سايلاۋ • 11 تامىز، 2020

بەلارۋس: پرەزيدەنتتىك سايلاۋ اياقتالدى

74 رەت كورسەتىلدى

وتكەن جەكسەنبىدە بەلارۋستە پرەزيدەنت سايلاۋى ءوتتى. وسى ەلدىڭ ورتالىق سايلاۋ كوميسسياسى جاريالاعان الدىن الا مالىمەتكە سۇيەنسەك، قازىرگى مەملەكەت باسشىسى الەكساندر لۋكاشەنكو 80 پايىزدان استام داۋىس جيناعان.

وسك توراعاسى ليديا ەرمو­شينانىڭ سوزىنە سۇيەنسەك، وپپوزيتسيانىڭ باستى وكىلى سۆەتلانا تيحانوۆسكايا 9،9 پا­يىز داۋىس جيناعان. بۇدان بولەك، اننا كانوپاتسكايا – 1،68%، اندرەي دميتريەۆ – 1،04%، سەرگەي چەرەچەن – 1،13 پايىز قولداۋعا يە بولعان.

ل.ەرموشينانىڭ ايتۋىن­شا، سايلاۋدىڭ الدىن الا قورى­تىندىسىنىڭ وزگەرۋى ەكىتالاي. داۋىس ەسەپتەۋدىڭ قورىتىندى ناتيجەسى وسى اپتانىڭ سوڭىندا ناقتى بەلگىلى بولادى.

ورتالىق سايلاۋ كوميسسياسى كەلتىرگەن مالىمەت بۇعان دەيىنگى مەملەكەتتىك ەكزيتپول­دىڭ ناتي­جەسىنە ساي. ويتكەنى ەكزيت­پول بويىنشا قازىرگى مەملەكەت باسشىسى ا.لۋكاشەنكو 79،7 پايىز داۋىس جينايتىنى بولجانعان-دى.

سايلاۋ اياقتالعاننان كەيىن بەلارۋستە جاپپاي نارازىلىق اكتسيالارى ءوتتى. سونىڭ سالدارىنان داۋىستى ساناۋعا كەدەرگى كەلگەن. ء«بىز ولاردى قولمەن جازدىق. ويت­كەنى ورتالىق سايلاۋ كوميسسياسىندا ساراپشى ەكەۋمىز عانا بولدىق. تۇنگى ساعات بىردە ۇكىمەت ۇيىنەن ەۆا­كۋا­تسيالاندىق. سون­دىقتان ءبىز ناتيجەلەردى قابىلداي الما­دىق. ناتيجەلەر بريفينگ باستالار الدىندا عانا قولىمىزعا ءتيدى»، دەدى ل.ەرموشينا جۋرناليستەرگە بەرگەن سۇحباتىندا.

بەلارۋس وسك-نىڭ مالىمە­تى بو­­يىن­شا، سايلاۋعا 5 798 908 ادام، ياعني تىزىمدەگى ساي­لاۋشى­لاردىڭ 84،23%-ى قاتىسقان.

ريا نوۆوستي اگەنتتىگىنىڭ حابارلاۋىنشا، بەلارۋستىڭ بىرنەشە قالاسىندا پرەزيدەنت­­تىك سايلاۋدىڭ ناتيجەلەرىنە كەلىس­پەيتىن ازاماتتار ءتارتىپ ساق­شىلارى تاراپىنان ۇستال­عان. Tut.by باسىلىمى مينسكىدەگى جاپپاي تارتىپسىزدىكتەر تۋرالى بەينەتۇسىرىلىمدەردى جاريالا­دى. جينالعاندار ولاردىڭ الدىن­دا تۇرعان قاۋىپسىزدىك قىزمەت­كەر­لەرىنە قارسىلىق كورسەتكەن. ءتارتىپ ساقشىلارى تۇرعىنداردى ۇي­لەرىنەن شىقپاۋعا جانە قالا الاڭدارىنا جينالماۋعا شاقىردى.

ىشكى ىستەر مينيسترلىگى رۇق­سات ەتىلمەگەن جاپپاي شارا­لار ءوتىپ جاتقان مينسك جانە رەسپۋب­ليكانىڭ باسقا دا وڭىرلەرىندەگى جاعدايدى قاداعالاپ وتىرعانىن حابارلادى. «مينسك پەن باسقا دا قالالارداعى جاعداي تولىعىمەن باقىلاۋدا. ۇستالعاندار بار، بىراق ازىرگە جالپى مالىمەتتەر جوق»، دەدى ۆەدومستۆونىڭ رەسمي وكىلى ولگا چەمودانوۆا.

ورتالىق سايلاۋ كوميسسيا­سى سايلاۋ قورىتىندىسىن جا­ريا­­لا­عاننان كەيىن قازاقستان پرە­زي­دەنتى قاسىم-جومارت توقاەۆ قازاقستان حالقىنىڭ جانە جەكە ءوزىنىڭ اتىنان الەك­سان­در لۋكا­شەنكونى بەلارۋس پرەزي­دەنتى بولىپ قايتا سايلانۋىمەن قۇتتىقتاپ، جەدەلحات جولدادى.

«ساياسي جاعدايدىڭ كۇردەلى بولعانىنا قاراماستان، سايلاۋ­دىڭ قورىتىندىسى حالىق ءسىز­دىڭ بەلارۋس مەملەكەتىنىڭ ەگەمەن­دىگى مەن تاۋەلسىزدىگىن نىعايتۋعا نەگىزدەلگەن ستراتەگيالىق باعى­تىڭىزدى قولدايتىنىن كور­سەتتى»، دەلىنگەن جەدەلحاتتا.

 

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار