قۇرىلىس بارىسىن باقىلاپ, مەردىگەر كومپانيا جاۋاپتىلارىنا بىرقاتار تاپسىرما جۇكتەدى. ايماق باسشىسى بەكىتىلگەن كەستەدەن اۋىتقىماۋدى ەسكەرتتى جانە قاجەت بولعان جاعدايدا قۇرىلىس الاڭىنداعى جۇمىسشىلار سانىن ارتتىرۋدى تاپسىردى. ساپا – باستى نازاردا.
"تۇركىستان قالاسىنىڭ قۇرىلىسى مەن ساۋلەتىنىڭ ساپاسى ومىرشەڭ دە وزەكتى. سوندىقتان بۇل ماسەلە قاتاڭ باقىلاۋدى قاجەت ەتەدى. ساپادا سالعىرتتىققا جول بەرمەيمىز. قالادا ساۋلەت ونەرىنىڭ وزىق ۇلگىلەرىنە اينالار ايتۋلى عيماراتتار بوي كوتەرگەن. قۇرىلىس اۋقىمى جوعارى قارقىنمەن جۇرگىزىلىپ جاتىر. ەڭ باستىسى, حالىققا ىڭعايلى, ساپاسى ءمىنسىز بولۋى ءتيىس", – دەيدى وبلىس اكىمى.
اكىمشىلىك-ىسكەرلىك ورتالىعىندا جاپسارلاس سالىنعان ءۇي جايلارى مەن پاركينگى بار زاماناۋي ءزاۋلىم ۇيلەردىڭ قۇرىلىسى بيىل پايدالانۋعا بەرىلەدى. ومىرزاق ەستاي ۇلىنىڭ تاپسىرماسىنا سايكەس, كوپپاتەرلى تۇرعىن ۇيلەردىڭ قاسبەتى تۇتاستاي اشىق ءتۇستى تراۆەرتين مەن اق مارمارمەن قاپتالۋدا.
تۇركىستان قالاسى اكىمشىلىك-ىسكەرلىك ورتالىعىندا 7,9 جانە 12 قاباتتى 5600 پاتەر, 89 تۇرعىن ءۇي قۇرىلىسى مەملەكەتتىك بيۋدجەت ەسەبىنەن سالىنۋدا. جىل قورتىندىسىمەن 7 قاباتتى 24 تۇرعىن ءۇي, ياعني, 1452 پاتەر پايدالانۋعا بەرىلەدى. كەزەكتە تۇرعان الەۋمەتتىك وسال توپتارعا جانە كوپبالالى وتباسىلارعا 450 پاتەر, مەملەكەتتىك قىزمەتكەرلەرگە 1000-نان استام كرەديتتىك تۇرعىن ءۇي تاپسىرىلادى.
