ادىستەمەلىك ۇسىنىمدار قوعام تاراپىنان الەۋمەتتىك قىزمەتكەرلەرگە دەگەن سەنىمدى نىعايتۋعا جانە ولاردىڭ مارتەبەسىن ارتتىرۋعا, الەۋمەتتىك قىزمەتكەرلەر مەن ارنايى الەۋمەتتىك قىزمەتتەردى الۋشىلار اراسىنداعى قارىم-قاتىناستىڭ جوعارى مادەنيەتىن قالىپتاستىرۋعا, سونداي-اق ادەپسىز مىنەز-ق ۇلىق جاعدايلارىنىڭ الدىن الۋعا باعىتتالعان.
قۇجاتقا سايكەس, الەۋمەتتىك ادىلەتتىلىك, ادالدىق, گۋمانيزم, قۇزىرەتتىلىك, ۇزدىكسىز كاسىبي دامۋ جانە ت.ب. الەۋمەتتىك قىزمەتكەردىڭ نەگىزگى ەتيكالىق قاعيدالارى بولىپ تابىلادى. سونداي-اق الەۋمەتتىك قىزمەتكەرلەرگە قىزمەت الۋشىلارمەن, ارىپتەستەرمەن جانە قوعامدا ءوزىن قالاي ۇستاۋ كەرەكتىگى تۋرالى ۇسىنىستار بەرىلەدى.
"الەۋمەتتىك قىزمەت كورسەتۋ, حالىقپەن تىكەلەي جۇمىس ىستەۋ – بۇل ادىستەمەلىك ءبىلىم مەن داعدىلاردى تالاپ ەتەتىن ەڭبەك. ادامدار قيىن ومىرلىك جاعدايدا ولارعا جۇگىنەدى, بۇل مورالدىق تۇراقتىلىق پەن ارنايى كاسىبي ەتيكانى قاجەت ەتەدى. الەۋمەتتىك قىزمەتكەرلەردىڭ مىنەز-قۇلقى قوعامنىڭ سەنىمىن نىعايتۋى كەرەك. ساپاسىز قىزمەت كورسەتۋ مەن جانجالدى جاعدايلاردىڭ الدىن الۋ ءۇشىن كاسىبي ەتيكا مامان دايارلاۋدىڭ اجىراماس بولىگى بولۋى كەرەك. سوندىقتان ەڭبەك مينيسترلىگى UNICEF-پەن بىرلەسىپ الەۋمەتتىك قىزمەتكەرلەردىڭ ەتيكالىق مىنەز-قۇلقىنىڭ ادىستەمەلىك ۇسىنىمدارىن ازىرلەدى جانە قابىلدادى", دەپ اتاپ ءوتتى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ.
بۇگىنگى كۇنى قازاقستاننىڭ الەۋمەتتىك قىزمەت كورسەتۋ جۇيەسىندە 30 مىڭنان استام ادام ەڭبەك ەتەدى, ولاردىڭ 11 مىڭى – الەۋمەتتىك قىزمەتكەرلەر.
