتى ماڭىزى بار 96 سۋ ايدىنى بار، ونىڭ 27-ءسى 22 پايدالانۋشىعا بەكىتىلىپ بەرىلگەن.

قازىر وسكەمەن قالاسىنىڭ ىرگەسىندە حانبالىقتى (فورەل) شارباقتا وسىرەتىن قوجالىقتاردىڭ دا جۇمىسىن قارقىن الىپ كەلەدى. وڭىردەگى ەكى كاسىپورىن قازاقستان حالقىن حانبالىقبەن قامتاماسىز ەتىپ وتىر. سونداي-اق شارۋا قوجالىقتارى ادامداردىڭ ەكومادەنيەتىن قالىپتاستىرۋ ءۇشىن سپورتتىق بالىق اۋلاۋ ورىندارىن اشقان. بۇل ءبىرىنشى كەزەكتە ادامدار جاپپاي تىيىم سالىنعان اۋلارمەن بالىق اۋلاۋلارىن توقتاتۋ ءۇشىن جاسالسا، ەكىنشى جاعىنان دەمالىستى ءتيىمدى ءارى قىزىقتى وتكىزۋ ءۇشىن ىستەلىپ وتىر.  

حانبالىقتى شارباقتا وسىرۋمەن اينالىساتىن ءبىرىنشى قوجالىق 2020 جىلدىڭ ءساۋىر ايىندا 300،0 مىڭ دانا - كوكشۇباردىڭ (ريپۋس) شاباقتارى، سالماعى 0،003 گرامم 300،0 مىڭ دانا - پايدابالىقتىڭ (پەلياد) شاباقتارىن بالىقتاندىرۋ جۇمىستارىن جۇرگىزدى. 2030 جىلعا دەيىن بالىق ونىمدەرى كولەمىن جىلىنا 1200 تونناعا جەتكىزۋ جوسپارلانىپ وتىر. بۇل 2،16 ملرد. تەڭگە. 2019 جىلى البىرت بالىق تۇرلەرى ءوندىرىسىنىڭ كولەمى – 54،2 توننانى قۇراعان. 2020 جىلعى 15 اقپاننان باستاپ 2020 جىلعى 1 شىلدە ارالىعىندا كاسىپشىلىك بالىق اۋلاۋ ءليميتى 1، 833 توننانى قۇرايدى، ونىڭ ىشىندە "گراندفيش" جشس-پەن ءبىرىنشى جارتى جىلدىقتا يگەرىلۋ 1، 833 توننانى قۇرايدى.


ال حانبالىقتى شارباقتا وسىرۋمەن اينالىساتىن ەكىنشى قوجالىقتا 2020 جىلدىڭ 1 جارتىجىلدىعىندا دامۋ جوسپارى بويىنشا ورىندالۋ 76994،2 مىڭ تەڭگەنى قۇرادى. II توقساندا شارباقتار ساتىپ الۋ جوسپارلانعان. جاعالاۋ ينفراقۇرىلىمىن قۇرۋ ءۇشىن، سپورتتىق بالىق اۋلاۋدى ۇيىمداستىرۋ ءۇشىن 1500،0 مىڭ تەڭگە سوماعا كۇركە قۇراستىرىلدى جانە پايدالانۋعا بەرىلدى. ءوزىنىڭ جەكە ينكۋباتسيالىق تسەحى بار. وندا وتىرعىزۋ ماتەريالدارىن ءوز كۇشتەرىمەن ينكۋباتسيالىق كەزەڭنەن وتكىزەدى جانە وسىرەدى. اعىمداعى جىلدىڭ 1-توقسانىندا حانبالىقتىڭ 300 مىڭ دانا ۋىلدىرىعى ساتىپ الىندى جانە ينكۋباتسيالىق كەزەڭنەن ويداعىداي وتكىزىلدى. ۋىلدىرىق ساتىپ الۋعا جۇمسالعان سوما 2 310،0 مىڭ تەڭگە. بالىققا ارنالعان ازىق ساتىپ الۋعا جۇمسالعان سوما 11، 795، 3 مىڭ تەڭگە.

ەرتىس سۋ باسسەينى قازاقستان رەسپۋبليكاسىنىڭ بالىق شارۋاشىلىعى باسسەيندەرىنىڭ ىشىندە كولەمى بويىنشا ءۇشىنشى ورىنعا يە. بالىق شارۋاشىلىعىن دامىتۋعا بالىق شارۋاشىلىعى سۋ ايدىندارىنىڭ قوماقتى قورى جانە ونداعى بالىق قورى نەگىز بولادى. ول بالىق شارۋاشىلىعى سۋ ايدىندارىنىڭ قاتارىنا تومەندەگى باستى سۋ ايدىندارى كىرەدى:
- جايسان (زايسان) كولى،
- بۇقتىرما سۋ قويماسى،
- ءشۇلبى سۋ قويماسى،
- وسكەمەن سۋ قويماسى،
- شقو وبلىسى شەگىندە ەرتىس وزەنى،
- شقو بويىنشا جەرگىلىكتى ماڭىزى بار سۋ ايدىندارى،
- شقو شەگىندەگى الاكول كولدەرى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار