"جاسىل ەل" جوباسى اياسىندا جاستار 3 سانات بويىنشا جۇمىس ىستەيدى. اتاپ ايتقاندا, 14-17 جاس ارالىعىنداعى كوپبالالى جانە از قامتىلعان وتباسىعا جاتاتىن بالالار, 17-22 جاس ارالىعىنداعى كوللەدج, جوو ستۋدەنتتەر جانە ءۇشىنشى ەرەسەك توپ – جۇمىسسىز جاستار ساناتىنداعى 18-29 جاستاعى ازاماتتار.
ەلوردانىڭ جاسىل بەلدەۋىندە 120-دان استام جاس جۇمىس ىستەيدى. ولار قالا ماڭىنداعى تال مەن كوشەتتەردى – سۇيەلدى قايىڭ, ۇساق جاپىراقتى شەگىرشىن, قاراعاي, كودە, بوز جيدە, تەرەكتەردى قوپسىتۋمەن جانە سۋارۋمەن اينالىسادى.
"استانا ورمانى" جشس مەكەمەسىندە جاستار 90 مىڭ تەنگە جالاقىعا قوسا "جاسىل ەل" جوباسىنان ارنايى بولىنگەن 35 394 تەنگە سىياقىعا يە بولىپ, ءوز جۇمىسىن جالعاستىرۋدا.
سانيتارلىق قاۋىپسىزدىك تالاپتارىن ساقتاۋ ماقساتىندا جاستاردىڭ ءبىر جەرگە شوعىرلانىپ جۇمىس ىستەۋىنە جول بەرىلمەيدى. تازا اۋادا, اشىق كەڭىستىكتە 2 مەتردەن كەم ەمەس قاشىقتىق ساقتاۋ قاجەت. وسى جوباعا قاتىسۋشى جاستار مىندەتتى تۇردە ماسكامەن, قولدارىنا قولعاپ كيىپ جۇمىس ىستەيدى.
ايتا كەتسەك, بيىل ەلوردادا ستۋدەنتتىك قۇرىلىس جانە "جاسىل ەل" ەڭبەك جاساعىنا 1200 جاس قابىلداندى. وتكەن جىلى كۆوتا بويىنشا 975 ادام جۇمىسپەن قامتىلعان بولاتىن.
