بۇۇ-نىڭ جاريالاعان ەسەبىنە سايكەس, ەلەكتروندىق ۇكىمەتتى دامىتۋ بويىنشا كوشباسشىلاردىڭ العاشقى ۇشتىگىنە دانيا, وڭتۇستىك كورەيا جانە ەستونيا ەندى.
تمد ەلدەرى اراسىندا قازاقستان 1-ورىندى يەلەندى. قازاقستاننان كەيىن رەسەي (36), بەلارۋس (40), ۋكراينا (69), مولدوۆا (79), وزبەكستان (87)جانە ت.ب.ەلدەرورنالاسقان.
وسى جىلعى رەيتينگتە پورتۋگاليا 35-ءشى, يتاليا 37-ءشى, بەلگيا 41-ءشى, قىتاي 45-ءشى, مالايزيا 47-ءشى ورىندا تۇر.
قازاقستاننىڭ اتالعان رەيتينگتەگى ەڭ جوعارى پوزيتسياسى 28-ورىن 2014 جىلى تىركەلگەن ەدى. 2016 جىلى 33-ورىنعا, ال 2018 جىلى 39-ورىندا بولدى. وسىلايشا, سوڭعى 2 جىلداعى كورسەتكىش بويىنشا قازاقستان10 پوزيتسياعا جوعارىلادى.
ەلەكتروندىق ۇكىمەتتى دامىتۋ بويىنشا بۇۇ-نىڭ جاھاندىق رەيتينگىندە (EGDI) ءۇش كومپونەنت نەگىزگە الىنادى: ەلەكتروندىق قىزمەتتەردى (OSI), ادامي كاپيتالدى (HCI), تەلەكوممۋنيكاتسيالىق ينفراقۇرىلىمدى دامىتۋ (TII).
2018 جىلعى كورسەتكىشپەن سالىستىرعاندا ەلەكتروندىق ۇكىمەتتى دامىتۋ يندەكسى (EGDI) 2020 جىلى 10.2%-عا, ونلاين قىزمەتتەر بويىنشا 6,38%-عا, ادامي كاپيتال بويىنشا 5.6%-عا ءوستى.
جوعارى 22.7% كورسەتكىش تەلەكوممۋنيكاتسيالىق ينفراقۇرىلىمدى دامىتۋ سالاسىندا بايقالدى. سونىمەن قاتار, ەلەكتروندىق قىزمەتتەر دەڭگەيى بويىنشا قازاقستان ەڭ جوعارى بالل الدى. رەيتينگتە بۇل كورسەتكىش 1% دەپ باعالانسا, قازاقستاننىڭ كورسەتكىشى 0,92% دەپ باعالاندى.
ەلەكتروندىق ۇكىمەتتى قولدانۋدى دامىتۋ بويىنشا (E-participation) قازاقستان 16 پوزيتسياعا كوتەرىلىپ, 26-ورىنعا شىقتى. بۇل يندەكس ازاماتتاردىڭ شەشىم قابىلداۋ پروتسەسىنە قاتىسۋىن, مەملەكەت قىزمەتىنىڭ اشىقتىعىن كورسەتەدى, بۇل "ەستۋشى مەملەكەت"ساياساتىنا سايكەس كەلەدى.
جەرگىلىكتى جەرلەردە ونلاين-قىزمەتتەردى دامىتۋ بويىنشا الماتى قالاسى رەيتينگكە قاتىسقان الەمدەگى 100 قالانىڭ ىشىندە 29-ورىندا.
