ايماقتار • 11 تامىز، 2020

تۇركىستان – جىگەرلى جەڭىمپازدار مەكەنى

62 رەت كورسەتىلدى

زىمىراپ ءوتىپ جاتقان شىركىن ۋاقىت.  كەشە عانا، ياعني 2018 جىلعى 19 ماۋسىمداعى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ №702 تاريحي جارلىعىمەن تۇركىستان وبلىسىنىڭ قۇرىلعانىنا جانە قاسيەتتى قالا تۇركىستاننىڭ ءوڭىر ورتالىعىنا اينالعانىنا دا ەكى جىلدان اسىپتى.

تۇركىستان – بۇكىل تۇرىكلەردىڭ تەكتى ءتورى، كيەلى بەسىگى. ەلباسىمىز ايتقانداي «تۇركىستان – قازاقستاننىڭ رۋحاني ورتالىعى». ەلىمىزدىڭ رۋحاني ورتالىعىن قۇرۋ باعىتىندا ەلباسىمىزدىڭ تاپسىرماسىمەن ۇكىمەت تاراپىنان ءوڭىرىمىز ءۇشىن وتە ماڭىزدى بىرقاتار قاۋلى قابىلداندى. سونىڭ ىشىندە، وبلىس اكىمى ومىرزاق ەستاي ۇلى شوكەەۆتىڭ تىكەلەي جەتەكشىلىگىمەن دايىندالىپ، ۇكىمەت تاراپىنان قولداۋ تاپقان «تۇركىستان وبلىسىن الەۋمەتتىك-ەكونوميكالىق دامىتۋدىڭ 2024 جىلعا دەيىنگى كەشەندى جوسپارى تۋرالى» قاۋلىسى بۇگىندە كەزەڭ-كەزەڭىمەن ىسكە اسىرىلۋدا. ۇكىمەت قاۋلىسىمەن بەكىتىلگەن وسى كەشەندى جوسپاردا دەنە شىنىقتىرۋ جانە سپورت سالاسى دا ۇلكەن ورىن الىپ وتىر. بۇل ورايدا، 2020-2024 جىلدار ارالىعىندا وبلىس ورتالىعى تۇركىستان قالاسىندا ب.ساتتارحانوۆ اتىنداعى وبلىستىق دارىندى بالالارعا ارنالعان سپورت مەكتەپ-ينتەرنات-كوللەدجىنىڭ عيماراتى قۇرىلىسى، جوعارى كەشەندى سپورت شەبەرلىگى مەكتەبىنىڭ قۇرىلىسى، وبلىستىق دارىگەرلىك دەنە شىنىقتىرۋ ديسپانسەرى عيماراتىنىڭ قۇرىلىسى، ءا.نۇرماحانوۆ اتىنداعى وبلىستىق وليمپيادا رەزەرۆىن دايىندايتىن مامانداندىرىلعان بالالار مەن جاسوسپىرىمدەر سپورت مەكتەبىنىڭ سپورت كەشەنىن قايتا قۇرۋمەن قاتار 320 ورىندىق كورەرمەندەرگە ارنالعان قوسىمشا عيمارات سالۋ، حالىقارالىق تەننيس ورتالىعى قۇرىلىسى، ورتالىق اتشابار قۇرىلىسى، كەنتاۋ قالاسىندا قىسقى سپورت تۇرلەرىنە ارنالعان سپورت كەشەنى، شاردارا سۋ قويماسى اۋماعىندا جەلكەندى سپورت، بايداركا جانە كانوەدە ەسۋگە باعىتتالعان سپورتتىق بازا قۇرىلىسى جۇرگىزىلەتىن بولادى.

ءوڭىر باسشىسى ومىرزاق ەستاي ۇلىنىڭ ارقاشان دا سپورت سالاسى ماماندارىنا، اسىرەسە سپورتشىلارعا دەگەن قامقورلىعى جوعارى. وبلىس اكىمىنىڭ ايماقتاعى ەلدىمەكەندەردى ارالاۋ بارىسىندا، اسىرەسە شالعاي اۋىلداردا جاسالىنىپ جاتقان تىرشىلىكتەرىمەن تانىسۋ بارىسىندا جەرگىلىكتى جەردەگى ءبىلىم، مادەنيەت، دەنساۋلىق ساقتاۋ وشاقتارىمەن قاتار اۋىل تۇرعىندارىنىڭ دەنە شىنىقتىرۋ مەن سپورتقا بەت بۇرۋىن ارقاشاندا باستى نازاردا ۇستاپ كەلەدى.

كۇننەن كۇنگە اجارلانىپ كەلە جاتقان وبلىس ورتالىعىندا  سپورت تۇرلەرىنەن رەسپۋبليكالىق جانە حالىقارالىق جارىستاردى سونداي-اق، بۇقارالىق سپورتتىق ءىس-شارالاردى جوعارى دەڭگەيدە وتكىزۋگە مۇمكىندىك بەرەتىن بىرقاتار سپورت نىساندارى سالىنۋدا. 2019 جىلدىڭ جەلتوقسان ايىندا سولتۇستىك قازاقستان وبلىسى اتىنان وليمپيادا رەزەرۆىن دايىنداۋ ورتالىعىنا ارنالعان قۇنى 1 ملرد. تەڭگەدەن استام قارجى جۇمساپ، زامان تالابىنا ساي امبەباپ سپورت كەشەنىن تارتۋ ەتسە، بۇگىنگى كۇندە «سامۇرىق-قازىنا» ۇلتتىق ءال-اۋقات قورى تاراپىنان 7 مىڭ ورىندىق «ورتالىق ستاديون»، نۇر-سۇلتان قالاسىندا ورنالاسقان «رetroleum Operafinq» جاۋاپكەرشىلىگى شەكتەۋلى سەرىكتەستىگى «باسسەينى بار سپورت سارايى» قۇرىلىستارىن جۇرگىزۋدە. بۇل ەكى سپورت نىسانىن اعىمداعى جىلدىڭ قىركۇيەك ايىندا پايدالانۋعا بەرۋ جوسپارلانىپ وتىر.

تۇركىستان قالاسى اكىمدىگى تاراپىنان بيىل قالا اۋماعىندا جالپى قۇنى 515 ملن. 121 مىڭ تەڭگە قۇرايتىن 13 سپورت نىسانىن (كىشى فۋتبول الاڭدارى  مەن  تەننيس كورتتارىن سالۋ جانە اباتتاندىرۋ جۇمىستارىن جۇرگىزۋ) سالۋ بويىنشا جۇمىستارى جۇزەگە اسىرىلۋدا. بۇل جۇمىستاردى جىل سوڭىنا دەيىن اياقتاۋ جوسپارلانعان. وسى ۋاقىت ارالىعىندا وبلىس ورتالىعىندا جاڭادان بوي كوتەرگەن «وتىرار» مولتەكاۋدانىنداعى كوپقاباتتى ۇيلەر اراسىندا 9 اشىق ويىن الاڭدارى سالىنىپ، پايدالانۋعا بەرىلدى.

«جۇمىسپەن قامتۋدىڭ 2020-2021 جىلدارعا ارنالعان جول كارتاسى» باعدارلاماسى اياسىندا سپورتتىق ينفراقۇرىلىمدى دامىتۋ ماقساتىندا قازىرگى ۋاقىتتا وبلىستىڭ سوزاق، سايرام، تولەبي، قازىعۇرت، كەلەس جانە جەتىساي اۋداندارىندا جالپى قۇنى 410 ملن. تەڭگە قۇرايتىن 10 قۇرىلىس جوباسى ىسكە اسىرىلۋدا. تولەبي اۋدانى، ەكپىندى اۋىلى الاتاۋ تاۋى قاپتالى 1200 مەتر بيىكتىكتە ورنالاسقان وبلىستىق دەنە شىنىقتىرۋ جانە سپورت باسقارماسىنا قاراستى «بايشەشەك» سپورتتىق-ساۋىقتىرۋ كەشەنىن اعىمداعى جوندەۋ جۇمىستارىن جۇرگىزۋ ءۇشىن 2019-2020 جىلدارعا اۋىسپالى كەزەڭمەن وبلىستىق بيۋدجەتتەن   300 ملن تەڭگە قارجى قارالىپ، بۇگىندە جۇمىستار جۇرگىزىلۋدە.

حالىقتى دەنە شىنىقتىرۋمەن شۇعىلدانۋعا تارتۋ جانە سپورتتىق ينفراقۇرىلىمدى كەڭەيتۋ، بۇقارالىق سپورتتى دامىتۋ ماقساتىندا وبلىستا مەملەكەتتىك - جەكەشىلىك ارىپتەستىك تەتىگى ارقىلى جالپى سوماسى 9 ملرد 600 ملن تەڭگە قۇرايتىن بارلىعى 26 جوبا (3 جوبا مەملەكەتتىڭ، 23 جوبا جەكە كاسىپكەردىڭ باستاماسىمەن) ىسكە اسىرىلۋدا. بۇل جوبالاردا 161 جاتتىقتىرۋشى-وقىتۋشى سپورت تۇرلەرى بويىنشا 7695 بالامەن كۇندەلىكتى جۇمىس جاساۋدا. جوبا قاتىسۋشىلارى سپورت تۇرلەرى بويىنشا وتكىزىلگەن وبلىستىق جانە رەسپۋبليكالىق دەڭگەيدەگى سپورتتىق ءىس-شارالارعا قاتىسىپ، ناتيجەسىندە 101 التىن، 113 كۇمىس جانە 128 قولا مەدالگە قول جەتكىزىپ وتىر.

قازاقستان رەسپۋبليكاسىنىڭ پرەزيدەنتى ق.توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىن ورىنداۋدا «اۋىل – ەل بەسىگى» ارنايى جوبا اياسىندا اعىمداعى جىلى 3 سپورت نىسانىنا جوندەۋ جۇمىستارى جۇرگىزىلۋدە.

«دەنە شىنىقتىرۋ مەن بۇقارالىق سپورتتى دامىتۋ جونىندەگى 2020 – 2025 جىلدارعا ارنالعان كەشەندى جوسپاردى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2020 جىلعى 23 ساۋىردەگى №242 قاۋلىسىن ورىنداۋدا وبلىستا بىرقاتار جۇمىستار اتقارىلۋدا. بۇقارالىق سپورتتى دامىتۋ ماقساتىندا 2020 جىلدىڭ 6 ايىندا وبلىس اۋماعىندا 1062 بۇقارالىق سپورتتىق ءىس-شارالار وتكىزىلىپ، وعان 139121 ادام قاتىستى. ونىڭ ىشىندە اۋىلدى جەرلەردە 714 سپورتتىق ءىس-شارالار وتكىزىلىپ، وعان 97987 ادام قامتىلعان.

وبلىستا مۇمكىندىگى شەكتەۋلى ازاماتتارعا دا دەنە شىنىقتىرۋ مەن سپورتپەن اينالىسۋ مۇمكىندىك جۇمىستارى جۇرگىزىلىپ كەلەدى. اعىمداعى مەرزىمدە وبلىستا 72419 ازاماتتار تىركەلىپ، ونىڭ ىشىندە تۇراقتى تۇردە شۇعىلدانۋشىلار سانى 3564 ادامدى (تىرەك-قيمىل زاقىمدانعان – 1253، ەستۋ قابىلەتى زاقىمدانعان – 856، كورۋ قابىلەتى زاقىمدانعان – 1455) قۇراپ وتىر.

بۇگىنگى تاڭدا، ۇلتتىق سپورت تۇرلەرىن دامىتۋعا كوپ كوڭىل ءبولىنىپ وتىر. ستاتيستيكالىق ەسەپ قورىتىندىسى بويىنشا 10 ۇلتتىق سپورت تۇرلەرى (قازاق كۇرەسى، توعىزقۇمالاق، اسىق اتۋ، كوكپار، اۋدارىسپاق، باگە، تەڭگە ءىلۋ، سايات، جەكپە-جەك جانە جامبى اتۋ)  دامىتىلىپ، وندا 72776 ادام تۇراقتى شۇعىلدانۋدا.

وبلىستا 2 مامانداندىرىلعان بالالار مەن جاسوسپىرىمدەر سپورت مەكتەبىندە 58 جاتتىقتىرۋشى-وقىتۋشى 929 سپورتشىلارمەن تۇراقتى جۇمىس جاساۋدا. تۇركىستان وبلىسىنىڭ قۇراماسى 2019 جىلى اقتوبە قالاسىندا وتكەن ۇلتتىق سپورت تۇرلەرى رەسپۋبليكالىق فەستيۆالىنىڭ كوماندالىق جەڭىمپازى بولسا، 2020 جىلى 16-22 اقپان كۇندەرى تاراز قالاسىندا توعىزقۇمالاقتان ايەلدەر اراسىندا وتكەن قازاقستان رەسپۋبليكاسى چەمپيوناتىندا كوماندالىق 1 ورىن يەگەرى.

2020 جىلدىڭ 6 ايى بويىنشا وبلىستا دەنە شىنىقتىرۋ جانە سپورتپەن تۇراقتى  تۇردە شۇعىلدانۋشىلار سانى 629130 ادامدى قۇراپ، وبلىستاعى بارلىق جاستاعى حالىقتىڭ سپورتپەن قامتىلۋى 31،1 پايىزدى قۇراپ وتىر. وبلىستا 68 مەملەكەتتىك مەنشىكتەگى (18  وبلىستىق، 50  قالالىق جانە اۋداندىق) سپورت مەكەمەلەرى مەن كاسىپورىندارى تىركەلىپ، وندا سپورتتىڭ  56 (28 وليمپيادالىق، 28 وليمپيادالىق ەمەس) ءتۇرى دامىتىلۋدا. وبلىستىق سپورت مەكەمەلەرىندە 576 جاتتىقتىرۋشى-وقىتۋشى كۇندەلىكتى 9092 سپورتشىمەن جۇمىس جاساسا، اۋداندىق جانە قالالىق سپورت مەكەمەلەرىندە 1426 جاتتىقتىرۋشى-وقىتۋشى كۇندەلىكتى 40376 سپورتشىمەن جۇمىس جۇرگىزۋدە.

2020 جىلدىڭ 6 ايىندا وبلىس سپورتشىلارى سپورتتىڭ 56 ءتۇرى بويىنشا قازاقستان رەسپۋبليكاسىنىڭ چەمپيوناتتارىنا قاتىسىپ، 63 التىن، 57 كۇمىس،  66 قولا مەدال جەڭىپ الدى.

وبلىستا 5 كاسىبي سپورت كلۋبتا 33 جوعارى ساناتتى جاتتىقتىرۋشىلار 370 كاسىبي سپورتشىلارمەن جۇمىس جاساۋدا. ونىڭ ىشىندە «قىران»، «ماقتارال» جانە «ارىس» فۋتبول كلۋبتارى فۋتبولدان قازاقستان رەسپۋبليكاسى چەمپيوناتىنىڭ  ءبىرىنشى ليگا ساپىندا ونەر كورسەتسە، «تەمىرلان» فۋتبول كلۋبى ەكىنشى ليگادا ونەر كورسەتەدى.

«تۇران» سپورت ويىن تۇرلەرى كلۋبىنىڭ ۆولەيبولدان ەرلەر كومانداسى قازاقستان رەسپۋبليكاسى جوعارى ليگا كوماندالارى اراسىندا، باسكەتبولدان ايەلدەر كومانداسى، قول دوبىنان ايەلدەر جانە ەرلەر كوماندالارى قازاقستان رەسپۋبليكاسى ۇلتتىق ليگا كوماندالارى اراسىندا ونەر كورسەتۋدە.

2020 جىلدىڭ 6 ايىندا 1 حالىقارالىق دارەجەدەگى سپورت شەبەرى، 21 قازاقستان رەسپۋبليكاسىنىڭ سپورت شەبەرى، 47 سپورت شەبەرىنە ۇمىتكەر سپورتشىلار دايىندالدى.

2019 جىلدىڭ قورىتىندىسىمەن 2020 جىلى سپورت تۇرلەرى بويىنشا قازاقستان رەسپۋبليكاسى ۇلتتىق قۇراما كومانداسىنىڭ ساپىنا جالپى بارلىعى 548 سپورتشى ەنىپ وتىر. ونىڭ ىشىندە، جاسوسپىرىمدەر – 282، جاستار – 145 جانە ەرەسەكتەر – 121 سپورتشى.

2021 جىلى جاپونيا ەلىنىڭ استاناسى توكيو قالاسىندا وتەتىن جازعى
وليمپيادا ويىندارىنا قاتىسۋعا وبلىستان 21 ۇمىتكەر سپورتشى انىقتالىپ، قازىرگى ۋاقىتتا ولارمەن ءتيىستى دايىندىق جۇمىستارى جۇرگىزىلۋدە. اعىمداعى جىلدىڭ 3-11 ناۋرىز كۇندەرى يوردانيا ەلىنىڭ استاناسى اممان قالاسىندا بىلعارى قولعاپ شەبەرلەرى اراسىندا وتكەن ازيا كونتينەتىنىڭ ليتسەنزيالىق تۋرنيرىندە 52 كگ. دەيىنگى سالماقتا سايرام اۋدانىنىڭ تۋماسى ساكەن بيبوسىنوۆ 2021 جىلى توكيو قالاسىندا وتەتىن جازعى وليمپيادا ويىندارىنا قاتىسۋعا جولداما جەڭىپ الدى.

2020 جىلعا بەكىتىلگەن باسقارمانىڭ جوسپارىنا سايكەس، قازىرگى ەلدەگى كارانتيندىك جاعدايدى ەسكەرە وتىرىپ، بىرقاتار بۇقارالىق سپورتتىق ءىس-شارالاردى ۇيىمداستىرۋ مەن وتكىزۋ جوسپارلانىپ وتىر. ونىڭ ىشىندە، قازاق كۇرەسىنەن ەرەسەكتەر اراسىندا قازاق دالاسىنىڭ باتىرى، كۇش اتاسى قاجىمۇقان مۇڭايتپاس ۇلىنىڭ جۇلدەسىنە ارنالعان حالىقارالىق ءتۋرنيردى ورداباسى اۋدانى اكىمدىگىمەن بىرلەسە اۋدان ورتالىعى تەمىرلان اۋىلىندا، كەلەس اۋدانى اكىمدىگىمەن بىرلەسە وبلىستىق «وڭتۇستىك قازاقستان» گازەتىنىڭ جۇلدەسىنە ارنالعان جارىستى اباي اۋىلىندا، قازىعۇرت اۋدانى اكىمدىگىمەن بىرلەسە ەركىن كۇرەستەن سوۆەت وداعىنىڭ باتىرى، گەنەرال-مايور سابىر راحىموۆتىڭ جۇلدەسىنە ارنالعان حالىقارالىق  جارىس قازىعۇرت اۋىلىندا، بوكستان جاسوسپىرىمدەر اراسىندا 2000 جىلى سيدنەيدە وتكەن جازعى وليمپيادا ويىندارىنىڭ جەڭىمپازى بەكزات ساتتارحانوۆتىڭ جۇلدەسىنە ارنالعان حالىقارالىق جارىس، وبلىستىق «يۋجنىي كازاحستان» گازەتىنىڭ جۇلدەسىنە ارنالعان بۇقارالىق جۇگىرۋ تۇركىستان قالاسىندا وتكىزىلەدى.

كيەلى تۇركىستان ءوڭىرى – قاسيەتتى ايماق. مۇندا سانسىز باپتار مەكەنى سايرام اۋدانى، ويشىلدار ەلى وتىرار اۋدانى، قانشاما ونەر جانە دارىن يەلەرى شىققان سوزاق، بايدىبەك اۋداندارى، تۇعىرى بيىك تولەبي اۋدانى، جەر ءجانناتى تۇلكىباس اۋدانى، قاسيەتتى قاراتاۋ ءتاجىسى كەنتاۋ قالاسى، كيەلى قازىعۇرت اۋدانى، سايالى سارىاعاش پەن سىرلى كەلەس اۋداندارى، اق التىننىڭ وتانى ماقتارال ءوڭىرى، شاعالالى شاردارا اۋدانى، توعىز جولدىڭ تورابى ارىس قالاسى، كۇش اتاسى، قازاق دالاسىنىڭ باتىرى قاجىمۇقان مۇڭايتپاسوۆتىڭ ماڭىلىككە ورىن العان جەرى قاسيەتتى ورداباسى اۋدانى بار. ال، وبلىس ورتالىعى تۇركىستان قالاسى تۋرالى جان-جاقتى اقپاراتتى رەسپۋبليكالىق «ەگەمەن قازاقستان» گازەتىندە 2020 جىلدىڭ 19 ماۋسىمىندا وبلىس اكىمى ومىرزاق ەستاي ۇلى شوكەەۆ «ەلباسى جانە تۇركىلەر ءتورى تۇركىستان» اتتى كەڭ كولەمدى ماقالاسىندا جاريالاعانىن باسا ايتقىم كەلەدى.

وسى ماقالانىڭ اۆتورى رەتىندە قوسارىمىز، قازسسر-ءى مينيسترلەر كەڭەسى دەنە شىنىقتىرۋ جانە سپورت كوميتەتى توراعاسىنىڭ ورىنباسارى قىزمەتىن اتقارعان، ۆولەيبولدان قازاقتان  شىققان تۇڭعىش  كسرو سپورت شەبەرى اتاعىنا يە بولعان، كسرو-عا ەڭبەگى سىڭگەن جاتتىقتىرۋشى، داڭقتى ۆولەيبولشى وكتيابر جارىلعاپوۆ، بوكستان كسرو سپورت شەبەرى، قازاقستان رەسپۋبليكاسىنا ەڭبەگى سىڭگەن جاتتىقتىرۋشى، التى جىلداي بوكستان قازاقستان ۇلتتىق قۇراماسىنىڭ باس باپكەرى بولعان ءابدىسالان نۇرماحانوۆ، كەڭەس داۋىرىندە ۇزاق جىلدار بويى الماتى قالالىق جوعارى كەشەندى شەبەرلەر مەكتەبىن باسقارعان، قازاقستان رەسپۋبليكاسىنا ەڭبەگى سىڭگەن جاتتىقتىرۋشى، گرەك-ريم كۇرەسىنەن كسرو سپورت شەبەرى حايىس اققاليەۆ جانە بوكستان 2000 جىلى اۆستراليا ەلىنىڭ استاناسى سيدنەي قالاسىندا وتكەن جازعى وليمپيادا ويىندارىنىڭ جەڭىمپازى، №1 «بارىس» وردەنىنىڭ يەگەرى بەكزات ساتتارحانوۆ وسى قاسيەتتى تۇركىستان توپىراعىنان  شىققانىن ايتۋدى ءجون سانادىم. بۇگىندە بۇل مارقۇم بولعان اسىل ازاماتتاردىڭ ءىزىن باسىپ كەلە جاتقان بىرقتار ورتا جانە جاس بۋىن سپورت ساڭلاقتارىن ايتۋىمىز كەرەك سياقتى.

ماقتارالدىق بوكستان قازاقستان رەسپۋبليكاسىنا ەڭبەگى سىڭگەن سپورت شەبەرى، اسا اۋىر سالماقتاعى جازعى وليمپيادا ويىندارى مەن الەم چەمپيوناتىنىڭ كۇمىس جۇلدەگەرى مۇقتارحان دىلدابەكوۆ، سايرامدىق بوكستان حالىقارالىق دارەجەدەگى سپورت شەبەرى، كسرو جانە ەۋروپا چەمپيونى، بوكستان الەمنىڭ 2 دۇركىن  «ۇزدىك باپكەرى» نوميناتسياسىنىڭ يەگەرى مىرزاعالي ايتجانوۆ، بوكستان قازاقستان رەسپۋبليكاسىنا ەڭبەگى سىڭگەن سپورت شەبەرلەرى الەم چەمپيوندارى سوزاقتىق ءبىرجان جاقىپوۆ پەن ورداباسىلىق قايرات ەراليەۆ، تولەبيلىك توعىزقۇمالاقتان قازاقستان رەسپۋبليكاسىنا ەڭبەگى سىڭگەن سپورت شەبەرى، الەمنىڭ 9 دۇركىن جەڭىمپازى اسەل داليەۆا، تولەبيلىك بايداركا جانە كانوە ەسۋدەن حالىقارالىق دارەجەدەگى سپورت شەبەرى، جاستار اراسىنداعى الەمنىڭ 5 دۇركىن جەڭىمپازى، ازيا چەمپيوناتى مەن جازعى ازيا ويىندارىنىڭ جەڭىمپازى ەۆگەني الەكسەەۆ، كوكپاردان قازاقستان رەسپۋبليكاسىنا ەڭبەگى سىڭگەن سپورت شەبەرلەرى، الەم چەمپيوناتىنىڭ جەڭىمپازدارى سايرامدىق باقتىباي شىرىنقۇلوۆ، تولەبيلىك تەمىرحان ايتباەۆ، سايرامدىق نۇرجىگىت مىرزاباەۆ، قازىعۇرتتىق سەيدۋللا اسلانبەك، جەتىسايلىق ابىلاي نىسانباەۆ، اۋدارىسپاقتان حالىقارالىق دارەجەدەگى سپورت شەبەرلەرى، ازيا چەمپيوناتىنىڭ 3 دۇركىن جەڭىمپازدارى تولەبيلىك سىرىم يزباساروۆ، ءبىرجان قوساليەۆ، جامبى اتۋدان حالىقارالىق دارەجەدەگى سپورت شەبەرى، الەم چەمپيوناتىنىڭ 2 دۇركىن جەڭىمپازى تولەبيلىك ەرالحان ايكوز، شاردارالىق ارمرەسلينگتەن قازاقستان رەسپۋبليكاسىنا ەڭبەگى سىڭگەن سپورت شەبەرلەرى، اۋەسقويلار اراسىنداعى الەمنىڭ 4 دۇركىن، كاسىپقويلار اراسىندا الەم چەمپيونى قادىرعالي وڭعارباەۆ، جاستار اراسىندا الەمنىڭ 5 دۇركىن، ەرەسەكتەر اراسىندا الەمنىڭ 4 دۇركىن جەڭىمپازى ايدارحان نۇرداۋلەت سىندى ازاماتتار الداعى ۋاقىتتاردا وتەتىن الەمدىك دەڭگەيدەگى بايراقتى جارىستاردا ەلىمىزدىڭ كوكبايراعىن كوككە كوتەرىپ، قاسيەتتى تۇركىستانىمىزدى تۇلەتۋگە ءوز سەپتىگىن قوسادى دەگەن سەنىمدەمىز.

ايتمۇحامەتالى بەرداشەۆ،

تۇركىستان وبلىسى دەنە شىنىقتىرۋ

جانە سپورت باسقارماسى باسشىسىنىڭ مىندەتىن ۋاقىتشا اتقارۋشى.

سوڭعى جاڭالىقتار

قازاقستاندا دوللار ارزاندادى

ەكونوميكا • بۇگىن، 11:40

ء"تىل قورعاندارى" توبى قۇرىلدى

رۋحانيات • بۇگىن، 09:45

جۇرت جارمەڭكەنى كۇتۋدە

ايماقتار • بۇگىن، 08:26

قىستان قىسىلماۋ ءۇشىن

قوعام • بۇگىن، 08:25

«بەتپەردەلى» پەندەلەر

رۋحانيات • بۇگىن، 08:05

شىنىقتىرۋدىڭ شەبەرى

قوعام • بۇگىن، 08:03

قازاقتىڭ پەيىلىنە قايران قالام!..

رۋحانيات • بۇگىن، 07:37

COVID-19: قاي ەلدەردە ساقتاندىرۋ بار؟

كوروناۆيرۋس • بۇگىن، 07:31

مۇراعاتتار مۇڭ شاعادى

قوعام • بۇگىن، 07:30

ساحنانىڭ ءسانى كىردى

ونەر • بۇگىن، 07:26

دياس جارىستان شىعىپ قالدى

تەننيس • بۇگىن، 07:22

يتالياعا بەت الدى

سپورت • بۇگىن، 07:21

ەستافەتا باعىتى جاريالاندى

سپورت • بۇگىن، 07:19

اۋىلدا پالما اعاشى وسەدى

وقيعا • بۇگىن، 07:14

قارامەڭدىدەگى قارتتار ورتالىعى

ايماقتار • بۇگىن، 07:13

العاشقى دەبات ءوتتى

الەم • بۇگىن، 07:12

«اقىلدى» ايماقتار

تەحنولوگيا • بۇگىن، 07:04

تسيفرلى دامۋدىڭ 5 باسىم باعىتى

تەحنولوگيا • بۇگىن، 07:02

ۇقساس جاڭالىقتار