قحل بەكىتكەن كەستەگە سايكەس, تۇراقتى بىرىنشىلىكتىڭ جاڭا ماۋسىمىن 2 قىركۇيەكتە ماسكەۋدىڭ تسسكا كلۋبى مەن قازاننىڭ «اق بارىس» ۇجىمى باستاپ بەرەدى. بىرىنشىلىكتىڭ العاشقى كەزەڭى 27 اقپانعا دەيىن, ياعني 142 كۇنگە جالعاسادى. سونىمەن قاتار بيىلعى باسەكەگە 23 كلۋبتىڭ قاتىساتىنى بەلگىلى بولدى. ءار كوماندا 60 ماتچ وتكىزەدى جانە كلۋبتار ءبىر-بىرىمەن ەكى رەت كەزدەسەدى. ال جالپى سانى 690 ماتچ وتەدى.
قحل چەمپيوناتىندا ەكى ءۇزىلىس بولادى. ءبىرىنشىسى, ەۋروتۋر ماتچتارى كەزىندە: 2-9 قاراشا ارالىعىندا (فينليانديادا), 14-20 جەلتوقسان ارالىعىندا (رەسەيدە), 8-15 اقپان ارالىعىندا (شۆەتسيادا), ەكىنشىسى, جاڭا جىلدىق مەرەكە (31 جەلتوقسان-2 قاڭتار) مەن ريگادا وتەتىن قحل جۇلدىزدارىنىڭ ماتچىن وتكىزۋ ۋاقىتىنا (22-24 قاڭتار) جوسپارلانعان.
ال گاگارين كۋبوگى جولىنداعى پلەي-وفف باسەكەلەرى 2021 جىلدىڭ 2 ناۋرىزىندا باستالادى. فينالدىق باسەكە 30 ساۋىردە وتەدى دەپ جوسپارلانعان. ايتا كەتەيىك, ەلوردانىڭ «بارىس» كلۋبى قحل-ءدىڭ بيىلعى ماۋسىمىن 3 قىركۇيەكتە سىرت ايدىندا ريگانىڭ «دينامو» كومانداسىنا قارسى ويىنمەن باستايدى.
