2013 جىلعى 2 تامىز استانا قالاسى
«بيۋدجەت قاراجاتى ەسەبىنەن قارجىلاندىرىلاتىن مەملەكەتتىك ءبىلىم بەرۋ ۇيىمدارىنىڭ قىزمەتكەرلەرىنە جالاقى ەسەپتەۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 29 قاڭتارداعى №40 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
2013 جىلعى 2 تامىز استانا قالاسى
«بيۋدجەت قاراجاتى ەسەبىنەن قارجىلاندىرىلاتىن مەملەكەتتىك ءبىلىم بەرۋ ۇيىمدارىنىڭ قىزمەتكەرلەرىنە جالاقى ەسەپتەۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 29 قاڭتارداعى №40 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىن زاڭىنا جانە «ازاماتتىك قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» 2007 جىلعى 29 جەلتوقسانداعى № 1400 قازاقستان رەسپۋبليكاسى ۇكىمەتىنىڭ كاۋلىسىنا سايكەس بۇيىرامىن:
1. «بيۋدجەت قاراجاتى ەسەبىنەن قارجىلاندىرىلاتىن مەملەكەتتىك ءبىلىم بەرۋ ۇيىمدارىنىڭ قىزمەتكەرلەرىنە جالاقى ەسەپتەۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 29 قاڭتارداعى № 40 (نورماتيۆتىك قۇقىقتىق اكتىلەردى مەملەكەتگىك تىركەۋ تىزىلىمىندە 2008 جىلعى 22 اقپاندا № 5148 تىركەلگەن. 2008 جىلى 13 ناۋرىزداعى № 38 (1264) «زاڭ گازەتىندە» جاريالانعان) بۇيرىعىنا مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن بۇيرىق پەن بەكىتىلگەن بيۋدجەت قاراجاتى ەسەبىنەن قارجىلاندىرىلاتىن مەملەكەتتىك ءبىلىم بەرۋ ۇيىمدارىنىڭ قىزمەتكەرلەرىنە جالاقى ەسەپتەۋ ەرەجەسىندە:
40-تارماق مىناداي مازمۇڭداعى 15), 16) تارماقشالارمەن تولىقتىرىلسىن:
«15) تەحنيكالىق جانە كاسىپتىك ءبىلىم بەرۋ ۇيىمدارىنىڭ وندىرىستىك شەبەرلەرىنە وندىرىستىك وقىتۋدى ۇيىمداستىرعانى ءۇشىن;
16) «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ وقۋ باعدارلامالارى بويىنشا بىلىكتىلىكتەرىن ارتتىرۋدان وتكەن باستاۋىش, نەگىزگى جانە جالپى ورتا ءبىلىم بەرەتىن باعدارلامالارىن ىسكە اسىراتىن ءبىلىم بەرۋ ۇيىمدارى مۇعالىمدەرىنىڭ بىلىكتىلىك دەڭگەيى ءۇشىن»,»;
45-تارماق مىناداي رەداكتسيادا جازىلسىن:
«45. قوسىمشااقى مەن ۇستەمەاقىنىڭ بارلىق تۇرلەرى عىلىمي دارەجەسى ءۇشىن, تۇنگى ۋاقىتتاعى, مەرەكەلىك جانە دەمالىس كۇندەرىندەگى جۇمىسى ءۇشىن, ساباقتان تىس جۇمىستارى ءۇشىن, رادياتسيالىق قاۋىپتى اۋماقتاردا جانە ەكولوگيالىق اپات ايماقتارىندا تۇرعانى, بىلىكتىلىك دەڭگەيى ءۇشىن تولەنەتىن قوسىمشااقىنى قوسپاعاندا, سونىمەن قاتار لاۋازىمدىق جالاقىسىنان (لاۋازىمدىق قىزمەتاقىدان) جۇرگىزىلەدى.».
2. قارجى جانە ينۆەستيتسيالىق جوبالار دەپارتامەنتى (ت.ا. نۇرعوجاەۆا):
1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن;
2) مەملەكەتتىك تىركەۋدەن ەتكەن سوڭ وسى بۇيرىقتى بۇقارالىق اقپارات قۇرالدارىڭدا جاريالاسىن.
3. وسى بۇيرىقتىڭ ورىندالۋىن باقىلاۋ جاۋاپتى حاتشى ءا.ق.عالىموۆاعا جۇكتەلسىن.
4. وسى بۇيرىقتىڭ 2011 جىلعى 1 قىركۇيەكتەن باستاپ قولدانىسقا ەنگىزىلەتىن 1 تارماقتىڭ ءتورتىنشى بولىگىن, 2012 جىلعى 1 قىركۇيەكتەن باستاپ قولدانىسقا ەنگىزىلەتىن 1 تارماقتىڭ بەسىنشى جانە جەتىنشى بولىكتەرىن قوسپاعاندا, رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ب.جۇماعۇلوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 27 تامىزدا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8651 بولىپ ەنگىزىلدى.
