ايماقتار • 11 تامىز، 2020

ءتىلسىز جاۋدىڭ تاقسىرەتى

7 رەت كورسەتىلدى

كوكشەتاۋ مەن قاراوتكەلدىڭ جالپاق دالاسىندا بيىلعى جاز ءسال عانا اسىرەلەپ ايتقاندا، قارا قارعانىڭ ميى قاينايتىنداي ىستىق بولىپ تۇر. اپتاپ ىستىقتا اپات تا از ەمەس. ماسەلەن، وبلىستا جىل باسىنان بەرى 48 مىڭ گەكتاردان استام القاپتا ورمان ءورتى ورىن الدى. قۋراپ قالعان قاۋ ءشوپتىڭ تۇتانۋىنان 51 دالا ءورتى وقيعاسى تىركەلدى.

تابيعاتتىڭ تاقسىرەتى – ادامنان. ءسال سارعىش تارتىپ، ءشوپ بۋىنى بەكىگەن، ىلعال ازايعان وسى ءبىر ءسات وتە قاۋىپتى. بەيقام­دىقتىڭ بەينەتىن بەيكۇنا تابيعات تا كوتەرىپ تۇر. ورمان ءورتىنىڭ باسىم بولىگى تابيعاتى تامىلجىعان بۋراباي اۋدانىنا تيەسىلى. ماڭگى جاسىل قاراعايلار مەن قولدىڭ سالاسىنداي اققايىڭداردىڭ جالاڭداعان قىزىل ءورتتىڭ كومەيىندە شىرقىراي-شىرىلداپ ورتەنىپ كەتۋى جانىڭدى اۋىرتادى-اق. تۋريس­تىك ايماقتا بيىلعى جازدا ۇلكەندى-كىشىلى 14 ورمان ءورتى تىركەلدى. تابيعاتقا ورنى تولماس زيان كەلتىرىلدى. اقكول اۋدانىنداعى تابيعات تا وسىنداي اپاتتىڭ سالدارىنان زارداپ شەگۋدە.

ال قاۋ ءشوپتىڭ جازاتايىم تۇتانۋى، دالا ورتىنە اينالۋى جايىنا كەلەتىن بولساق، بۇل ورايدا ەرەيمەنتاۋ اۋدانى كوش باستاپ تۇر. جىل باسىنان بەرى 11 دەرەك تىركەلگەن.

– موينى قاشىق ەلدى مەكەندەردە ءورت ءسوندىرۋ بەكەتتەرى بولماۋى قيىندىق تۋعىزىپ كەلدى. ءورت ورىن الا قالعان جاعدايدا دەر ۋاقىتىندا جەتە الماۋ اپاتتىڭ ۇلعايىپ كەتۋىنە سەبەپشى، – دەيدى وبلىستىق توتەنشە جاعدايلار دەپارتامەنتى باستىعىنىڭ مىندە­تىن اتقارۋشى قانات دوسپاەۆ.

كوڭىلگە ءبىر دەمەۋى، ولقى ءتۇسىپ جاتقان وسى ءىس سوڭعى ۋاقىتتا وڭ سيپاتقا يە بولۋدا. جەرگىلىكتى بيلىك ورگاندارى مەن تابيعاتقا جاناشىر كاسىپكەرلەر شالعايداعى ەلدى مەكەندەردە ءورت ءسوندىرۋ بەكەتتەرىن اشۋعا جۇمىلدىرىلعان. وسى ورايدا 30 بەكەتتىڭ اشىلعانىن ايتا كەتۋگە بولادى. ايتىپ كەلمەيتىن اپاتپەن كۇرەسۋگە ءتاپ-ءتاۋىر قول­عا­بىس تيگىزبەك. وعان قوسا قۇرامىندا ءبىر مىڭنان اسا ەرىكتى بار ەكى جۇزدەي جاساق قۇرىلعان. ەڭ باستىسى، ءورتتىڭ الدىن الۋ ماقساتىندا رەيدتەر ۇيىمداستىرۋ جيى­لەگەن.

تامىز  ايىندا دا ىستىقتىڭ بەتى قايتا قوي­مايدى دەگەن بولجام بار. ەگەر كارانتين اشىلا قالسا دەمالۋشىلار لەگى ۇدەي تۇسپەك. بەيقامدىقتان سوندىرىلمەي تاستاعان تەمەكىنىڭ ءبىر تۇقىلى دا جارتى الەمدى جۋساتىپ تۇسىرەتىن ورتكە سەبەپ بولماق. دۇرىس سوندىرىلمەگەن جەروشاق تا قاۋىپتى. دەمەك، وسى كەزدە قىراعىلىقتى كۇشەيتكەن ءجون. جالعىز توتەنشە جاعداي قىزمەتكەرلەرى عانا ەمەس، تابيعاتتىڭ تىلسىم قۇشاعىن اڭساپ كەلگەندەر دە اباي بولسا ەكەن دەي­مىز. توتەنشە جاعداي دەپارتامەنتىنىڭ قىز­مەتكەرلەرى 15 ءموبيلدى توپ قۇرىپ، ءتۇ­سىن­دىرۋ جۇمىستارىن جۇرگىزۋدە. ايتسە دە، ار­كىمنىڭ ءوز كوكىرەگىندە جاۋاپكەرشىلىك سەزىمى بولعانعا نە جەتسىن؟!

 

اقمولا وبلىسى

 

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار