تۇركىستان قالاسىنداعى «جەڭىس» ساياباعىندا ۇلى ابايدىڭ 175 جىلدىق مەرەكەسىنە وراي وبلىستىق قوعامدىق دامۋ باسقارماسىنا قاراستى جاستار رەسۋرستىق ورتالىعىنىڭ ۇيىمداستىرۋىمەن "ادامزاتتىڭ ابايى" اتتى مەرەكەلىك ءىس-شارا ءوتتى.
جيىنعا وبلىستىڭ بىرقاتار اۋداندارىنان اباي ەسىمدى جاسوسپىرىمدەر قاتىسىپ, ارنايى سىيلىقتار تابىس ەتىلدى. ۇلى اقىننىڭ اتىن يەلەنگەن بالالار اراسىندا ەكى اباي قۇنانباەۆ بار.
مەرەيتويلىق شارا بارىسىندا وبلىستاعى جاس اقىندار ابايعا ارنالعان جۇرەكجاردى ولەڭدەرىن وقىپ, كوركەمسوز وقۋ شەبەرلەرى اقىننىڭ جىرلارىن ناقىشىنا كەلتىرە جۇرت نازارىنا ۇسىندى. سونداي-اق, ابايدىڭ حالىق اراسىنا كەڭ تارالعان اندەرى دە شىرقالدى.
ايتا كەتەيىك, مەملەكەت باسشىسىنىڭ جارلىعىمەن 10 تامىز – "اباي كۇنى" بولىپ بەلگىلەنگەن ەدى. وسىعان وراي تۇركىستان وبلىسىنىڭ بارلىق اۋدان-قالالارىندا مەرەكەلىك ءىس-شارالار ءالى دە جالعاسۋدا.
