ايماقتار • 11 تامىز، 2020

ارال اۋدانىندا ەپيدەميولوگيالىق احۋال جاقساردى

208 رەت كورسەتىلدى

ارال اۋدانىنىڭ تۇرعىندارى اۋىر جاعدايدى ارتتا قالدىردى، - دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ. 

پاندەميا باستالعان ۋاقىتتا اۋداندا 100 پروۆيزورلىق، 20 ينفەكتسيالىق توسەك ورىن ۇيىمداستىرىلعان. قازىرگى تاڭدا پروۆيزورلىق ستاتسيوناردا 18 ناۋقاس ەم الىپ جاتسا، ينفەكتسيالىق ستاتسيوناردا ەم الىپ جاتقان ادام جوق. بۇعان دەيىن پروۆيزورلىق ستاتسيوناردا 225 ناۋقاس ەمدەلىپ شىقسا، ينفەكتسيالىق ستاتسيوناردا اۋدان بويىنشا 52 تۇرعىن ناۋقاسىنان ايىققان.

ارال اۋداندىق اۋرۋحاناسىندا 1 مىڭ 440 قىزمەتكەر جۇمىس ىستەيدى. ەمدەۋ مەكەمەسى 9 يۆل اپپاراتىمەن جانە 33 وتتەگى كونتسەنتراتورىمەن قامتىلعان. اۋرۋحانا 2017 جىلى جاڭا تيپتىك عيماراتقا كوشكەن.

اۋدانعا قاراستى سەكسەۋىل كەنتىندە دە ەپيدەميولوگيالىق جاعداي تۇراقتالدى. كەنتتەگى 25 توسەك ورىنعا ارنالعان سەكسەۋىل اۋىلدىق اۋرۋحاناسىندا 15 ەمدەۋ، 10 بالالار ءبولىمى بار. ودان بولەك 20 پروۆيزورلىق ورىن اشىلعان. 40 قىزمەتكەرى بار ەمدەۋ ورنىندا ايىنا 70 ناۋقاسقا دەيىن جوسپارلى جانە شۇعىل ەم الىپ شىعادى.

ەپيدەميولوگيالىق احۋال باستالعالى بەرى پروۆيزورلىق ستاتسيوناردا 60 ناۋقاس ەمدەلىپ شىقتى. اۋىلدىق اۋرۋحانادا 4 وتتەگى كونتسەنتراتورى بار.

ارالدىق اق حالاتتىلار "بۇل جەتىستىكپەن بوساڭسۋعا بولمايدى"،- دەيدى. الداعى ۋاقىتتا كەسەل قايتا ورشىسە اۋدانداعى ەمدەۋ مەكەمەلەرى شۇعىل ارەكەت ەتۋگە ارقاشان دايىن بولۋ كەرەكتىگىن ەستەن شىعارمايدى.

 

سوڭعى جاڭالىقتار

مەننيدىڭ تاعى ءبىر مارتتىگى

كاسىپقوي بوكس • كەشە

ۇقساس جاڭالىقتار