2013 جىلعى 21 ماۋسىم استانا قالاسى
ءبىر ءوتىنىش نەگىزىندە ەلەكتروندىق نىساندا بىرنەشە مەملەكەتتىك قىزمەتتى كورسەتۋ قاعيدالارىن بەكىتۋ تۋرالى
2013 جىلعى 21 ماۋسىم استانا قالاسى
ءبىر ءوتىنىش نەگىزىندە ەلەكتروندىق نىساندا بىرنەشە مەملەكەتتىك قىزمەتتى كورسەتۋ قاعيدالارىن بەكىتۋ تۋرالى
«مەملەكەتتىك قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسى زاڭىنىڭ 21-بابىنىڭ 4-تارماعىنا سايكەس بۇيىرامىن:
1. قوسا بەرىلىپ وتىرعانءبىر ءوتىنىش نەگىزىندە ەلەكتروندىق نىساندا بىرنەشە مەملەكەتتىك قىزمەتتى كورسەتۋ قاعيدالارى بەكىتىلسىن.
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ مەملەكەتتىك قىزمەتتەردى اۆتوماتتاندىرۋدى باقىلاۋ جانە حالىققا قىزمەت كورسەتۋ ورتالىقتارىنىڭ قىزمەتىن ۇيلەستىرۋ كوميتەتى (ب.ب. مۋسين):
1) قازاقستان رەسپۋبليكاسى ادىلەت مينيسترلىگىندە وسى بۇيرىقتىڭ زاڭنامادا بەلگىلەنگەن تارتىپپەن مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە ونى مەملەكەتتىك تىركەۋدەن كەيىن بۇقارالىق اقپارات قۇرالدارىندا, ونىڭ ىشىندە قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ينتەرنەت-رەسۋرسىندا رەسمي جاريالانۋىن جانە مەملەكەتتىك ورگانداردىڭ ينترانەت-پورتالىندا ورنالاسۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى س.س. سارسەنوۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن التى اي وتكەن سوڭ قولدانىسقا ەنگىزىلەدى.
مينيستر ا.جۇماعاليەۆ
قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2013 جىلعى 21 ماۋسىمداعى №472 بۇيرىعى
ءبىر ءوتىنىش نەگىزىندە بىرنەشە مەملەكەتتىك قىزمەتتى ەلەكتروندىق نىساندا كورسەتۋ قاعيدالارى
1. جالپى ەرەجەلەر
1. وسى ءبىر ءوتىنىش نەگىزىندە بىرنەشە مەملەكەتتىك قىزمەتتى ەلەكتروندىق نىساندا كورسەتۋ قاعيدالارى(بۇدان ءارى – قاعيدالار) ءبىر ءوتىنىش نەگىزىندە بىرنەشە مەملەكەتتىك قىزمەتتى ەلەكتروندىق نىساندا كورسەتۋ ءتارتىبىن انىقتايدى.
2. وسى قاعيدالاردا كەلەسى نەگىزگى تۇسىنىكتەر مەن قىسقارتۋلار قولدانىلادى:
1) كومپوزيتتىك قىزمەت – ءبىر ءوتىنىش نەگىزىندە ەلەكتروندىق نىساندا كورسەتىلەتىن بىرنەشە مەملەكەتتىك قىزمەتتىڭ جيىنتىعى;
2) ەتسق – ەلەكتروندىق تسيفرلىق قولتاڭبا;
3) پورتال – «ەلەكتروندىق ۇكىمەت» ۆەب-پورتالى.
وسى قاعيدالاردا قولدانىلاتىن بارلىق باسقا تۇسىنىكتەر «اقپاراتتاندىرۋ تۋرالى» قازاقستان رەسپۋبليكاسىنىڭ 2007 جىلعى 11 قاڭتارداعى زاڭىندا, «ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى» قازاقستان رەسپۋبليكاسىنىڭ 2003 جىلعى 7 قاڭتارداعى زاڭىندا, «مەملەكەتتiك كورسەتiلەتiن قىزمەتتەر تۋرالى» قازاقستان رەسپۋبليكاسىنىڭ 2013 جىلعى 15 ساۋiردەگi زاڭىندا قولدانىلاتىن ماعىنادا پايدالانىلادى.
2. ءبىر ءوتىنىش نەگىزىندە ەلەكتروندىق نىساندا بىرنەشە مەملەكەتتىك قىزمەتتى كورسەتۋ ءتارتىبى
3. كومپوزيتتىك قىزمەت قىزمەت بەرۋشىمەن قىزمەت الۋشىنىڭ ءبىر ءوتىنىشى نەگىزىندە ەلەكتروندىق نىساندا مەملەكەتتىك اقپاراتتىق جۇيەلەردە كومپوزيتتىك قىزمەت كورسەتۋدە تالاپ ەتىلەتىن قاجەتتى دەرەكتەر بولعان جاعدايدا كورسەتىلەدى.
4. كورسەتىلەتىن كومپوزيتتىك قىزمەتتىڭ ناتيجەسى رەتىندە كومپوزيتتىك قىزمەت قۇرامىنا كىرەتىن مەملەكەتتىك قىزمەتتەردىڭ ستاندارتتارىنا سايكەس انىقتالاتىن ءار مەملەكەتتىك قىزمەتتىڭ كورسەتىلۋ ناتيجەسى بولىپ تابىلادى.
5. كومپوزيتتىك قىزمەتتىڭ قۇرامىنا كىرەتىن مەملەكەتتىك قىزمەتتەردىڭ كورسەتىلۋ مەرزىمدەرى كومپوزيتتىك قىزمەتتىڭ قۇرامىنا كىرەتىن مەملەكەتتىك قىزمەتتەردىڭ ستاندارتتارىنا سايكەس انىقتالادى.
6. كومپوزيتتىك قىزمەتتى كورسەتۋدىڭ اقىلىعى (قۇنى, تولەۋ ءادىسى (اقشامەن جانە اقشاسىز ەسەپتەسۋ), قۇجات نىسانى (تۇبىرتەكتەر), قۇنىن (الىم, تولەم) تولەۋ كەزىندە تولتىرۋ تالاپ ەتىلەتىن قۇجاتتاردىڭ قاجەتتى نىساندارى مەن اقىسىزدىعى كومپوزيتتىك قىزمەتتىڭ قۇرامىنا كىرەتىن مەملەكەتتىك قىزمەتتەردىڭ ستاندارتتارىمەن انىقتالادى.
7. ءوتىنىش جانە (نەمەسە) كومپوزيتتىك قىزمەتتىڭ قۇرامىنا كىرەتىن مەملەكەتتىك كورسەتىلەتىن قىزمەتتەردىڭ ستاندارتتارىنا سايكەس تالاپ ەتىلەتىن قۇجاتتاردى تاپسىرۋ پورتالدا تاۋلىك بويى جۇزەگە اسىرىلادى.
8. قىزمەتتى الۋشى كومپوزيتتىك قىزمەتتى الۋ ءۇشىن پورتال ارقىلى قىزمەت الۋشىنىڭ ەتسق كۋالاندىرىلعان ءوتىنىش جانە (نەمەسە) مەملەكەتتىك كورسەتىلەتىن قىزمەتتەردىڭ ستاندارتتارىنا سايكەس تالاپ ەتىلەتىن قۇجاتتار جانە (نەمەسە) مالىمەتتەر جىبەرەدى. كومپوزيتتىك قىزمەت الۋ ءۇشىن ءوتىنىشتىڭ ەلەكتروندىق نىسانى پورتالدا ورنالاستىرىلادى.
9. كومپوزيتتىك قىزمەت قىزمەتتى كورسەتۋشىلەرمەن كومپوزيتتىك قىزمەتتىڭ قۇرامىنا كىرەتىن مەملەكەتتىك قىزمەتتەردىڭ ستاندارتتارىنا سايكەس كىزمەتتى الۋشىمەن ءوتىنىش جانە (نەمەسە) تالاپ ەتىلەتىن قۇجاتتار جانە (نەمەسە) مالىمەتتەر بەرىلگەن كۇننەن باستاپ كورسەتىلەدى.
قىزمەتتى الۋشىنىڭ ءوتىنىشى الدىمەن كومپوزيتتىك قىزمەتتىڭ قۇرامىنا كىرەتىن باسقا مەملەكەتتىك قىزمەتتەردى جۇزەگە اسىرۋ ءۇشىن مەملەكەتتىك قىزمەتتىڭ ناتيجەسى مىندەتتى بولاتىن قىزمەت كورسەتۋشىگە جىبەرىلەدى, جانە دە العاشقى مەملەكەتتىك قىزمەتتىڭ ناتيجەسى بويىنشا قىزمەتتى الۋشىنىڭ ءوتىنىشى قىزمەتتى كورسەتۋشىنىڭ ەتسق كۋالاندىرىلعان, كەزەكتى قىزمەتتى الۋدا تالاپ ەتىلەتىن مالىمەتتەرمەن تولىقتىرىلادى.
قاجەتتى مالىمەتتەرمەن تولىقتىرىلعان قىزمەتتى الۋشىنىڭ ءوتىنىشى اقپاراتتاندىرۋ سالاسىنداعى ەتسق كۋالاندىرىلادى جانە پورتال ارقىلى اۆتوماتتى تارتىپتە كومپوزيتتى قىزمەتتى ودان ءارى كورسەتۋ ءۇشىن باسقا قىزمەت كورسەتۋشىلەرگە جىبەرىلەدى.
كومپوزيتتى قىزمەتتى كورسەتۋگە قىزمەتتى الۋشىنىڭ ەتسق كۋالاندىرىلعان قىزمەتتى الۋشىنىڭ ءوتىنىشى پورتالدا ساقتالادى جانە قىزمەتتى كورسەتۋشىلەرمەن تەكسەرۋ ءۇشىن قول جەتىمدى.
10. قىزمەتتى الۋشى قىزمەت كورسەتۋشىنىڭ وكىلەتتى تۇلعاسىمەن كۋالاندىرىلعان ەلەكتروندىق قۇجات نىسانىندا پورتالدا جەكە كابينەتىندە ءار مەملەكەتتىك قىزمەتتىڭ قىزمەت كورسەتۋ ناتيجەسىن نە (نەمەسە) ءوتىنىشتى كەلەسى قىزمەت كورسەتۋشىگە جىبەرىلگەندىگى جونىندە حابارلاما نەمەسە مەملەكەتتىك قىزمەتتەردى كورسەتۋدەن باس تارتۋ تۋرالى دالەلدى جاۋاپ الادى.
11. كومپوزيتتىك قىزمەتتى كورسەتۋگە قىزمەت كورسەتۋشىمەن كومپوزيتتىك قىزمەتتىڭ قۇرامىنا كىرەتىن مەملەكەتتىك قىزمەتتەردىڭ ستاندارتتارىندا انىقتالعان جاعدايدا باس تارتىلادى.
12. كومپوزيتتىك قىزمەتتىڭ ناتيجەلەرىن قىزمەت كورسەتۋشىلەرمەن بەرۋ كومپوزيتتىك قىزمەتتىڭ قۇرامىنا كىرەتىن مەملەكەتتىك قىزمەتتەردىڭ ستاندارىنا سايكەس جۇزەگە اسىرىلادى.
13. قىزمەتتى الۋشىنىڭ كورسەتىلگەن كومپوزيتتىك قىزمەتتىڭ قۇرامىنا كىرەتىن مەملەكەتتىك قىزمەتتەردىڭ ناتيجەلەرىمەن كەلىسپەيتىن جاعدايدا, قىزمەتتى الۋشى سايكەس مەملەكەتتىك قىزمەتتەردىڭ ستاندارتتارىمەن بەلگىلەنگەن تارتىپتە شاعىم كەلتىرە الادى.
14. كومپوزيتتىك قىزمەتتەردى كورسەتۋ كەزىندە ارەكەت ەتەتىن مەملەكەتتىك اقپاراتتىق جۇيەلەردىڭ ءوزارا قارىم-قاتىناسى كورسەتىلگەن اقپاراتتىق جۇيەلەردىڭ مەنشىك يەلەرى نەمەسە يەلەرى بولىپ تابىلاتىن ورتالىق مەملەكەتتىك ورگاندارمەن اقپاراتتاندىرۋ سالاسىنداعى وكىلەتتى ورگانمەن كەلىسىلۋى ارقىلى ءوزارا بۇيرىعىمەن بەكىتىلەتىن اقپاراتقا قول جەتكىزۋ جانە بەرۋ قاعيدالارىمەن انىقتالادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 3 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8560 بولىپ ەنگىزىلدى.
